I Timote 4:16 - O Mikanda Ikola

¹⁶ Di lange eie-muène, ni ulongelu ué. Kuata muanu mu ima ienhiʼii; kuma mu kubhanga kiki, ua-nda kuila ni eiemuène u bhuluka, ni ene ue a bhuluka oso a kuivua.

I Timote 4:16 ပူးပေါင်းရင်းမြစ်များ

I Malunda 28:10

Talesa-phe kindala, kuma Jihova ua ku solo phala u mu tungile o Tembulu iê Ikôla, Suina-phe, u bhange o kikalakalu.

II Malunda 19:6

Anga uambela afundixi, kuila: Talenu kiambote; ioso i mu bhanga kuma o kufundisa kuenu ki kua tundu ku muthu, maji kua tundu kua Jihova; o Muene-phe uala ni enu mu uenji uenʼiú ua kufundisa.

Makatukilu 23:13

Ima ioso i nga mi tendelelʼiii, alukenu-iu; kana kutumbula nzambi jengi; o dijina diâ mu kanu dié ki di bhite-mu, mba ku ji banza ngó.

Izaía 55:11

kiene ue kià kala o kizuelu ki tunda mu kanu diami; kiene ki kia kà vutuka kia hatu kokuami, maji kia kà bhanga kioso kia ngi uabhela eme, kale kioso ki nga ki tumukixina kiene ki bhita.

Jelemiia 23:22

Maji-phe, se a kexile mu kikutu kiami, hinu mundu uami eji ku uivisa maka mami, anga a u bhangesa ku bhana dikunda ku njila iâ ia ibha ni mu ku ibha kua ibhangelu iâ.

Marku 13:9

Enu-phe di langienu! Kuma a ka mi kuta ni ku mi thelekala bhu kionge phala ku mi fundisa, a ka mi beta mu malombe. Mukonda diami a ka mi bheka bhu pholo ia jinguvulu ni enexi, enu he mua ka a tudila o Njimbu Iambote, mu ku a bhana umbangi.

Luka 21:34

Mu ku zubha, Jezú uixi: Alukenu-phe, ki mu di jimbe! Miẋima ienu ni i biluke ia neme ni kúdia jifesa, ni kunua uhôlua, ni makubhindama ma muenhu iú, kizuua kiókio ni ki mi tukumuise kala mubhetu.

Jipoxolo 26:22

Kia ngi kudila Nzambi-phe, nga kolokota katé mu kizuua kia lelu, ni kubhana umbangi uê ku makota ni ku jindenge. Ki ngene mu zuela kima-phe kia kambele Mozé ni jipolofeta ku ki zuela kuila hinu kʼ iza.

Jipoxolo 6:4

Etu-phe, tu jijila jinga o kusamba, ni ukunji uetu ua ku longa o maka ma Nzambi.

Loma 11:14

Sumba ku matelu-matelu, enʼió a ngi tokala mu xitu ngʼ a kuatesa difuba, ni ngi bhulule-ku amoxi-mu.

Loma 16:17

Nga mi diondo-phe, jiphange, di langienu ni enʼió oso ala kubheka o makudimuanga ni kutondalesa akuâ mu kuxikana o ulongelu uâ uengi, ki uene u mua di longo enu. Enʼiá muenda ni ku a ebha.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

I Kolindo 1:21

Kuma o Nzambi, mu unjimu uê, ua bhangesa kuila athu a lémbua ku mu ijiia Muène, mu kuijiia kua ene, maji kia mu uabhela kubhulula oso a xikana. O kienhiki, Nzambi ua ki bhangela mu uoua ua maka mê u tuala kutula.

I Kolindo 9:22

Oso a bhuila mu kuxikana, ngi kala-nâ kala eme nga bhuila uami, phala ngi kombole oso a bhuila. Ngi kala ngi kioso kua ene oso, phala mu ndunge joso, ngi tene kubhulula-ku amoxi-mu.

