I Timote 5:14 - O Mikanda Ikola

¹⁴ Mukonda dia kiki, nginda-phe atudi oso kiluua a kuka, a sakane, a kale ni ana, ongeke mabhata mâ, phala o nguma jetu ka a bhane bhuma bhua tu tela môndo ni ku tu zuela kiaiibha.

I Timote 5:14 ပူးပေါင်းရင်းမြစ်များ

Dimatekenu 18:6

Mbalahamu anga uia ni lusolo mu balaka kua Sala, uixi: Katula izongelu itatu ia fuba ia fina, u i toxe kindala, u bhange jimbolo u jiohe mu uthôkua ua tema.

Dimatekenu 18:9

Ene anga a mu ambela, exi: Muhatuʼé Sala iú kuebhi? Uixi: Iú monzo, mu balaka.

II Samuuele 12:14

Suke kiene, maji mukonda-phe kima ki ua bhangʼiki, kia suinisa jinguma mu tanga kiaiibha kua Jihova, o mona ua mu vuala ua-nda kúfua muene, sé kufula,

Jisabhu 14:1

Muhatu ua njimu, u tunga o inzo iê; maji o kioua-phe kia muhatu, mueniʼê u i bula ni maku mê.

Jelemiia 29:6

Sakanenu ahatu mu vuale anʼa mala ni anʼa ahatu; bhengenu ahatu phala anʼenu a mala, o anʼenu a ahatu bhanenu-u ku maiala mbé a vuale anʼa mala ni anʼa ahatu; kuene ku mualʼoko, di sokolodienu, ki muʼie ni kutunuka.

Daniiele 6:4

Kienhiki ni mavunda ni ilamba akuata ku sota kithangana kia kukuata Daniiele ni kikuma ku utuminu uenhó, phala a mu kundûle; maji kikuma ni mulonga a ki tokoka; mbata muene uakexe fiiele, uendelu uê ki u moneka kisému, mba mulonga.

Loma 14:13

Uila kiki, ki tu kuate-phe dingi ku di longolola mudietu. Inda mu di tetulula kiki, kana muthu u ta kidibhukanu mu njila ia phangʼ iê, mba kima ki mu di bhalesa mu kituxi.

II Kolindo 11:12

Kioso-phe ki nga bhange, kiene hanji ki ngi bhanga jinga, phala o Jipoxolo jeniojo, nga a katule o kudihanza, kua kuila kuma a mu bhanga kikalakalu kia soko ni kietu.

I Timote 2:8

Uila kiki, nga mesena kuila athu oso a di bhakula kua Ngana Nzambi, a sambe jinge ku ididi ioso, o mu kusamba a tena kuleka o maku mazele sè kizembu sè jimvunda.

I Timote 4:3

Athu iâ a kà kidika o kukazala exi ki kua tokala, a kà tuma kujila xitu ni makudia ma mukuâ. Maji o makudia iá, Nzambi ua a bhanga phala ku a tambula ni ku a dia kuala ió a xikana ia ejiia o kidi. Inda o mu kudia, mu dianga jinga kusamba musambu ua kusakidila.

I Timote 5:11

Maji ahatu oso-phe kiluua a kuka, eie kana ku a soneka, ditune-nâ; mukonda kioso kia-nda ku a kuata o jihânji jâ, hé a mesena kukazala, a kala ni usudi ua Kristu anga a mu ambudisa.

I Timote 6:1

Oso ala abhika, ala bhoxi dia ophi, a fuama a bhane jingana jâ ujitu uoso, phala ki ki bhekele kuẋonguena o dijina dia Nzambi, ni ulongelu uetu.

Tito 2:5

Mbé a di longe ue kukuata kilunji, ni ku di bhaka ni kuzela. A kale ahatu ambote, akalakadi ku mabhata, alenduka, ni ku di tuma kiambote ni anumeʼâ, phala kana kuxingisa o Maka ma Nzambi.

Tito 2:8

Maka mé, ma kale ma mbote, ka tena ku mʼêla, phala ió uoso u-lua phata, sonhi ji mu kuate, kuma ka tu mono ni kima kioso ki a tena ku tu âmba.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.