I Timote 3:15 - O Mikanda Ikola

¹⁵ O ki kala-phe ngi bhanga hanji izuua, mukanda iú u ku idikiza kioso kia tokala kukala athu mʼonzo ia Nzambi, kuma o inzo iê iene o ngeleja ia Nzambi ia muenhu, o philadi ni disesa kua tula o kidi.

I Timote 3:15 ပူးပေါင်းရင်းမြစ်များ

I Jisobha 2:2

Eme nga muia mu njila iene mu kuila o mundu uoso; eie-phe kola muẋima u kale u iala

I Jisobha 2:4

Phala Jihova ue a kumbidile o kizuelu kiê kia ngi bhele, uixi: Anʼé se a di langa o kuenda kuâ, nʼendela bhu pholo iami mu kidi, ni muẋima uâ uoso, ni muenhu uâ uoso, nga ki ambe kuma, ki kuà ku kamba muthu ué u ku bhingana bhu kiandu kia Izalaiele.

II Jisobha 19:4

Mukonda nga fika muene kuma o Ngana ia Nzambi ié uevu maka oso a tange Labesaki, o muthu ió a mu tumikisa kuala ngana iê, o sobha ia Asídia, phala kulebhula Nzambi ia Muenhu ni ku mu kuatesa sonhi ni maka ió a dʼivila muene Jihova dia Nzambi ié; kiki-phe eie sambela kiá ngoho iá oso a subhuka-ku hanji.

I Malunda 22:13

Ua kà kala ni kuzediua, se eie ukala ni muanu ua kubhaka o itumu ni mabatuilu a tumu Ngana Nzambi kua Mozé, bhu kaẋi ni Izalaiele. Suina-phe, ubhue uoma, u kuate muanu uambote; ku kale ni uoma, mba u bhuila muẋima.

Jisálamu 42:2

Muenhu uami ua ngʼizala ni dinhota dia Nzambi, o Nzambi ia muenhu; kizuua kiahi ki nga kà bhixila, hé ngi di bhakula bhu pholo ia Nzambi?

Jisálamu 84:2

Muenhu uami moxi uala ni hânji, ua-lu sota muene kusénduka, mu kuinda kukala mu lumbu lua Jihova; ni muẋima uami, ni xitu iami, ia dikola ni vondadi ia eie u Nzambi ia muenhu,

Jelemiia 1:18

Mbata, talesaze, lelu ngala ku ku bhanga u mbonge ia difikidila, u ngunji ia felu u imbaka ia ngondo, ulue ni oxi iosololo, jisobha ja Juda u ji lue, makota mâ u ma lue, jinganga jê u ji lue, povo iaʼxi u i lue,

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Jelemiia 23:36

Maji nuka dingi mua-ndu xinganeka kunema kua Jihova; mukonda muthu ni muthu, kia-ndu mu nemena o kizuelu kié-muène-muene; mbata maka ma Nzambi ia muenhu muala ku a bhengeleka, ma Jihova dia Ifuẋi, o Nzambi ietu.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Hozeia 1:10

Hanji-phe, né kienhokio, o nzungule ia anʼa Izalaiele ia-nda kuvula muene mukuâ ni kisékele kia kalunga, ki ki xikina ku ki zonga mba ku ki kondala; o ku pholo ku aia, anga kia ká bhita kuila, bhuoso bhu a ambela, exi; Enu ki mu mundu uami, kana, bhenhobho bhene bhu a kà exana, exi: Enu mu anʼa Nzambi ia muenhu.

Matesu 16:16

Kuala Ximá Phetele: Eie u Kristu, Monʼa Nzambi ia muenhu.

Matesu 18:18

Ngi mi ambela kidi, kuma ima ioso i mu kutʼenu mu ngongo, ni mu diulu i kala iòkute; ima ioso i mu jituna mu ngongo, ni mu diulu i jituka.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Nzuá 14:6

Jezú uixi: Eme ngi njila, ngi kidi, ngi muenhu. Kana muthu u bhixila kua Tata, ua kambe kuijiia ko kuami.

Nzuá 18:37

Pilatu ua mu ambela, uixi: U sobha-phe! Inga kiebhi? Jezú ua vutula, uixi: Kiene! Eie-muène ua mu ki tanga, kuila ngi sobha. Eme o kuzuela o kidi, kiene kia ngi vualela, kiene ue ki ngʼejiia mu ngongo. Uoso ua xikana o kidi, uívua dízui diami.

