I Timote 5:10 - O Mikanda Ikola

¹⁰ Muène kikale ue a mu tumbula o ikalakalu iê iambote iene mu kubhanga, se ua sase kiambote ana, se ua zalela jinga asonhi, se ua sukula jinga o inama ia akua Ngana, se ua bindumuna jinga jingadiama, mba o imbamba ioso iambote ua i bhanga jinga ni muanu.

I Timote 5:10 ပူးပေါင်းရင်းမြစ်များ

Dimatekenu 18:4

Eze ni tumenha, mu sukule o inama ienu, mu nhohene hanji mu kilembeketa kia muẋi iú.

Dimatekenu 19:2

uixi; Enu jingana, nga mi diondo, zenu mu tule monzo iami, ngi selevende ienu, mu zeke momo, mu sukule inama, o ki kúkia mu kimene muile njila ienu. Ene exi-phe: Kana, tu kala muene mu nzunga usuku uoso.

Dimatekenu 24:32

Bheniʼobho o diiala muenʼió anga u bhiẋila ku bhata, a longomona jikamelu; ene anga a bhana o iangu ni ngânda ku jikamelu; u bhana menha phala kusukula inama, ni inama ia màla amukuá eza na-u kumoxi.

Dimatekenu 43:24

Kimbadi anga u a bheka mʼonzo ia Zuze, u a tuma kubokona, u a bhana menha a kusukula o inama; ua bhana ue ni ngânda ia jijumento jâ.

Jisálamu 119:4

Eie ua tu bhana o phangu ni ndongo phala tu kuate muanu mu ku i aiuka.

Izaía 1:17

Dilongienu kubhanga o mbote; bhangenu ioso iaiuka; kudilenu uoso a mu tatesa; batuilenu monʼa difundu kioso kia iuka; atudi a bhangedienu.

Ijila 25:35

Se phangʼié uabudika ni uadiama, o jinguzu ue ja mu bhu, eie mu tambule-phe konda, a kale nʼeie mukua ni nzuángiza ua tundu dikanga, kifua mutungani.

Matesu 25:17

A mu bhana jiiadi, kiene kimoxi, u nganhala-ku jiiadi jamukuá.

Matesu 5:16

Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Luka 7:38

anga u mu imanena bhu inama iê ni kudila, ua mu betesa inama ni masoxi, anga u i kondona ni kindemba kia mútue uê, u i nzobojola ni jibeju, anga u i xisa ni nguendu.

Luka 7:44

Jezú uixi: Ua batula kidi. Anga u lungulukila kuala o muhatu, hé uambela Ximá, uixi: Ua mono muhatu iú? Nga bokona mʼonzo ié, eie kua ngi bhana menha ma kusukula inama; muène-phe ua ngi betesa inama ni masoxi, ua i kondona ni kindemba kiê.

Jipoxolo 10:22

Ene a vutula, exi: Kabhitangu Koloneliu muene ua tu tumu. Muène mubhezi a Nzambi, muthu uaiuka, u xila Nzambi, a mu tumbula ue kiambote kuala akua ʼxi ioso ia Jijudé. A mu longesa kuala anju ia Ngana, o ku ku tuma eie kuiza ku onzo iê, eie u mu tangele maka.

Jipoxolo 22:12

Mueniomo mua kexile muthu, dijina diê Ananiia. Muenʼiiú mubhezi, mukua kuxila o Kitumu, a mu tumbula kuala Jijudé joso ja tungu mueniomo.

Jipoxolo 6:3

Tungulenu-phe, akuetu, mudienu, sambuadi dia muthu, oso a a tumbula kuala akuâ, ezala ni Nzumbi Ikôla, ni unjimu, phala tu a bhane o kutambula konda ia sedivisu iii.

Jipoxolo 9:36

Kiki ku Jopa ku kala xibulu ia muhatu dijina diê Tabita. (Mu Ngeleku ku di lombolola ela: Kasexi). Muhatu iú ua vula jimbote ni jimola jene kubhanga mu kukuatekesa o jingadiama.

Jipoxolo 9:39

Phetele anga u katuka, uia-nâ. O kia zubha kutula, a mu bheka mʼ onzo ia thandu. Ahatu a atudi anga a mu kondoloka ni kudila, ni kuidikiza jimbinza ni izuatu iamukuâ, ia a tungila jinga Kasexi, kia kexile-nâ hanji ku muenhu.

