I Timote 5:22 - O Mikanda Ikola

²² Ku bhange lusolo mu kutula maku ku thanduʼa muthu, phala ku mu lumbila mu kikalakalu kia Ngana. Ku bhange ue kisangela ni athu engi mu ituxi iâ. Di bhake eie-muène ni kuzela.

I Timote 5:22 ပူးပေါင်းရင်းမြစ်များ

Jisálamu 50:18

Ki ua mono muii mu kunhana, u kuata-nê kisangela, o akua jiphanda ua di bundu-nâ kumoxi.

Jipoxolo 13:3

Kieniokio, kia zubha kujila ni kusamba, a tula maku ku thandu dia Barnabé ni Saúlu, anga a a sulula.

Jipoxolo 18:6

Ene-phe a lungulukila Phaulu, hé a ẋinuka ni ku mu xinga. Muène anga ua a kukumuina izuatu iê, uixi: Enu se mu texika, o manhinga menu ma kala ku thandu dienu! Eme nga zele, tunde kiki ngi di lunga kiá ni akua matumbu.

Jipoxolo 20:26

Kiene ki nga mi bhela-phe umbangi kizuua kia lelu, kuma nga zele, kana muthu mudienu u texika, o manhinga mê ni ma ngi kala ko-kuami.

Jipoxolo 6:6

Eniá anga a a bheka bhu pholo ia Jipoxolo, o kia zubha kusamba, a a tula maku ku thandu diâ.

Efezo 5:11

Kana kukala mu kisangela kia imbamba ioio ia kitombe, ki iene ni kuima, iene mù bhanga akuenu. Kota mu kala mu ku i bazela, phala ku i bheka muazele.

I Timote 3:10

Ki bhinga ue a dianga hanji ku a lola, nʼa bokone kiua mu udiiakono ua kusedivila o Ngeleja, se ka a mono ni kikuma.

I Timote 3:2

Bispo-phe u bhinga ka kala ni kima kia ku mu elêsa na-kiu. U kala mukua muhatu uê umoxi, u kala mukua kilunji, mukua sonhi, mukua ujitu. U kala mukua kulangeka asonhi, muthu uala hete ia kulonga.

I Timote 3:6

O bispo ka kale muthu ua diela kindala, sumba uzangalala, o kuzangalala kuê hé ku mu bhekela izala, nʼa di bhale mu kuêla uila kia bhitile kua Diabhu.

I Timote 4:12

Kana kuehela kuila bhu kala muthu u ku tènda mukonda dia undenge. Oso-phe a xikana, eie-muène a bhane phangu, ni mu kuzuela, ni mu kudituma, ni mu henda, ni mu kuxikana ni mu kuzela.

I Timote 4:14

Uhete ió ua ku bhana mu uanji ua kuzuela kua Jipolofeta ja Ngaleja, kia ku tudile o maku ma adiakime ku thanduʼa mùtue ué, phala ku ku lumba mu kikalakalu kia Ngana, kana kukala na-u ni kaxixi.

II Timote 1:6

Mukonda dia kiki, kiene ki nga ku lembalesa, phala u ende ni kuvunza uhete ió moxi dié, ua ku bhana Nzambi mu ku ku tula makuʼami ku thandu phala ku ku lumbila mu kikalakalu kia Ngana. Eie-phe tema-bhu u bhane mulengu.

II Timote 2:2

Ima i uévua jinga ko-kuami bhu pholo ia jimbangi javulu, lûndisa-iu ku athu ala jifiiele, a tena ue kulonga akuâ.

Jihebeleu 6:2

ni dia mabonzo ma jibatizu, ni dia kutula athu maku ku thandu; ni dia madifundu kufukunuka, ni dia kuêla ni kulunga kua hádia.

Josuué 9:14

Athu-phe kia tale ku huta iâ, a a xikana, kʼebhula dingi kaiula kua Jihova.

II Nzuá 1:11

Kuma muthu uala kiki, uoso u mu inda kutululuka, ua nomona ue ku imbamba iê iaiibha iene mù bhanga, a sokela.

Dijingunuinu 18:4

Anga ngʼivua dízui dia mukuá ku diulu, dixi: Tundenu moxi dia mbanza íii, enu mu mundu uami! Tundenu-mu! Kana ku di lunga-nê mu ituxi iê, phala ki mu tambule mbandu ku mabhebhu mê!