I Timote 2:9 - O Mikanda Ikola

⁹ Kiene ue, nginda ahatu a kemba ni izuatu ia fuama muthu ua sonhi, a kala jinjimu. Kana kukemba ni usamuinu ua bhônzo, mba matunda a ulu, mba ni jiphélula, ni izuatu iate kitadi kiavulu.

I Timote 2:9 ပူးပေါင်းရင်းမြစ်များ

Dimatekenu 24:53

Selevende anga u katula makembu ma phalata ni makembu ma ulu, ni izuatu, u i bhana kua Bebeka; ni phangʼiê ia diiala ni manʼiâ, u a bhana ue imbamba iate kiavulu muene.

II Jisobha 9:30

Jehú anga u bhixila mu Jizeleiele. O Jezabele kioso kia kʼivu, u di bongola o mesu, u iukisa kiambote o mútue uê, anga u kala bhu njanena mu kutala.

Estere 5:1

Kutula mu kizuua kia katatu, Estere u di iudika, u zuata izuatu iê ia ungana, anga u imana mu kithâdi kia moxi, bhua lulama mu sala ia muenexi; o muenexi muene ua xikana bhu kiandu kiê kia ungana, ua bhana pholo ku muelu ua mbalanda.

Jisálamu 149:4

Kuma Jihova u sanzuka ni mundu uê; muene ua-nda ku uabhesa abelesela ni ubhulukilu uê.

Jisabhu 31:22

Muene u di tungila jithanga jê ja muhota; o izuatu iê, ia linho ia fina ni purpura.

Jisabhu 31:25

Ni kuhandamana ni kukunzama iene o izuatu iê ia di zakela na-iu; uolela kia tala o thembu iala kuiza-ku ku pholo, ka kala ni uoma ua izuua ia hádia.

Jisabhu 7:10

Ngi mona-phe muhatu iu tunda iuná, uala kuia ku mu kauidila, ni ukembu ua kiuaia, masunga ua ma te kiá ku muẋima uê.

Izaía 3:16

Jihova phe uambe dingi, uixi: O kiedi ana-ilumba mu Ziione a di zangeleka, mu kuenda jixingu a jʼimanesa, ala ni utalelu ua ufusa, o kienda, ela kala a mu kina, inama aia ni ku i sesembesa bhoxi.

Izaía 61:4

Ene a kà tunga jingùndu jòkulu, a kà bhetula dingi ididi ia diangele kusenguluka, madiembu a sekala a kà a bhangulula dingi, ni jingùndu jòkulu jòsengulule ku muiji ni muiji.

Jelemiia 2:32

Manhi monʼa kilumba u jimba makembu mê, inga dibhanga u landuka izuatu iê ia ubhanga? Eme phe o mundu uami a ngi jimbi muene, mu ndumba dia izuua ki i xikina ku i tanga.

Jelemiia 4:30

O ki ualʼokio ua-nda kubhanga-phe kiebhi, eie a ku sengulula? Né-mbe, u zuata thanga jikusuka, né-mbe u di ta makembu ma ulu, né-mbe u di teka mu mesu ni antimonio, kua-nda kuuabha dingi, né ngó, jimbuẋila ja ku buakulula kiá, ka kuandala dingi, ia sota kiáʼ ku katula o muenhu.

Matesu 11:8

Ihi-phe i muele kulonda? Diiala dia zuata izuatu ia matunda? Talesa, a zuata izuatu ia matunda a kala mu jimbanza ja jisobha.

I Timote 2:10

Maji kota uzuatelu ua kubhanga ima iambote, kala kia fuama ahatu a sola kuxila Nzambi.