I Timote 5:4 - O Mikanda Ikola

⁴ Mutudi uoso-phe uala ni anʼê, mba alaula, ene a diange kuidikiza o ubhezelu uâ mu jindandu ku bhata diâ. Kuma mu kubhanga kiki, ene uâ ende ni kufuta ku mbote ia tambula jinga ku jitata jâ ni ku jikuku, mukonda o Nzambi kia mu uabhela kienhiki.

I Timote 5:4 ပူးပေါင်းရင်းမြစ်များ

Dimatekenu 47:12

Zuze anga u kala mu dikila tatʼâ, ni jiphange jê, ni dibhata dioso dia tatʼâ katé ni anʼâ oso u a tambula konda.

Dimatekenu 47:28

Jakobo anga u bhanga kuinhi dia muvu ni sambuadi mʼoxi ia Ijito; kala kiki o izuua ia Jakobo, mivu ia muenhu uê, ia tena hama ia muvu ni makuinhi auana ni sambuadi.

Jobe 18:19

Mu kifuẋi kiê, muene kà kala-mu ni mona mba mulaula, mba ngó mua tungile mua kà subhuka muthu.

Jisabhu 31:28

Anʼê ela a balumuka, a mu ixana, exi: Mamanhi ua zediua; kiomuène ue munumiʼê, uila u balumuka, u mu tanesa, uixi:

Izaía 14:22

Kuma eme, ngi Jihova dia Ilômbo Ieta, nga kà a balumukina, anga ngʼa mona bhu-aia; o ki ngi tula mu Babilonha, nga kèla, dijina dia Babilonha nga di tukula bhoxi, ni masubhu, ni mona, ni mulaula, buíi, eme Jihova nga kiʼambe.

Luka 2:51

Muène anga u kulumuka-nâ, hé aia mu Nazalé, anga u kala mu ku a tumaka. Manhʼâ, anga u lunda o maka mosoʼ ama ku muẋima uê.

I Timote 2:3

Kienhiki kima kiambote, o Nzambi, Mubhuludi uetu, kiene kia mu uabhela.

I Timote 5:16

Maji se bhu kala diiala mba muhatu ua xikana, uala ni atudi a mu tokala, muène a a bindumune, phala diialʼodio mba muhatuʼô ka xine kimbamba ku Ngeleja. Mbé o Ngeleja i bindumune oso atudi a kidi kene thumba ni samba, ala ubheka uâ.

Tito 1:11

Enhá-phe a bhingi ku a xita makanu, mukonda akua kujuualesa mabhata ma muvimba, ni kulonga ima ki ia tokala, mukonda ngoho dia kubhindamena nganhu iaxidi ia kitadi.

Afundixi 12:14

Muene u kala ni makuinhi auana a mona, a mala; ni makuinhi atatu a mulaula a mala; enhá anga a kala mu sambela makuinhi sambuadi a bulu. Muene anga u fundisa Izalaiele mu nake dia muvu.

Lute 2:18

Anga u i zangula, uia ku bhata; ukouʼê anga u mona sevada ia tundu mu kunona kuê; ni ku jimbundu jʼókange ja subhuka bhuadi muene, Lute ua mu bhekela-ku ue.

Lute 2:2

Lute-phe mukua Mouabhe anga u ambela ukoué Nouemi, uixi: Ngehele, ngiie ku mábhia, ngi none tu ixina tua sevada tua laúka kua iá ala kumuna, mu kaiela uoso u ngi kala ni henda nʼa ngi tambula mʼobhia diê. Nouemi anga u mu ambela, uixi: Ndé kiá, monʼami.