8 Madiiakono ue kiomuène, a kale jifiiele, ka kale akua kuzuela luiadi. Ka kale athu ejidila kunua vinhu iavulu, ka kale injenje mba akua luimbi lua nganhu iaxidi.
Kuma enhó kuzuela kuâ ki kuala ni kukumbidila; miẋima iâ moxi ia di bhange kizakazaka kia usuéia; bhu dikelengu diâ, kina kia kalunga, sumbala a hanza ni dimi diâ.
Kana kúnua vinhu, mba kúnua kuoso-kuoso ku kodiuisa, né eie mba o anʼê oso u uala-nâ kioso ki muia mu balaka ia kutakanena, phala ki mu fue; ki kala kijila ku miji ienu ioso katé ku hádia ni hádia;
Bhu xingu iâ kala mu mbila mua jikuka; madimi mâ mejidila o kutanga makutu aiibha, ni mazui a kalunga, mukuâ ni ikolakola ia jinhoka itunda ku mizumbu iâ
Eme Phaulu, ni Timote, abhika a Kristu Jezú, tua tumikisa o mukanda iú ku mundu uoso ua Nzambi mua Kristu Jezú, a tungu mu mbanza ia Filipe. Mukanda uia ue ku adiakime a Ngeleja, ni kua ió a mu kalakala-mu, o Jibispo ni Madiiakono.
Bispo-phe u bhinga ka kala ni kima kia ku mu elêsa na-kiu. U kala mukua muhatu uê umoxi, u kala mukua kilunji, mukua sonhi, mukua ujitu. U kala mukua kulangeka asonhi, muthu uala hete ia kulonga.
Kuma bispo u bhinga ka kala ni kuêla, mbata muène dikota dia Ngeleja, muingi ua dibhata dia Nzambi. Ka kale ni izala, ka kale muthu u thathamana, ka kale mukua jimvunda, mba muthu u uabhela kunua vinhu, mba mukua kubeta. Ka kale ni luimbi lua nganhu iaxidi.
Ambela ue adiakimi a ahatu kuila ende ni ujitu, ua fuama athu ala ni muenhu uazele. Ka kale ni kabódio, ka kale mu ubhika ua kunua vinhu iavulu. Maji a kale mú longa jinga ima ia mbote,
Kuila ingenu o kilunga kia Nzambi ku mualʼoko, ni ku ki tambula konda, kana ni usudi, maji ni vondadi ioso, kioso kia mesena Nzambi. Ki mu ki bhangela nganhu iaxidi, maji mu ki bhangela o muẋima ua mi tumu ku di bheka mu kusedivila.