Nzuá 6:69

Etu tua xikana, tua kʼijiia kuma eie u Muthu Ukôla ua tundu kua Nzambi.

Jipoxolo 1:2

katé bhu kizuua kia mu tambula bhulu. Muène, kuila kiluua a banda ku diulu, mu kutena kua Nzumbi Ikôla, ua tuamena kubhana ijila ku athu ió a solele muène, phala kukala Jipoxolo jê.

Jipoxolo 14:15

Enu jingana! Mu bhangela-hi kiki? Etu uetu tuala tu athu ni akuenu, o jihânji jene jimoxi! Tua mi bhana-phe o Jingolokela Jambote kuila mu-xa imʼ iii ia makutu, mu lunge kua Nzambi ia muenhu, ua tena kubhanga o diulu ni oxi, ni musanza ua kalunga, ni ima ioso iala-mu.

Loma 3:2

Sai-ku muene kubhanduluka mu ikexilu iavulu! Kima kia dianga-phe o kuila kuma o Jijudé ene Nzambi a a bhakesele o Njimbu iê.

Loma 9:26

O ku pholo ku muia, bhuoso bhua kà mi ambela exi: Ki mu mundu uami, kana! Bheniobho bhene bha kà mʼ ixana mu anʼ a Nzambi ia muenhu.

I Kolindo 10:32

Kana kuta kifudisu mu njila ki tokala ki di bhalesa Jijudé, mba akua jixi jengi, mba o Ngeleja iene ia Nzambi.

I Kolindo 3:16

Ni kidi kiene, nga fika mua kʼijiia kuma enu muala mu Tembulu ia Nzambi, o Nzumbi ia Nzambi iú ua tungu moxi dienu!

II Kolindo 3:3

Kiene-phe! Kristu muene ua soneka o mukanda uenhú, iú ua u tumikisa nʼetu. Uene ki uòsoneke ni tinda, ku mabaia ma matadi, maji ku miẋima ia athu, ni Nzumbi ia Nzambi ia muenhu.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

II Kolindo 6:7

ni mu maka ma kidi, ni mu nguzu ia Nzambi. Mu kumaneka tuala ni ivunga ietu ia kubatula mu kidi, kuene mu batula Nzambi, iene ia kuama na-iu o nguma ni kudibhangela.

Ngalásia 2:9

Mukonda dia kiki, kia zubha o kutongolola kiadi kioso kia ngi bhana Nzambi, ni Tiiaku, ni Phetele, ni Nzuá, ene a fumana kuma jingunji, a ngi bhele, ni eme ni Barnabé, lukuaku lua dilu mu usoko, phala etu tu di tele ku ió ki Jijudé, ene a di tele ku Jijudé akua kusaia.

Ngalásia 3:1

Mu akua Ngalásia, tata, o kutobha! Nanhi ua mi bhuiika? Mu athu a mʼidikisile Kristu ni kulomboloka kuoso kala ku mesu enu muene kua mu tela ku dikulusu!

Efezo 4:21

Kuzuela o kidi, enu mu evu kioso kia mu tanga jinga, o ki mua bokona mu kisangela kiê, mua di longo o kidi, kiene mua Jezú.

Matendelelu 31:23

Anga Jihova uambela Josuué, monʼa Nune, uixi: Kala u kindanda, u kole kiambote o muxima! Mbata eie ua-nda kubokuesa anʼa Izalaiele mʼoxi i nga a lokela Eme-muène nga-nda ku kala jinga nʼeie kumoxi.

Matendelelu 5:26

Kuma tunde xahúlu, nanhi kiá ku xitu ioso ua tenene o kuívua dízui dia Nzambi ia muenhu, uenda ni kuzuelela mu kaẋi ka milengo ia túbhia kala ki tua mu ivuʼiki, anga ukola muenhu?

Kolose 1:5

Kioso o ngolokela ia kidi, ia Njimbu Iambote, ki ia bhixila lua dianga kokuenu, kienhokio kiene ki muevua ue ku mi zuelela o kudielelʼ oko kuijiia ku Ngimbu Iambote. Kala kiki, o henda ni kuxikana ku muala na-ku kua tundu mu kidielelu kiokio ki muala na-kiu, kia kudielela ima ioio ia mi lundila mu diulu.

