I Timote 5:5 - O Mikanda Ikola

⁵ Muhatu uoso-phe uala mutudi mu kidi, ka moneka thumba ni samba u mu tambula konda, ió o kudielela kuê kua kuata ngó kua Nzambi, kuma u jijila kusamba usuku ni muanha mu kubhinga dikuatekesu kua muène.

I Timote 5:5 ပူးပေါင်းရင်းမြစ်များ

Jisálamu 91:4

Muene u ku vungina ni jisala jê, o moxi a mabhabha mê, muene mu u suamena; o kidi kiê ki di bhanga ngubu ni ibhakatu.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 3:26

Ziione mielu ié ia kà kema, ia kà ta jingololo; o muene, ua kà xikama bhoxi mu mavu ni ku di kota.

Izaía 49:21

Eie-phe ua-nda kuila ni muẋima ué, uixi: O kiki, ana enhá mukuahi ua ngi vualela-u? eme nga kexile sé ana, uhukunhi uvula; ngele ku ubhika, eme nga tundu-ku; o iá-phe mukuahi ua ngi sasela-nâ? Talesa, ua kʼèla: eme nga subhukile ubheka; o iá-phe a kexe kuebhi?

Izaía 50:10

Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Izaía 54:1

Tana-ku eie u mbaku ua kambe kuvuala; imba, u dikole, u te nzôngo, eie kiluua uívua mika; kuma anʼa kisula kota mu kuvula, uala ni munumiʼê ndenge, kiene kia zuela Jihova.

Kuditenda 1:13

Ua tumikisa túbhia mu ifuba iami, tunde bhuluʼobho, ii iabambuka muene ni kuuama; inama iami ua i zalela uanda, ua ngi vutula ku dima; ua ngi sengulula muene, kumbi dioso dia kambamba nga tolamana.

Luka 18:1

Jezú anga ua tela kifika phala ku a longa kuma a tokala kusamba jinga, sé kubhuila;

Luka 18:7

Abha, Nzambi u kamba kufundisa athuʼê ua a sola, a di kola-kola kua muène mu muanha ni mu usuku, anga ua zokelela mu milonga iâ? Manhi u kokoloka mu ku a banda?

Luka 2:37

Hanji-phe kia xala mutudi, ua kuata kiá makuinhi-nake a muvu ni iuana. Muène, mu Tembulu kene kutunda-mu dingi, u kala-phe mu kalakela Nzambi ni mu usuku ni mu muanha, ni kujejuuala ni kusamba.

Jipoxolo 26:7

O kuinhi dietu dia muiji ni kiiadi, kia jijila o kusedivila Nzambi usuku ni muanha, kiene o kizuelu kia dielela ku ki mona. O kudielela kuenioko-phe, eie ngana u sobha, kuene kua bhekela o Jijudé ku ngi tatela!

Jipoxolo 6:1

Ki bhua bhiti izuua-phe, o mundu ua jixibulu ja Jezú anga a sokoloka dingi kiavulu. Kienʼiki o Jijudé ja xikana Jezú, ió a kexi mu zuela o mbimbi ia Ngeleku, a kuata kulongolola o Jijudé ja kexi mu zuela o dizui dia Jihebaleu, mukonda akua mbimbi ia Ngeleku a kexi mu kuamba kuma o atudiʼâ, ala ku a jimba mu kuuana, iâ a mu emina, kia mu bhana o kudia izuua ioso.

Jipoxolo 9:39

Phetele anga u katuka, uia-nâ. O kia zubha kutula, a mu bheka mʼ onzo ia thandu. Ahatu a atudi anga a mu kondoloka ni kudila, ni kuidikiza jimbinza ni izuatu iamukuâ, ia a tungila jinga Kasexi, kia kexile-nâ hanji ku muenhu.

Jipoxolo 9:41

Phetele anga u mu bhana lukuaku, u mu balumuna. O kiexana akua Ngana oso ni atudi, u mu bhana kua ene ni muenhu.

Loma 1:12

Kifua nga mesena kuzuela kuila etu ene oso—ni enu ni eme,—tu di konda malamba mu ku dʼ ijiia mudietu o kuxikana kuetu, ni tuidi enu mu suina ki mu mona o kuxikana kuami, eme uami ngi sanga dingi nguzu mu kuxikana kuenu ku muala na-ku.

Loma 1:5

O kua Muène kuene Nzambi kua ngi bhela o ujitu ua kukala Poxolo mu kikalakalu kia Kristu mbé kutumakesa o kixikanu ku mundu ua akua jixi joso, mukonda dia dijina diê.

I Kolindo 7:32

Eme nginda-phe ki mu kala ni jihele. Uoso uala dikudi, u kala ngó ni hele ia kikalakalu kia Ngana, mukonda uala kuinda kioso kia uabhela Ngana.

I Kolindo 7:34

U tandanganha mukonda ala ku mu sunga ku mbandu jiiadi. O mu kuzuela-phe ku mbandu ia ahatu, kutale o atudi, uixi o makudi, ene a lalamena ngoho o kikalakalu kia Ngana, mukonda andala a di bhakula kua Ngana ni mukutu ni nzumbi. Maji o muhatu ua dikaza-phe u lalamena o ima ia mundu iú, mukonda u mesena mu ioso, kioso ki a uabhela muadi uê.

Efezo 6:18

O ima ioso íii mu i bhanga jinga ni kusamba, mu kubhinga Nzambi ku mi kuatekesa. Sambenu jinga ithangana ioso, mu ku mi endesa kuala o Nzumbi ia Nzambi. Kala kiki, Phaphumukenu, ki mu di jimbe. Kana kubhuila. Endenu ni kusambela jinga akua Ngana oso.

Filipe 4:6

Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.

I Timote 2:1

Nga ku ambela-phe kuma, ku ima ioso, ku dianga o kubheza, ni kusamba, ni kusamba, ni kusakidila Nzambi mukonda dia athu oso.

I Timote 5:16

Maji se bhu kala diiala mba muhatu ua xikana, uala ni atudi a mu tokala, muène a a bindumune, phala diialʼodio mba muhatuʼô ka xine kimbamba ku Ngeleja. Mbé o Ngeleja i bindumune oso atudi a kidi kene thumba ni samba, ala ubheka uâ.

I Timote 5:3

O atudi a ahatu, oso ala atudi a kidi, a bhane ujitu.

II Timote 1:3

Nga sakidila Nzambi, nga mu sedivila ni kitongoluelu kiazele, kala kia bhanga jinga a a kukuetu. O mu kusamba kuami, ni mu usuku ni mu muanha, ngene mu kusakidila jinga Nzambi izuua ioso, kioso ki ngi kala mu ku ku lembalala.

I Phetele 3:5

Mukonda uene ukembelu ua ahatu ambote mʼokulu a dielelele Nzambi. Kuma ene a kexi kubelesela anume â.

Lute 2:12

Jihova a ku futé-kiu kioso ki ua bhange; o kisakidilu kié ki kale kia dikota ki ku bha Jihova, Nzambi ia Izalaiele, ua bhingi moxi a mabhabha-mê muene mu ueza kusota kididi kia kukala.