I Timote 3:11 - O Mikanda Ikola

¹¹ Ahatuʼâ ue ki bhinga a kala jifiiele, ka kale ni jimbuèmbue. A kale ku mesu a zele, a kumbidile jinge mu ima ioso.

I Timote 3:11 ပူးပေါင်းရင်းမြစ်များ

Jisálamu 101:5

Uoso uenda ni kabódio ka kutatela mukuâ, ió eme ngi mu jima o mbutu; o uala ni ukumbu ua mesu ni izala ia muẋima, ki ngi mu ehela.

Jisálamu 15:3

Ka xingi ndaka ni dimi diê, ka xikina kubhanga phulu kua mukuâ, kende ni kabódio mu sanzala.

Jisálamu 50:20

U xikama mu kuâmba phange ié muene; monʼa mamʼenu u mu tatela ima ka i bhange.

Jisabhu 10:18

Uoso u kondeka o luma ni ku di-uabhesa ku mizumbu, mukua makutu; uoso-phe uenda ni kabódio, kioua.

Jisabhu 25:13

Kala ki kala o utalalu ua neve mu tembu ia ku muna idima, kiene ue kia soko ni phunga ia fiiele kua ió oso a mu tuma; mukonda uximbakatesa muenhu ua jingana jê.

Jelemiia 9:4

Muthu ni muthu a di lange ku dikamba diê, kana ue kudielela phange ioso-ioso; kuma phange joso muene a mu bhanga ngó mangonha kuabhu; o makamba oso enda ni kutatela.

Izekiiele 44:22

Ene ka kà sakana ni mutudi mba muhatu a mu senge, maji a katula mizeletete ia tokala mu muiji ua dibhata dia Izalaiele; mba mutudi, ió ua kexile kiá muhatuʼa nganga.

Ijila 21:7

Ka sakane muhatu uala kiuaia, mba a mu katula kiá o undenge; ka sakane muhatu a mu sange kuala munumiʼê, kuma nganga muthu uangene ua Nzambi.

Matesu 4:1

Kutunda bhobho, Jezú a mu bheka kuala Nzumbi ia Nzambi ku mikáu iakukuta, phala Diabhu ku mu funhisa.

Nzuá 6:70

Jezú ua ambela, uixi: Manhi ki eme nga mi solo enu, mu kuinhi ni kiiadi? Maji mu ʼaxaxe kenu-phe, saimu ni diabhu!

Loma 1:29

Ezala ni kubhukumuka, ni usueia, ni luimbi, ni phulu; ezala ni dixinga, ni ujibhanganga, ni jimvunda, ni makutu, ni mahanha.

I Timote 1:12

Eme nga sakidila Kristu Jezú, Ngana ietu, ua ngi bhana o kutena kua kubhanga o kikalakalu kiami. Nga mu sakidila muène, kuma ua ngi mono kukala fiiele, iú ua ngi bokuesa mu ungunza uê phala ku mu bhikila.

I Timote 3:2

Bispo-phe u bhinga ka kala ni kima kia ku mu elêsa na-kiu. U kala mukua muhatu uê umoxi, u kala mukua kilunji, mukua sonhi, mukua ujitu. U kala mukua kulangeka asonhi, muthu uala hete ia kulonga.

I Timote 6:2

Oso ue ala ni jingana jâ ja xikana kiá, ka a tobhese mukonda dia kukala jiphange jâ mua Ngana. Inda a bete ku a kalakela, mukonda o jingana a-ndu tambula o ikalakalu iâ iambote, ala axikani, phange jâ ja kazola. Imʼiii ia bhingi u i tendelela.

II Timote 3:3

Ka moneka henda ia muthu, kene kuloloka, akua kutatela ngó akuâ, keji kufikisa jihanji, a kaka, a di zemba ni ima iambote.

II Timote 4:5

Eie-phe enda ni ku di langa mu ima ioso. Kolokota o kutala hadi, kalakala kia tokala o mukunji ua Njimbu Iambote, kumbidila kiambote o ungunza ué kua Nzambi.

Tito 2:3

Ambela ue adiakimi a ahatu kuila ende ni ujitu, ua fuama athu ala ni muenhu uazele. Ka kale ni kabódio, ka kale mu ubhika ua kunua vinhu iavulu. Maji a kale mú longa jinga ima ia mbote,

Tito 3:2

A tangele kuila kana kuâmba muthu uoso-uoso, kana kulokalala, kikale a lenduke, a kale athu ambote, athu oso ende-nâ ni kubelesela.

I Phetele 5:8

Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.