I Timote 3:3 - O Mikanda Ikola

³ Ka kale mukua kukodiua mba kiiala kia thathamana, maji u bhinga u kala mukua kilendu, ua xididika. Ka kale mukua luimbi lua kitadi.

I Timote 3:3 ပူးပေါင်းရင်းမြစ်များ

Jisabhu 1:19

Kiene-phe ki kala o jihoka ja ió oso a hamena nganhu iaxidi; kifua kiki kia ibha, ki jibha o muenhu ua muthu uoso uala na-kiu.

Jisabhu 15:27

Muthu uoso u fundamena o nganhu ia kudia mangonha, u titidisa dibhata diê; maji uoso u iibhila o mahitula, muene u kola o muenhu.

Ndongixi 7:8

O ku mona disukilu dia ima kota, kuindi dimatekenu diê; kota ue o muthu uambote, kana ió ua di zangeleka o muẋima.

Izaía 28:1

Lamba dia kitundu kia ukumbu ua jihólua mu Ifalaíme! a bhingi o makembu mâ, ma matunda, mukua ni kitulu ki lalumuka, kiala ku sungu ia dikôlo dia kimise dia iá a a tolola kiá kuala o vinhu.

Izaía 28:7

Maji ni athu enhá ue, a tondala mukonda dia vinhu; a lueza o njila mukonda dia uhôlua ua lulu kinéne, enda ni ku bhendujuka; katé o nganga ni musesedi a tondala ue, mukonda dia uhôlua ua lulu kinéne; o vinhu ia a jikinisa; a jimbila o njila, kingumba o kúnua uhôlua ua lulu; a tondala mu ixinganeku, a di bhukajana mu kilunji.

Jelemiia 6:13

Kuma tundé ku ndenge jâ, tulé ku dikota, ene oso muthu ni muthu a di bhakula ku luimbi lua kitadi; tundé ku polofeta katé ku nganga, a jijila midimu ia makutu.

Jelemiia 8:10

Uila kiki, akajiʼâ nga-nda ku a bhana ku athu engi, o itaka iâ bhu kala ni iá a i bhingana: Mbata tundé ku jindenge tulé ni ku makota, a jijila midimu ia makutu.

Izekiiele 44:21

Ki bhu kale né ngó nganga imoxi u nua vinhu, kioso kia bokona mu lumbu lua moxi.

Ijila 10:9

Kana kúnua vinhu, mba kúnua kuoso-kuoso ku kodiuisa, né eie mba o anʼê oso u uala-nâ kioso ki muia mu balaka ia kutakanena, phala ki mu fue; ki kala kijila ku miji ienu ioso katé ku hádia ni hádia;

Mikeia 2:11

Se bhu kala muthu u kaiela o nzumbi iê i bhomba, i tanga o makutu, uixi: Eme ngi ku tangela maka ma upolofeta, kuma ni vinhu ni uhólua u kodiuisa, ia fuama muene ku i nua; muenhó-phe muene kiá u kala polofeta ia akua muiji uenhú.

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Mikeia 3:5

Kia bhekela Jihova ku ki tanga, mukonda dia jipolofeta jene kutondalesa akua mundu uami, jene kunumata ni mazu mâ, anga a dikola, exi: Paze! Mukonda ala ni kia kúdia, maji o ió-phe mu kanu diâ ka mu a tela-mu kima, a mu kanena kúlua-nê ita.

Malakiia 1:10

Tamano mudienu mua kexile muthu u jika mabhitu phala ki mu uike túbhia tua kalatódio kami mu kingoho. Kuma Jihova dia Ifuẋi uixi kiki: Enu ki mua ngi uabhela dingi; ki ngi xikina kutambula jisata ji tunda bhu maku menu.

Matesu 21:13

Anga ua ambela, uixi: Kiosoneke kuma: Inzu iami a kà ixana inzu ia kusamba. Enu-phe mua i bhange ngenda ia kusuamena miíi!

