I Timote 5:11 - O Mikanda Ikola

¹¹ Maji ahatu oso-phe kiluua a kuka, eie kana ku a soneka, ditune-nâ; mukonda kioso kia-nda ku a kuata o jihânji jâ, hé a mesena kukazala, a kala ni usudi ua Kristu anga a mu ambudisa.

I Timote 5:11 ပူးပေါင်းရင်းမြစ်များ

Izaía 3:16

Jihova phe uambe dingi, uixi: O kiedi ana-ilumba mu Ziione a di zangeleka, mu kuenda jixingu a jʼimanesa, ala ni utalelu ua ufusa, o kienda, ela kala a mu kina, inama aia ni ku i sesembesa bhoxi.

Hozeia 13:6

O kiala mu nzungule ia sabhelela, a di, ekuta; o kia zubha kudia ni kuikuta, muẋima uâ ua zangalala, kiene kia a bhekesa o ku ngi jimba eme.

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!

I Timote 4:3

Athu iâ a kà kidika o kukazala exi ki kua tokala, a kà tuma kujila xitu ni makudia ma mukuâ. Maji o makudia iá, Nzambi ua a bhanga phala ku a tambula ni ku a dia kuala ió a xikana ia ejiia o kidi. Inda o mu kudia, mu dianga jinga kusamba musambu ua kusakidila.

I Timote 5:12

Mu kubhanga kiki-phe a kala ni kuêla, mukonda aluluka mu kizuelu kiâ kia bhele kua Nzambi.

I Timote 5:14

Mukonda dia kiki, nginda-phe atudi oso kiluua a kuka, a sakane, a kale ni ana, ongeke mabhata mâ, phala o nguma jetu ka a bhane bhuma bhua tu tela môndo ni ku tu zuela kiaiibha.

I Timote 5:9

Ki u soneka atudi, kana kusoneka muhatu kuila mutudi, se muène kiluua a tenesa makuinhi asamanu a mivu, iú ua sakanene ni diiala diê dimoxi diene ngó.

Tiiaku 5:5

Mu ngongo mumu enu muenhu uenu uoso ua kudia ni kukemba, enu mua nete kiambote kala ibhaku ia xikamena kuia bhu dijibhilu.

II Phetele 2:18

Kuma ene a tanga maka ma ku di kaka, a zuela izala ioso, o mu hânji jâ ja xitu ni mu ufusa, a bhomba athu ió oso ambe kiá kubhuluka mu akuâ a nanga mu kutondala.

Dijingunuinu 18:3

Kuma o mu kùnua vinhu iê i salukisa ia undumbu, muene mua di bhalela akua jixi joso. Jisobha mu ngongo ja bhangele-nê undumbu, o jingenji mu ngongo ja funine itadi mu ufusa uê uatundu!

Dijingunuinu 18:7

Bhuoso bhua sukile muène ni ku di ximana, ni kuvudisa ukumbu, bhene bhu mu mu sukixila o kubhondalala ni kusebuluka kuê! Kuma uedile ku muẋima uê, uixi: Eme-muène na mvuale, nga xikama ku ungana! Ki ngala ngi mutûdi, ki ngi moneka dingi dilamba!

Dijingunuinu 18:9

O jisobha mu ngongo, joso ja bhangele-nê undumbu, ende-nê mu ukumbu, a-ndu dila jingololo, kia kà talesa o dixi diê mu kùbhia.