I Timote 5:24 - O Mikanda Ikola

²⁴ Athu amoxi-moxi-mu, ituxi iâ ia di monekena muene, i lenguluka kutambula kuêla kioso ngó kiluua a i fundisa. Maji o ituxi ia athu amukuâ, i tukuluka ku pholo ku aia.

I Timote 5:24 ပူးပေါင်းရင်းမြစ်များ

Jelemiia 2:34

Katé ni ku mixiku ia izuatu ié kuala ue manhinga a mienhu ia athu a kambele kikuma, ni a bhindama: ki ngi bhingile-phe ku kanda phala ku i sanga, kuma kia di monekena muene ku ima ioso iii.

Jipoxolo 8:18

Kiki Ximá kia mono kuma Nzumbi Ikôla a mu tambuila mu ku a tula maku ma Jipoxolo ku mitue iâ, u bhana Jipoxolo kitadi, uixi:

Loma 3:7

Maji-phe se o makutu mami ma bhangesa o kidi kia Nzambi ku mu vudisa dingi o fuma, eme u ngʼ êleselahi kala ngi mukua ituxi?

II Timote 4:10

Mukonda Demase ua ngi xi, iú uaii ku Tesalonika, mukonda dia kuzola mundu uenhú. Kelesende uaii ku Ngalásia, Titu ku Ndalamaxia.

Dijingunuinu 14:13

Anga bhenhobho ngʼívua dízui di tunda mu diulu, dixi: Kiki soneka-kiu; Azediua o madifundu tundé kiki a fuila mu kikalakalu kia Ngana! O Nzumbi ia Nzambi anga uitaia, uixi: Eua! Kiokio kidi muene! Mukonda ene a kà nhohaku kiá ku ikalakalu iâ, ia hadi, mbata o mbote i tunda mu kukalakala kuâ, a kàia na-iu.