I Timote 4:14 - O Mikanda Ikola

¹⁴ Uhete ió ua ku bhana mu uanji ua kuzuela kua Jipolofeta ja Ngaleja, kia ku tudile o maku ma adiakime ku thanduʼa mùtue ué, phala ku ku lumba mu kikalakalu kia Ngana, kana kukala na-u ni kaxixi.

I Timote 4:14 ပူးပေါင်းရင်းမြစ်များ

Jipoxolo 11:30

Anga a ki bhanga, o kitadi a ki tumikisa adiakimi a Ngeleja; ki endela ku maku ma Saúlu ni Barnabé.

Jipoxolo 13:3

Kieniokio, kia zubha kujila ni kusamba, a tula maku ku thandu dia Barnabé ni Saúlu, anga a a sulula.

Jipoxolo 19:6

O Phaulu kia a tula o maku mê ku thandu, Nzumbi Ikôla ua a tulukila ene oso. Anga a kuata kutanga madimi mengi, hé a kala ue ni uanji ua kulombolola o Maka ma Nzambi.

Jipoxolo 22:5

O muène nganga ia dikota u ngi kala mbangi kuma kiene kiabhiti, ni adiakime oso a tokala ku Kionge kia Jitata. Mukonda kua ene kuene ku nga tambuile o mikanda ia sonekena akuetu, o Jijudé ja kexile mu Damasku. Anga ngi katuka kuia ku Damasku mu kutakana oso ala kuenhoko, ni ku abheka mu Jeluzaleme ku malubhambu, phala ku a bhana kaxtiku.

Jipoxolo 6:6

Eniá anga a a bheka bhu pholo ia Jipoxolo, o kia zubha kusamba, a a tula maku ku thandu diâ.

Jipoxolo 8:17

Anga o Phetele ni Nzuá a tula maku ku thanduʼ a mitue iâ, ene anga a tambula o Nzumbi Ikôla.

I Tesalonika 5:19

Kana kujima o kikalakalu kia Nzumbi Ikôla.

I Timote 1:18

Timote, monʼami, o mutendelelu iú nga ku xila-u eie. Uene ua lungila mu kukumbidila o mizambu ia jipolofeta, ia ku tunguile na-iu eie tunde mʼukulu. Maka iá a di bhange iene o ibhakatu ié, ki uenda ni kùlua ita iambote.

I Timote 4:15

Kolokota ni kubhanga ima ienhiʼii, suua ngó iene mu iene, athu oso a ku mone ki uia kiambote ku pholo.

I Timote 5:17

Adiakime a tumina ni kukalakala kiambote mu Ngeleja, mu xinganeka kuma a fuama o ujitu uâ u di budika, uoso u mu a bhanga, kota-kota-phe a kalakala mu kuboka o Njimbu Iambote ni kulonga o uendelu uambote mu ukidistá.

I Timote 5:19

Kana kuivua muthu uiza mu kutatela muadiakime ua Ngeleja, kikale uiza ni mbangi jiiadi mba jitatu.

I Timote 5:22

Ku bhange lusolo mu kutula maku ku thanduʼa muthu, phala ku mu lumbila mu kikalakalu kia Ngana. Ku bhange ue kisangela ni athu engi mu ituxi iâ. Di bhake eie-muène ni kuzela.

I Timote 6:12

ʼLua o ita iambote ia kuxikana, naminina o muenhu ki uabhue. Kuma kiene Nzambi kia kuixanena, kioso eie mu kuxikana kué ki ua fisalele bhu pholo ia jimbangi javulu.

II Timote 1:6

Mukonda dia kiki, kiene ki nga ku lembalesa, phala u ende ni kuvunza uhete ió moxi dié, ua ku bhana Nzambi mu ku ku tula makuʼami ku thandu phala ku ku lumbila mu kikalakalu kia Ngana. Eie-phe tema-bhu u bhane mulengu.