Loma 12:13

Muenda ni kubhindumuna o jiphange mua Ngana ni kioso ki muala na-kiu. Mu zalela jinga asonhi.

Efezo 2:10

Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

I Timote 2:10

Maji kota uzuatelu ua kubhanga ima iambote, kala kia fuama ahatu a sola kuxila Nzambi.

I Timote 3:2

Bispo-phe u bhinga ka kala ni kima kia ku mu elêsa na-kiu. U kala mukua muhatu uê umoxi, u kala mukua kilunji, mukua sonhi, mukua ujitu. U kala mukua kulangeka asonhi, muthu uala hete ia kulonga.

I Timote 3:7

Ki bhinga ue athu ku kanga a mu bhela umbangi uambote, mbebhu ku pholo ku aia ka di bhale mu malebhu, ni mu mubhetu ua Diabhu.

I Timote 5:16

Maji se bhu kala diiala mba muhatu ua xikana, uala ni atudi a mu tokala, muène a a bindumune, phala diialʼodio mba muhatuʼô ka xine kimbamba ku Ngeleja. Mbé o Ngeleja i bindumune oso atudi a kidi kene thumba ni samba, ala ubheka uâ.

I Timote 5:25

Kiene ue ni ikalakalu iambote, sai-ku imoxi-mu ia di monekena kiá; o ioio ue ia kambe kumoneka, kenʼu tena ku i sueka.

I Timote 6:18

A tume kuila a bhange jinge o mbote, mbé a kale ni umvuama ua ikalakalu iafuama, ende ni kubhana, ende ni kubindumuna akuá oso kala ni kima.

II Timote 1:5

Kuma nga lembalala o kuxikana kuala moxi dié, kua kidi, ki kua ku di bhangesa; kuene kiá kua tungile mua kukuʼenu Loue, ni mamʼenu Unise. O kiki nga mono ue kuma kuene kumoxi ni kua tungu momué.

II Timote 2:21

Se muthu-phe u di zelesa ku ima ioso iii iaiibha, u kala kitutu kia ujitu, kiazele, kia fuama muadiʼê, kia xikamena kubhanga na-kiu kimbamba kioso kiambote.

II Timote 3:15

Mukonda eiemuène tundé undenge uejiia Mikanda Ikôla i tena ku ku ijidisa o kubhuluka, mu kuxikanʼoko kuene mua Kristu Jezú.

II Timote 3:17

Iene iosuʼii phala muthu ua Nzambi a tenene, ua di lungu kiasoko, mu kubhanga madimu moso mambote.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Tito 2:7

Eie-muène, mu ima ioso, u a bhana phangu mu kubhanga ima ia mbote. Mu ulongelu ué ua kambe mangonha, u kala u mujitu, u mukua kidi.

Tito 3:1

Athu a lembalese kuma, a di tume ni jixefe ni jingana ji tumina, a tumake jinge, a sakalale mu kubhanga ikalakalu ioso ia mbote.

Tito 3:14

O mundu uetu ue a di longe kubhanga midimu ia mbote, mbebhu o kubhindumuna, phala ene ue ka kambe kukala ni ibundu.

Tito 3:8

Makʼama ma fiiele. Nga mesena u jiza ni ku ma tanga, ni ki bhekela kuila oso a xikana Nzambi, a kala ni muanu ua kukuatu kubhanga midimu ia mbote. Imʼiii ia uabha, i bhandulula athu enhoso.

Jihebeleu 10:24

Tu di xinganekienu mudietu, tu di suinise mu ku dizola, ni kubhanga o mbote.

Jihebeleu 13:2

Kana kufula kutambulula asonhi mu mabhata menu. Kuma amoxi mu ku ki bhanga, a langeka ji-anju sé ku kʼijiia.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 4:9

Dʼidikizienu usonhi mudienu, kala muthu a tambulule mukuâ mu bhata diê sé kuditata.

III Nzuá 1:12

Demétrio, athu oso ata ku mu zuela kiambote; oso muène ata jimbangi jê, o kidi kiene ue, ki ata mbangi iê. Etu uetu tua mu mu zuela kiambote, kuma tuala tu jimbangi jê, eie-muène ua kʼijiia kuma o umbangi uetu ua kidi.