Jipoxolo 20:33

Kana muthu nga mu kuatela luimbi lua phalata iê, mba ulu, mba izuatu.

Loma 16:18

Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

Efezo 5:18

Kana kukodiua ni vinhu, mukonda i mi bhekela kutexika. Kota mu izale ni Nzumbi ia Nzambi.

I Tesalonika 5:14

Tua mi ambela dingi, jiphange, lembalesenu oso a juuala, imonha a bazedienu, suinisenu oso a toloka miẋima, kuatekesenu oso a bhuila mu kuxikana, athu a lendukidienu ene oso.

I Timote 3:8

Madiiakono ue kiomuène, a kale jifiiele, ka kale akua kuzuela luiadi. Ka kale athu ejidila kunua vinhu iavulu, ka kale injenje mba akua luimbi lua nganhu iaxidi.

II Timote 3:2

Kuma athu a kà kala azodi a ene ngó, injenji, akua ukumbu, a tènda akuâ, a nonga, a xikbhaka tata ni mama, a kamba kusakidila, a kamba ujitu ua Maka ma Nzambi.

Tito 1:11

Enhá-phe a bhingi ku a xita makanu, mukonda akua kujuualesa mabhata ma muvimba, ni kulonga ima ki ia tokala, mukonda ngoho dia kubhindamena nganhu iaxidi ia kitadi.

Tito 1:7

Kuma bispo u bhinga ka kala ni kuêla, mbata muène dikota dia Ngeleja, muingi ua dibhata dia Nzambi. Ka kale ni izala, ka kale muthu u thathamana, ka kale mukua jimvunda, mba muthu u uabhela kunua vinhu, mba mukua kubeta. Ka kale ni luimbi lua nganhu iaxidi.

Tito 2:3

Ambela ue adiakimi a ahatu kuila ende ni ujitu, ua fuama athu ala ni muenhu uazele. Ka kale ni kabódio, ka kale mu ubhika ua kunua vinhu iavulu. Maji a kale mú longa jinga ima ia mbote,

Tito 3:2

A tangele kuila kana kuâmba muthu uoso-uoso, kana kulokalala, kikale a lenduke, a kale athu ambote, athu oso ende-nâ ni kubelesela.

Jihebeleu 13:5

Ki mu kale mu akua luimbi lua kitadi, ioso i mua mono i mi soke. Kuma Nzambi u ambe uixi: Eme nuka nga kà mi xisa, ki nga kà mi ehelela ue, kana.

Tiiaku 4:1

Kuebhi ku tunda o ita ni jimvunda mudienu? Ku ia tundu manhi ki kuenhuku, ku jihânji jenu jaiibha ji lua ita mu idiandu ienu?

I Phetele 5:2

Kuila ingenu o kilunga kia Nzambi ku mualʼoko, ni ku ki tambula konda, kana ni usudi, maji ni vondadi ioso, kioso kia mesena Nzambi. Ki mu ki bhangela nganhu iaxidi, maji mu ki bhangela o muẋima ua mi tumu ku di bheka mu kusedivila.

II Phetele 2:3

O mu luimbi luâ lua kitadi ni kuzuela kuâ kua ku di dinga, a kà mi ta uenji. Enhó tunde okulu o kuêla kuâ ki ku kokoloka, o kubuika kuâ ki ku zeka!

Juda 1:11

Lamba diâ! Kuma a kaiela mu njila ia Kaini! Mukonda dia luimbi lua kitadi, a texikila mu kutondala kua Balamu, ua bhindamenéne o nganhu! A buikila mu kuxibhaka kala Kola kia xibhakele iú ua buika.

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.

I Samuuele 8:3

Anʼé-phe anga a fula kuendela mu njila jê, a bhambukila mu luimbi lua kuinda nganhu ia mangonha, a tambula kitadi kia a felesela jinga, milonga anga aia ni ku i bhengelekela muengi.