I Timote 6:11 - O Mikanda Ikola

¹¹ Maji eie-phe u muthu ua Nzambi, ima ienhiʼii lenga-iu. U kaiele jinge o kuiuka, o kuxila Nzambi, o kuxikana, o kuzola, o kukolokota ni kubelesela.

I Timote 6:11 ပူးပေါင်းရင်းမြစ်များ

I Jisobha 13:1

Kienhokio anga mu Juda mu tunda muthu ua Nzambi, uiza mu Betele ni kizuelu kia Jihova; u sanga Jelobouamu uemana bhu mbanduʼa kalatódio, mu kuoha uasu ua dizumba.

I Jisobha 13:26

Anga, kia kʼivu, polofeta ua mu vutuile mu njila u zuela, uixi: Ió muene o muthu ua Nzambi, ua bhukumukina o kizuelu kia Jihova; Ngana kiene kia mu bhela ku hoji, ia mu sasujula iii ia mu jibha, kala kia mu tangelele Ngana.

I Jisobha 17:18

Bhenhobho muhatu uambela Elija, uixi: Kima kiahi ki nga ku bhange eie u muthu ua Nzambi, tata? Kiene ki uejiia ko kuami, mbé o ku ngʼidikiza kituxi kiami ki nga jimbile, ni ku ngi jibhila monʼami, kuambe?

I Jisobha 17:24

Bhenhobho muhatu uambela Elija, uixi: Mu kiki ki ua bhange ngʼejiia kiá kindala kuma eie u muthu ua Nzambi muene, ni kuila ue o kizuelu kia Ngana, mu dikanu dié, kia kidi.

I Jisobha 20:28

Anga kubhiẋila muthu ua Nzambi, hé u zuelesa sobha ia Izalaiele, uixi: O Jihova uambe kiki: Mukonda dia kuila akua Sídia a-mbe: Jihova, Nzambi ia milundu, ki Nzambi ue ia jihonga, eme kifuẋi kiki kioso kia akua Sídia, nga-nda ku a bhana bhu maku mé, eie nda uijiie kuma eme-muène ngi Ngana.

II Jisobha 1:13

Anga u tona dingi o ku mu tumikisa kabhitangu ka makuinhi a tanu lua katatu ni makuinhʼé a tanu; bhenhobho o kabhitangu ka makuinhi a tanu ua bande, iú ueza, iú ua fukama bhu pholo ia Elija, ni ku mu dionda, uixi: Muthu ua Nzambi, tata! Muenhu uami, nga ku diondo, ni muenhu ua abhikʼé o makuinhi a tanu iá, u di bhange phelu ia nzaji ku mesu mé.

II Jisobha 1:9

Bheneʼobho, ua mu tumikisa kabhitangu kamoxi ni makuinhiʼé a tanu a disoladi; o kia bande kua muene, (mbata muene ua xikamene bhu thalʼa mulundu), uexi: Eie u muthu ua Nzambi, sobha uedi: Tuluka.

II Jisobha 23:17

Anga uibhula dingi, uixi: O kiki kimaku kiahi ki nga mu mona? O athu mu mbanza ienhoio hé a mu vutuila exi: Iii iene o mbila ia muthu ua Nzambi ua tundile ku Juda iú ua diangele kutanga o ima iene i ua bhange eie leluʼidi ku Kalatódio kaka ka Betele.

II Jisobha 5:20

Bhneʼobho Jeazí, mubhikʼa Ilizeu, muthu ua Nzambi, uixi: Tala, ngana iami ua fudisa kuila ku lukuaku lua Naamane iú, dia mukua Sídia u bhanaku kama ku ima iejile na-iu; nguami tata! Nganda ku mu kaiela ni lusolo, hé ngi tambula-ku kama koso-koso.

I Malunda 23:14

O ki tuiza-phe kua Mozé, o muthu ua Nzambi, anʼê akexile mu ku a aluila jinga muaxaxe ka kibuka kia akua Leví.

II Malunda 8:14

Kala ue kia tendelela Davidi, tatʼâ, ua te o ibuka ia jinganga mu ukunji uâ, kiòmuene ue o jilevita, ku mbandu iâ ia a tokala, mbé a ximane Nzambi, ni ku bhanga ukunji uâ bhu pholo ia jinganga, kala kia ki xindi ku kizuua ni kizuua, ni akua mabhitu ue ku ibuka iâ, dibhitu ni dibhitu; mukonda kiene kia ki tumine Davidi, muthu ua ngene ua Nzambi.

Nehemiia 12:24

A kexi-phe atumini mu akua Leví enhá: Hasabiia, Selabiia, ni Jesuua, monʼa Kadimiiele; anga o jiphange jâ a kala ku pholo iâ mu kuimba o diximanu ni kusakidila, kala kia tumine Davidi, o muthu ua Nzambi; anga a kala mu kudibhinganesa ni kuditambuijila mu kuimba.

Nehemiia 12:36

ni jiphange jâ, à Semaia, ni Azalaiele, Milalaia, Jilalai, Mahai, Netanaiele, ni Juda, ni Hanani, ni ima ia kuxikila o mimbu ia Davidi, o muthu ua Nzambi; anga o musoneki Ejidala u tuamenena ku pholo iâ.

Jisálamu 34:14

Ku phulu, tunde-ku, u bhange o mbote; sota o paze, ni ku i jijila.

