I Timote 5:6 - O Mikanda Ikola

⁶ Mutudi uoso-phe ua baluka mù bhanga o jivondadi jê, ió uafu kia nè-mbe ualʼê ku muenhu.

I Timote 5:6 ပူးပေါင်းရင်းမြစ်များ

Dimatekenu 2:17

maji ku muẋi-phe ua kuijiia kiauabha ni kiaiibha kana kudia-ku; mukonda o kizuua ki ua kà dia-ku, ijiia na-kiu kuma ua kà fua muene.

Jisabhu 29:21

Muthu, o mubhika ku mu sasa ni uhete uavulu tunde undenge kala mona, hádia sai kizuua u diela.

Izaía 22:13

Maji o kiki-phe, uamono, muala ku kemba ni kusanguluka, mu jibha jingombe, mu jibha jimbudi, mu-dia xitu, mu-nua vinhu, mu amba muixi: Tu dienutu, tu nuenutu, mungu tu kane o kúfua!

Izaía 47:1

Tuluka, xikama mu fufuta eie u muzeletete, mona-kilumba ua Babilonha; xikama bhoxi; kana-bhu dingi kiandu, mona-kilumba mu Kaldeia, kuma ki bhu kala dingi ku ku ixana muzeletete, mba mona bhu kinéne.

Jelemiia 6:2

Monʼa kilumba mu Ziione, mukua makembu, ngi mu sendumuna.

Kuditenda 4:5

Oso a dile jinge o ima ia ximbuka kiambote, kiki ia a botomokena mu jinzunga; oso a a sasela mu izuatu ikusuka, kiki ia a nanga mu ditobe.

Matesu 8:22

Kuala Jezú: Ngi kaiele eme; eie ehela afi mu afi a fûnde akuâ.

Luka 12:19

Anga ngambela o muenhu uami, ngixi: Eie muenhu uami, ua zediua! Mukonda uala ni jimbongo javulu, jòbhake phala nzungule ia mivu. Nhohé kiá, u die, u nue, u sanguluke!

Luka 15:13

Kia bhiti tuizuua, o ndenge u bhongolola ioso, anga u katuka njila ia kuia ixi ia dikanga. Kuenioko anga u zanga-zanga itadi iê mu ulaji.

Luka 15:24

Mukonda monʼami iú ua fuile, lelu ua bhana o muenhu; ua texikile, lelu ua moneka. Anga a kuata kubhanga fesa!

Luka 15:32

Tua fuama-phe kubhanga fesa iíi, ni tu londekese o kusanguluka kuetu. Mukonda phangʼié iú ua fuile, lelu ueza ni muenhu; ua texikile, lelu ua moneka!

Luka 16:19

Jezú hé ua ambela dingi, uixi: Kua kexile mukua-itadi, u zuata jinga izuatu i kusuka ni linhu ia fina, izuua ioso u kala mu kúdia kiambote muene, ni kubhanga fesa ja makota.

Luka 7:25

Ihi-phe i muele kutalesa? Muthu ua zuata izuatu ia matunda? Athu-phe a zuata ima ia matunda, a kembela itadi, u a sanga mu ji palaxu ja enexi.

Efezo 2:1

Mʼukulu enu mua kexile mu afi mu nzumbi mukonda dia kuxibhaka kuenu kua Nzambi ni mukonda ue dia ituxi ienu.

Efezo 2:5

kioso mu nzumbi ki tua kexile tu afi mu ikuma ietu, kiene muène kia tu phaphumuna kumoxi ni Kristu. Ku kiadi kia Nzambi ngó ku mua bhulukila.

Efezo 5:14

Mukonda kioso ki di tukulula mua zele, ki di bhanga mukengeji. Kiene kia ki ambela, exi: Phaphumuka eie uaii ku kilu, u fukunuke mu ʼalunga, kristu nda a ku bhake mua zele.

Matendelelu 28:54

Bhenhobho muthu uoso a kexe ku mu ila mu Izalaiele exi, munjólo, kusangumuka kuvula, mukua kiadi, kienhókio ua-nda ku kituka muthu uaiibha, mesu a kà mu tunda mu mútue, ka kà suua dingi phangʼiê, mba mukajiʼê ene-phe-ne bhu háma imoxi, mba o ana oso hanji a nu xala-ku.

Matendelelu 28:56

O muhatu ua fina muʼaxaxi kenu, uoso ua kexe mona bhu kididiʼó katé ka xikana kudiota bhoxi, muenhó, bhu kumbiʼodio ua-nda kukituka muthu uaiibha, mu kubilukila muadi uê uene mu kuzeka bhu jihata jê bhu hàma imoxi, kiene kimoxi kia bhanga ku monʼê ua diiala ni ku monʼê ua muhatu.

Kolose 2:13

Sumbala mʼokulu mu nzumbi enu mua kexile mu madifundu mu ikuma ienu, ni kukamba ku mi saia o dibôlo dienu dia xitu. Maji leluʼidi Nzambi ua mi phaphumuna iú ua mi bheka dingi ku muenhu kumoxi ni Kristu. Muene ua tu loloka o ikuma ietu ioso.

II Timote 3:6

Kuma enhá ene akua kubokona jinzu ni kuzomba, ambata-mu jisemenhi ja ahatu, jezala ni ituxi, ja senduka ni jihânhi javulu jaiibha.

Tiiaku 5:5

Mu ngongo mumu enu muenhu uenu uoso ua kudia ni kukemba, enu mua nete kiambote kala ibhaku ia xikamena kuia bhu dijibhilu.

Dijingunuinu 18:7

Bhuoso bhua sukile muène ni ku di ximana, ni kuvudisa ukumbu, bhene bhu mu mu sukixila o kubhondalala ni kusebuluka kuê! Kuma uedile ku muẋima uê, uixi: Eme-muène na mvuale, nga xikama ku ungana! Ki ngala ngi mutûdi, ki ngi moneka dingi dilamba!

Dijingunuinu 3:1

O anjo ia Ngeleja ia Salade, mu sonekene kiki: Eme ió uala ni sambuadi dia Nzumbi ia Nzambi, ni sambuadi dia théthembua, uambe kiki: Eme nga ku ijiia o ima ioso i uene kubhanga. Ngejiia ue kuma uala ni fuma ia kukala u muthu ua muenhu, manhi uafu!

I Samuuele 15:32

Samuuele anga u zuela, uixi: Ngi bhekedienu bhabha, Akake, sobha ia akua Amaleke. Akake anga uiza ni kudikenha. Kuma Akake, uixi: Kidi muene kulula kua kalunga kua ngi somboka kiá.

I Samuuele 25:6

mua kà mu ambela kiki: Tana-ku, ngana! Ku kale paze ko kué, ku kale paze mʼonzo ié, ku kale paze ku mbèle ié ioso.