I Kolindo 9:27

O mukutu uami-phe ngi u bhana jihuxi katé ki ngi u tolola, hé uenda ni kubelesela, mbé kuiengesa kuila, ku thandu dia kulonga athu o maka ma Njimbu Iambote, eme-muene hinu ngi dianguka.

Efezo 4:14

Uila kiki, kana, ki tu kala dingi tu anandenge, a tu takujula ku mabhuku, ni ku tu xinjijika kuala o kitembu kia ulongelu uengi uiza-ku ua athu akua mangonha. Kuma enʼiâ mu jindunge jâ kala mibhetu, ambata akuâ mu jinjila ja kutexika.

Kolose 4:17

Ambelenu Arkipo, muixi: Xinganeka ungunza ué u ua tambula kua Ngana, u u kumbidile.

I Tesalonika 2:16

Etu tuandala tu zuela ni akua jixi jengi, phala a bhuluke, maji ene a tu kidika. Mu kubhanga kiki-phe, hanji a kuata kutenesa o konda ia ituxi iâ iene mù ta. Maji-phe kindala kua a tulukila o njinda ia Nzambi, katé bhu mbambe ku thandu diâ!

I Timote 1:3

Uila ki nga ku bhingile kiá, kioso ki nga kexile mu kuia mu Masedonia, nga mesena kuila eie u xala mu mbonge ia Efezo. Kuma amoxi-moxi muenhomo a tubhula ulongelu uengi ki uene ua kidi; kua bhingi-phe eie u a tendelela phala ene a ki ehe.

I Timote 4:15

Kolokota ni kubhanga ima ienhiʼii, suua ngó iene mu iene, athu oso a ku mone ki uia kiambote ku pholo.

I Timote 4:6

Ki u lembalesa ima ienhiʼii ku jiphange ja xikana, u kala u ngunza iambote ia Jezú Kristu, se u di sanza mu maka ma kuxikana mu ua kudila, ni mu ulongelu uambote u uene kukaiela.

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.

II Timote 3:14

Eie-phe, xikama mu ima ioso i ua di longa jinga, i ua mono ia kidi. Kuma ene uâ, o jimesene jé mu kuxikana, a ku longoio, ua a tongolola.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.

Tito 1:9

A kuate maka ma fiiele ma tokala ku ma dielela, ma kaiela mu ulongelu uetu. Phala mu kubhanga kiki a tene kusuinisa akuâ ni kulonga mambu ma mbote, ni kubelesa oso a ta-bhu jiphata.

Tito 2:15

Imʼiii iene ima i u zuela, i u longa, u bazele ue ni uphoxi uoso, oso ala ku ku ivua. Ki bhu kale muthu a ku tènde.

Tito 2:7

Eie-muène, mu ima ioso, u a bhana phangu mu kubhanga ima ia mbote. Mu ulongelu ué ua kambe mangonha, u kala u mujitu, u mukua kidi.

Filemone 1:19

Eme Phaulu nga ki soneka ni lukuaku luami muene, kuila: Hinu ngi ki futa. Oko ki ngi bhindamena-phe ku ku lembalesa kuila eie-muène o muenhu ué ua u di dikongo ko kuami.

Jihebeleu 12:15

Muila ni ku di langa kiambote, phala mudienu ki mu kale muthu u tokoka o kiadi kia Nzambi. Di langienu, phala ki bhu kale muthu uila kala muxi ua lulu, u sabhuka, ni u mi tatese, hé u sambukisa athu avulu ni ndululu iê ia kulula.

Jihebeleu 13:9

Ki mu ehele ku mi sendumuna ku maulongelu mengi mʼeza-ku, ma vulu o matelu ni a mi katule mu njila ia kidi. Kima kia uabha o muẋima ku kuata kididi mu kiadi kia Nzambi, kana mu kutumaka ijila ia kutungula makudia. Kuma oso a tumaka o ijila ienʼiii, ka tena kubhanduluka-ku kima.

Tiiaku 5:20

a tume ku kʼijiia kuma, uoso u bheka dingi mu njila mukua ituxi ua jimbidile njila iê, ua bhulula muenhu ueji kùfua, ua lolokesa nzungule ia ituxi.