I Timote 3:7 - O Mikanda Ikola

⁷ Ki bhinga ue athu ku kanga a mu bhela umbangi uambote, mbebhu ku pholo ku aia ka di bhale mu malebhu, ni mu mubhetu ua Diabhu.

I Timote 3:7 ပူးပေါင်းရင်းမြစ်များ

Marku 4:11

Muéne anga ua ambela, uixi: Enu Nzambi ua mi bhana o kuijiia ikutu ia Utuminu ué. Ió-phe, oso ala ku kanga, ima ioso a a tela-iu mu ifika.

Jipoxolo 10:22

Ene a vutula, exi: Kabhitangu Koloneliu muene ua tu tumu. Muène mubhezi a Nzambi, muthu uaiuka, u xila Nzambi, a mu tumbula ue kiambote kuala akua ʼxi ioso ia Jijudé. A mu longesa kuala anju ia Ngana, o ku ku tuma eie kuiza ku onzo iê, eie u mu tangele maka.

Jipoxolo 22:12

Mueniomo mua kexile muthu, dijina diê Ananiia. Muenʼiiú mubhezi, mukua kuxila o Kitumu, a mu tumbula kuala Jijudé joso ja tungu mueniomo.

Jipoxolo 6:3

Tungulenu-phe, akuetu, mudienu, sambuadi dia muthu, oso a a tumbula kuala akuâ, ezala ni Nzumbi Ikôla, ni unjimu, phala tu a bhane o kutambula konda ia sedivisu iii.

I Kolindo 10:32

Kana kuta kifudisu mu njila ki tokala ki di bhalesa Jijudé, mba akua jixi jengi, mba o Ngeleja iene ia Nzambi.

I Kolindo 5:12

Kuma eme ngi fundisa kiebhi o athu ku kanga? Maji athu mu kilunga ki bhinga enu mu a fundisa.

II Kolindo 6:3

Kana kubhanga kima kioso-kioso ki bhangesa mukuenu ku di bhala, phala o ungunza uetu ki u kale ni malebhu.

II Kolindo 8:21

Kuma o vondadi ietu, tua mesena kubhanga kima kiaiuka, kana ngó bhu pholo ia Ngana, maji ni bhu pholo ue ia akuetu.

Kolose 4:5

Kuatenu kilunji mu kuenda kuenu ni athu ku kanga. O bhuoso bhu mu muena kithangana, kienhokio kana kudibotesa-kiu mu ngoho.

I Tesalonika 4:12

Phala mu ende ni athu ku kanga kioso kia fuama; enʼuenu ue, ki mu bhindame ni kima.

I Tesalonika 5:22

mu lenge jinge ioso i mua mono iaiibha.

I Timote 3:6

O bispo ka kale muthu ua diela kindala, sumba uzangalala, o kuzangalala kuê hé ku mu bhekela izala, nʼa di bhale mu kuêla uila kia bhitile kua Diabhu.

I Timote 5:14

Mukonda dia kiki, nginda-phe atudi oso kiluua a kuka, a sakane, a kale ni ana, ongeke mabhata mâ, phala o nguma jetu ka a bhane bhuma bhua tu tela môndo ni ku tu zuela kiaiibha.

I Timote 6:9

Mukonda oso-phe a bhindamena kukala jimvuama, ene kudibhala mu kudianguka, anga a fua mu mubhetu, ni mu jihânji javulu jaiibha ji tobhesa, ji bheka muthu mu kusenguluka anga u jikinina mu dibuikilu.

II Timote 2:26

Mbe a tambule kilunji kia kusukunuka mu mubhetu ua Diabhu, mukua ku a kuika ni ku a bhangesa kutumaka o vondadi iê.

Tito 2:5

Mbé a di longe ue kukuata kilunji, ni ku di bhaka ni kuzela. A kale ahatu ambote, akalakadi ku mabhata, alenduka, ni ku di tuma kiambote ni anumeʼâ, phala kana kuxingisa o Maka ma Nzambi.

Tito 2:8

Maka mé, ma kale ma mbote, ka tena ku mʼêla, phala ió uoso u-lua phata, sonhi ji mu kuate, kuma ka tu mono ni kima kioso ki a tena ku tu âmba.

III Nzuá 1:12

Demétrio, athu oso ata ku mu zuela kiambote; oso muène ata jimbangi jê, o kidi kiene ue, ki ata mbangi iê. Etu uetu tua mu mu zuela kiambote, kuma tuala tu jimbangi jê, eie-muène ua kʼijiia kuma o umbangi uetu ua kidi.

I Samuuele 2:24

Kana tata, anʼami! Fuma iii i ngala ku mʼivua na-iu ki ia uabha; mundu uangene ua Jihova muala ku a tondalesa.