I Timote 3:14 - O Mikanda Ikola

¹⁴ Nga ku sonekena imʼiii, kiosuʼiki nga dielela ku ku sanga kindala.

I Timote 3:14 ပူးပေါင်းရင်းမြစ်များ

I Kolindo 11:34

Maji muthu se nzala ia mu kuata, a die ku bhata diê, phala o kubhongoloka kuenu-phe ki ku kale kua ku di bhekela kaxtiku ka Nzambi. Maka oso-phe a xala-ku, hinu nga a bheka mu uiukilu uê, kioso ki nga kà mi sanga.

I Tesalonika 2:18

Mukonda dia kubhindamena ku mi sanga koko, mbé tu di mone dingi, eme Phaulu nga sotele kuia, maji ngi sota ngi tona, Satana-phe ua tu fudisa.

I Timote 3:13

Mukonda oso a sedivila kiambote ku udiiakono, a nganhala ditala diambote, kuma a soko-bho kùbhua uôma mu kubhana umbangi ua kuxikana kuâ kuene na-ku mua Kristu Jezú.

I Timote 3:15

O ki kala-phe ngi bhanga hanji izuua, mukanda iú u ku idikiza kioso kia tokala kukala athu mʼonzo ia Nzambi, kuma o inzo iê iene o ngeleja ia Nzambi ia muenhu, o philadi ni disesa kua tula o kidi.

I Timote 4:13

Kiosuʼiki, katé ki ngi ku sanga, ta muẋima ué mu kutanga o Mikanda ia Ngana bhu pholo ia mundu, ni mu kulombolola o Njimbu Iambote, ni mu kulonga oso a xikana.

Filemone 1:22

Kiosuʼiki-phe ngi iudikile kizalu, kuma nga fika Nzambi mù kuivua o kusamba kuenu nganda kujituka, phala ni ngi mi sange koko.

Jihebeleu 13:23

Ijiienu-kiu kuila o phange ietu Timote ua jituka kiá muʼaleia. Se muene nʼeza kindala kunu, ngʼila-nê kumoxi mu ku mi kunda.

II Nzuá 1:12

Ngala ni maka mavulu ma ku mi tangela, maji ku a ta ku phaphela ni tinda-phe, ki kiene ki nga mesena. Mukonda ngandala kuila hinu ngi mi sanga, ni tu di kunde pholo ni pholo, phala ngalasa ietu i tenene.

III Nzuá 1:14

Nga kinga-phe kuila ngi ku sanga koko kindala, ni tu di kunde pholo, ni pholo.