I Tesalonika 1:9

Kuma ene mudiâ a ki fumanesa kioso etu ki tuende mu kubokona mu ʼaxaxe kenu, ni kioso enu ki mua tu tambulula kiambote, enu mua biluka, muaxi o iteka, enu mua kane o ku di tuma ni Nzambi ia kidi, ia muenhu.

I Timote 3:14

Nga ku sonekena imʼiii, kiosuʼiki nga dielela ku ku sanga kindala.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

I Timote 3:2

Bispo-phe u bhinga ka kala ni kima kia ku mu elêsa na-kiu. U kala mukua muhatu uê umoxi, u kala mukua kilunji, mukua sonhi, mukua ujitu. U kala mukua kulangeka asonhi, muthu uala hete ia kulonga.

I Timote 3:5

Kuma muthu kia kamba kuijiia kutumina o dibhata diê-muène, u tambula kiebhi o konda ia Ngeleja ia Nzambi?

I Timote 4:10

Kiene kia mu tu bhekela kubhânga ni kukalakala kiavulu, mukonda kudielela kuetu kua kuata kua Nzambi ia muenhu, Mubhuludi ua athu oso, kota-kota dingi ua ió oso a xikana.

I Timote 6:16

Muène ngó ubhekèlele uê uavu o muenhu ki uene mbambe. Nzambi ua tunga mu mukengeji ki u xikina ku u bhixila. Nuka muthu ua mu muene, ka tena ku mu mona. O ujitu ni uzonda sè dizubhilu, u kale jinge uangene ua muène! Amén.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

II Timote 2:20

Mʼonzo ia dikota-phe ki mu kala ngó itutu ia ulu ni phalata, mu kala ue ni ia mixi ni ia mavu. O ii ia ujitu phala ngó ku i katula bhu ithangana ia tokala, o iamukua-phe iene ia izuua ioso.

Jihebeleu 10:21

Tuala ni Nganga ia Dikota u tumina o dibhata dia Nzambi.

Jihebeleu 12:22

Enu-phe mueza ku Mulundu ua Ziione, ku dibhata dia Nzambi ua kola o muenhu, ku Jeluzaleme ia diulu, ni jimidi jê ja ji-anju.

Jihebeleu 3:12

Enu phange jami, alukenu, sumba mudienu mu kala muthu ni muẋima uaiibha ua kuxibhaka, u mu bhangesa kuxia Nzambi ia muenhu, nʼ a baluke.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

Josuué 3:10

Josuué uixi: Kiene ki mu kʼijidila, kuma Nzambi ia muenhu muala-nê muʼaxaxi kenu, mukonda muene sé ngó kufula, ua-ndu kaia bhu pholo ienu akua Kanana, ni Mahiti, ni Mahivi, ni Mapelezi, ni Jijidingaze, ni Mamodi, ni Majebuzi.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.

I Phetele 4:17

Kuma o tembu ieza kiá ia kufundisa, kua-nda kumatekena kua ió oso a tokala mu dibhata dia Nzambi. O kufundisa-phe se kua matekena ko kuetu, kua kà kala kiebhi mu kuzumbukila kua ió oso a xibhaka o Jingolokela Jambote ja Nzambi?

Dijingunuinu 7:2

Anga ngi mona anjo iamukuá í banda ku tundila dikumbi, ua kuata kadimbu ka Nzambi ia muenhu. Muène anga u handekela ni dízui dia dikota ku ji-anju jiuana Nzambi ja bhana o kutena kua kukuama mu ngongo ni ku musanza ua kalunga.

I Samuuele 17:26

Davidi anga u zuela ni mala a mu imanena, uixi: A mu bhanga kiebhi, uoso u jibha mukua Fidíxia iú, anga u katula o dilebhu dioso dia te muene kua Izalaiele? Kiiala kienhiki kia mukuadibôlo ku Fidíxia, mukua-hi muene, phala a tene kulebhula kiki o kilômbo kia Nzambi ia muenhu?

I Samuuele 17:36

Eme ngi mubhikʼé, kienhiki ki nga jibha o hoji ni úlusu; kiiala kiki-phe kia mukua-dibôlo ku Fidíxia, kiene ue ki ngi mu bhanga; mukonda muene ua lebhula kilômbo kia Nzambi ia muenhu,