I Timote 5:1 - O Mikanda Ikola

¹ Kana kubazela muadiakimi, inda u mu dionda kala tatʼenu. Minzangala ia mala di tume-nâ kala jiphange jé,

I Timote 5:1 ပူးပေါင်းရင်းမြစ်များ

Ijila 19:32

Ki u mona mukua-jimvi, mu balumukine; o muadiakimi uasunga-ku kiá, u mu jingisa; Nzambi ié mu xile jinge: Eme-muene Jihova.

Matesu 23:8

Enu-phe kana ku mʼila Mesene. Kuma sai Mesene ienu imoxi, enu oso mu jiphange.

Jipoxolo 14:23

O kia zubha kunomiiala adiakime a kala ku pholo mu Ngeleja joso, ni kusamba, ni kujila, a a xalesa ni Ngana, uoso a mu xikana.

Jipoxolo 15:4

O kia zubha kutula mu Jeluzaleme, a a tambulula kuala o Ngeleja, ni Jipoxolo, ni adiakime. Ene anga a a kunda ima ioso ia bhange Nzambi mua ene.

Jipoxolo 15:6

Bhenhobho o Jipoxolo ni adiakime anga a di bhongolola mu kutetulula o makʼ ama.

Jipoxolo 20:17

Ku Mileto Phaulu anga u tuma ku Efezo kuixana-ku adiakime a ngeleja ni eze ku di mona-nê.

Loma 13:7

Kala kiki, bhanenu-phe kua ene oso kioso ki mua tokala ku a bhana: Lubhaku kua ió ua tokala o lubhaku; dijimu kua ió ua tokala o dijimu; uôma kua ió ua tokala uôma; ujitu kua ió ua tokala o ujitu.

Ngalásia 6:1

Enu jiphange jami, né-mbe bhu kala muthu u di jimba, nʼ a mu kuate mu kituxi, enu muala mu nzumbi, muthu ió mu mu kuatekesa phala ku mu bheka dingi bhu kididi. Maji mu ki bhanga-phe ni muẋima uabatama. Muila ue ni ku di langa enuʼenu, phala enu ue ka mi diangule.

Matendelelu 33:9

Muene o muthu kejiia tatâ mba mamâ; utanga uixi, kiluua ngʼa mona; kejiia jiphange, né mbé utongolola ana; ene-phe o maka mé a ma lundu, o kikutu kié a ki aiuka.

I Timote 5:17

Adiakime a tumina ni kukalakala kiambote mu Ngeleja, mu xinganeka kuma a fuama o ujitu uâ u di budika, uoso u mu a bhanga, kota-kota-phe a kalakala mu kuboka o Njimbu Iambote ni kulonga o uendelu uambote mu ukidistá.

I Timote 5:2

o ikulakaji ia ahatu kala ene a mamʼenu, o ana-ilumba kala ene o jiphange jé ja ahatu, mu kuzela kuoso.

Tito 2:2

Ambela adiakimi kuma a kale ku mesu azele, a kale ajitu, a kuate kilunji, a di sanze mu kuxikana kuâ, ni mu henda, ni mu kukolokota.

Tito 2:6

Minzangala ia mala ue a longe kuximbakata.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.

Tiiaku 5:14

Se bhuala muthu mudienu ua-lu kata, a tume adiakime a Ngeleja, ene a sambe-nê, a mu uese maji mu mutue mu dijina dia Ngana.

I Phetele 5:1

Kiki-phe adikime mudienu nga a longesa, ngi muadikime ua Ngeleja ni mukuâ. Kuma ngi mbangi ia jiphaxi ja Kristu, ngi muthu nga tokala ue mu fuma ia kà tukuluka.

II Nzuá 1:1

Eme kikulakaji kia Ngeleja, nga sonekana Nga Muhatu, monʼ a ngene, ni anʼê nga a zola mu kidi. Ki eme ngó ubheka uami, maji ni ene oso, ejiia ue o kidi, a mi zola muène.

III Nzuá 1:1

Eme kikulakaji kia Ngeleja, nga sonekena mukuetu Ngaio, kamba diami, nga mu zola mu kidi.

Dijingunuinu 4:4

Anga kukala ue makuinhi aiadi a kiandu ni iuana, ia kondoloka o kiandu bhu kaxi; o bhu iandu íii bhua xikama makuinhi aiadi a kikulakaji ni iuana, a kembe ni izuatu izela, o ku mitue a kala ni itundu ia ulu.