Jisálamu 38:20

Ni ió akua kubhanga phulu kua mukuâ ua a bhange mbote, a ngi zembe uâ, mukonda eme nga solo kubhanga o mbote.

Jisabhu 15:9

Njila ia muthu uabhumu, kua Jihova kisunji; maji muene-phe ua diuabhela ni uoso u kaiela o kuiuka.

Izaía 51:1

Enu-oso mua ku ta muẋima ku ufundisilu ua kidi, ngʼivienu, nʼenu muala kusota Jihova, talenu ku ditadi kuoso ku a mi bamiune, talenu ku dikungu dia dibânda mu a mi kandele.

Jelemiia 35:4

anga ngiia-nâ mʼonzo ia Jihova, mu xilu dia anʼa Hanane, monʼa Jingidaliia, muthu ua Nzambi, ualèla bhu xilu dia ilamba, uala ku pholo dia dixilu dia Mahaseia, monʼa Salume, mulangia-dibokuenu.

Loma 14:19

Uila kiki, tu kaiedienu o ima i bheka paze, ima i bhekela kutungiua mudietu.

I Kolindo 10:14

O ki tualʼ iki, akuetu, enu nga ni zola, o ubhezelu ua iteka lengenu-u.

I Kolindo 14:1

Kaielenu o henda. Sotenu ue ni muanu o mauhete ma nzumbi, kota-kota-phe ua kukola o Njimbu ia Nzambi.

I Kolindo 6:18

Undumbu lengenu-u! Kioso kituxi ki ta o muthu, kituxi ku kanga dia mukutu uê. Muthu uoso-phe u ta phanda, mukutu uê-muène ua u te kituxi.

Matendelelu 16:20

O kubatula mu kidi, o kubatula milonga mu kidi, kuene ngó ku mu kaiela jinga; nda u kale u muthu ua muenhu, u vue oxi ia-nda ku ku bhana Jihova Nzambi ié mu ubhingano.

Matendelelu 33:1

Didi-phe diene o dibesá dia besouala na-diu anʼa Izalaiele kuala Mozé, muthu ua Nzambi, kiosuʼiki kia lungu mu kúfua.

I Timote 1:14

O Ngana ietu, iú ua lundulula o jinzungule ja kiadi kiê ku thandu diami, iú ua ngi bhana o kuxikana ni henda i tuene na-iu mu kisangela ni Kristu Jezú.

I Timote 4:12

Kana kuehela kuila bhu kala muthu u ku tènda mukonda dia undenge. Oso-phe a xikana, eie-muène a bhane phangu, ni mu kuzuela, ni mu kudituma, ni mu henda, ni mu kuxikana ni mu kuzela.

I Timote 5:10

Muène kikale ue a mu tumbula o ikalakalu iê iambote iene mu kubhanga, se ua sase kiambote ana, se ua zalela jinga asonhi, se ua sukula jinga o inama ia akua Ngana, se ua bindumuna jinga jingadiama, mba o imbamba ioso iambote ua i bhanga jinga ni muanu.

I Timote 6:20

Timote, tata! Aiuka kiambote kioso kia ku bhana kulunda. Ditune jinge o kubuabuala kua ulalu kua ibhila Nzambi, ni kukuata jiphata ja uoua u exana ene exi unjimu, manhi unjimu ua makutu.

II Timote 2:21

Se muthu-phe u di zelesa ku ima ioso iii iaiibha, u kala kitutu kia ujitu, kiazele, kia fuama muadiʼê, kia xikamena kubhanga na-kiu kimbamba kioso kiambote.

II Timote 2:22

Jihânji-phe ja unzangala, lenga-ju, u kaiele o kuiuka, ni kuxikana, ni henda, ni paze, kumoxi ni ene oso kiá a dikola kua Nzambi ni muẋima uazele.

II Timote 3:10

Eie-phe ua kaiela jinga ulongelu uami, ni uendelu, ni ukanenu ua muenhu uami. Uene mu kaiela ue ni kuxikana kuami ni kuxididika, ni henda, ni kinhenge, ni mu malebhu, ni mu jiphaxi.

II Timote 3:17

Iene iosuʼii phala muthu ua Nzambi a tenene, ua di lungu kiasoko, mu kubhanga madimu moso mambote.

Jihebeleu 12:14

Sotenu kukala ku paze ni athu oso, mu kolokote mu kukala ni muenhu uazele, kuma uoso ua kambe kuzela ka tena kumona Ngana.

I Phetele 3:11

Ku phulu a tunde-ku, a bhange o mbote a sote o paze ni ku i kaiela.

I Samuuele 2:27

Anga kuiza muthu mukua Nzambi kua Eli, uixi: Eme Jihova uambe kiki: Kifua, ni kidi muene, ki nga di tukuluile ku dibhata dia tatʼenu, kia kexile hanji mu Ijitu mu ubhika ku mbanza ia Falaó?

I Samuuele 9:6

Mukua-mbèle anga u mu ambela, uixi: Talesa-ze bhu bhata bhabha bhuala mukua Nzambi, muthu a mu kala ni ujitu uavulu; muene kioso kia tanga ki ki kambe kubhita; tuie-bhu hanji, imoxi muene u tu ambela ioso njila ietu ia tokala i tu kuata.