I Timote 2:8 - O Mikanda Ikola

⁸ Uila kiki, nga mesena kuila athu oso a di bhakula kua Ngana Nzambi, a sambe jinge ku ididi ioso, o mu kusamba a tena kuleka o maku mazele sè kizembu sè jimvunda.

I Timote 2:8 ပူးပေါင်းရင်းမြစ်များ

I Jisobha 3:11

Ngana Nzambi anga u mu ambela, uixi: Mukonda eie ua bhingi kima kiki, kua bhingi muenhu ué kulaia izuua iavulu, kua bhingi jimbongo phala eie, kua bhingi o kalunga ka jinguma jé, maji ua bhingi o kutongoloka kua kutungula o kidi;

Jobe 16:17

sumbala bhu makuʼami ki bhuala kusuína, o musambu uami ua iuka muene.

Jisálamu 134:2

Lekenu o maku menu mu kididi kiê kiangene, muende ni kubenzela jinga Jihova.

Jisálamu 141:2

Musambu uami u bande ko kué, kala uasu ua dizumba; o makuʼami, kia sununuka, a kale kala sata ia ngoloxi.

Jisálamu 24:4

Uoso makuʼê a mu zele, o muẋima uê uabhu ufusa; ua kambe kukaiela ulalu, ka xikina kuloka mu kunganala mukuá.

Jisálamu 26:6

Maku ami nga a sukula, katé ki azele; phala ngi kondoloke kalatódio ké, u Jihova.

Jisálamu 28:2

Ivua dízui diami dia kudionda, kioso ki ngi dikola kokué; ni kioso ki ngi sunununa maku mami, ni kulunga pholo ku kididi kié kikôla.

Jisálamu 35:13

Ene-phe kia kexe mu kata, eme ngi zuata kidinhaji; ngi di bhinjika muene ni kujila o kúdia; ngi kala mu samba ni mútue uabhetama.

Jisálamu 63:4

Kienhiki, ngi ku tumbula katé bhua suka o muenhu uami; ngi kala jinga mu leka o makuʼami mu dijina dié.

Jisálamu 66:18

Se ku muẋima nga solele kubhengalala, Ngana hinu ka xikina ku ngʼivua.

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Jisabhu 21:27

Sata ia akua kubhuma, kisinji kua Nzambi; kuambe dingi-phe ki a i bheka ni muẋima ua kubhanga phulu!

Izaía 1:15

Uila kiki, kioso ki mú sunununa o maku menu mu kusamba, mesu mami, kokuenu, ngi ma sueka; xi, kioso ki mu vudisa o misambu ienu eme ki ngi ivu, mukonda o makuʼenu ezala manhinga.

Matesu 21:21

Jezú u a vutuila, uixi: Kidi kiene ngi mi ambela: Se mu kala ni kuxikana, sé phata, kia di bhange ku mufiku, ki kiene ngó ki mu bhanga, maji né mbe muà kela mulundu iú: Zangumuka bhobho, ua kà di kuzule mu ʼalunga, kiene ki di bhanga!

Matesu 5:44

Eme-phe ngi mi ambela: Zolenu nguma jenu; a sambedienu kua Nzambi, oso a mi tatesa; benzelenu a mi bhubhidila, bhangenu mbote oso a mi zembe.

Matesu 6:12

Tu loloke o makongo metu, uila etu ki tu loloka oso a tu dia makongo.

Luka 23:34

Jezú-phe uixi: Tata, athu iá a loloke. Mukonda kejiia kioso kiala kubhanga! Ene anga a uana izuatu iê ni ku i tela jisorte.

Luka 24:50

Jezú anga u tunda-nâ ku kanga, hé aia katé bhua lulama bhu Betanha. Bhenhobho anga u zangula maku mê, ua a benzela.

Nzuá 4:21

Jezú ua mu ambela, uixi: Muhatu ngi xikane. Kumbi dí diza, dia bhingi kuila né ku mulundu kuku, né mu Jeluzaleme, ki muene athu mua bhezela Nzambi.

Jipoxolo 10:2

Muène mubhezi, muthu ua ujitu, u xila Nzambi ni dibhata diê dioso. Mukua kubhana jimola javulu mu kukuatekesa o Jijudé, oso ala jingadiama, ni kusambela jinga Nzambi.

Jipoxolo 10:31

uixi: Koloneliu, misambu ié Nzambi ua ivu iú ua lembalala ioso i uene kubhanga mu kukuatekesa o jingadiama.

Jipoxolo 10:4

O muène kia mu edi sûi, ni uôma ua mu kuata, uixi: Kiebhi, Ngana! Uixi, Nzambi uevu o misambu ié, ni jimola jé ji uene mu bhana o jingadiama, ja bande kuma dilembalelu bhu pholo ia Nzambi.

Jipoxolo 21:5

Maji o ki tua zubha kubhanga izuuʼ oio, tua katuka dingi o njila ietu. Ene oso ni ahatuʼ â, ni anʼ â, hé a tunda mu mbonge mu ku tu xinjikila, anga tu fukama-nâ ku ndundu, anga tu samba, tu di xalesa.

Jipoxolo 7:60

Anga u fukama, u di kola di dizui dia suina, uixi: Ngana, kana kuta kituxi kiki mu konda iâ! O kia zubha ku ki zuela, u batula muenhu.

I Kolindo 1:2

tua soneka o mukanda iú phala Ngeleja ia Nzambi iala mu Kolindo, kiene-phe, oso kiá a a kôlesa mua Kristu Jezú, a exana phala kukala mundu ua Nzambi. Mukanda iú uosoneke ue phala oso kiá akua kuhingila mu dijina dia Ngana ietu Jezú Kristu mu ididi ioso, Ngana iâ ene, Ngana ietu-etu.

I Kolindo 7:7

Maji eme-muène nginda-phe athu oso a kale uila ki ngalʼ eme. Maji-phe ue kala muthu uala ni ujitu uê ua mu bhana Nzambi; iú ujitu uê uengi, iú ujitu uê uengi.

II Kolindo 2:14

Maji Ngana Nzambi, a tane-ku! Mokonda, mu kudiongeka kuetu ni Kristu, Nzambi uene mu ku tu endesa jinga mukuâ ni athu a a kutila ku mukalatata mu kubhana o kikoue kia Kristu. Mukuâ ni ki muanganena mu ididi ioso o dizumba dia maji a mbote, kiene ue Nzambi kia mu bhanga ni etu mbé Kristu a tene ku mu ijiia kuala oso.

Filipe 1:12

Nga tumu-phe ku mʼ ijidisa, jiphange, kuma o ima ia ngi bhiti ki i fudisa, kana, inda ia bhekela o Njimbu Iambote kusambuka dingi kiengi.

I Tesalonika 1:8

Kuma o maka ma Ngana ma tundu ko kuenu, ia a fumana, kana ngó ku Masedonia ni ku Akaia, maji katé ni ku ididi ioso, o kuxikana kuenu ku muala na-ku kua Nzambi, kua fumana; o kiki etu ki tu bhingi dingi kuzuela kima.

I Timote 5:14

Mukonda dia kiki, nginda-phe atudi oso kiluua a kuka, a sakane, a kale ni ana, ongeke mabhata mâ, phala o nguma jetu ka a bhane bhuma bhua tu tela môndo ni ku tu zuela kiaiibha.

Tito 3:8

Makʼama ma fiiele. Nga mesena u jiza ni ku ma tanga, ni ki bhekela kuila oso a xikana Nzambi, a kala ni muanu ua kukuatu kubhanga midimu ia mbote. Imʼiii ia uabha, i bhandulula athu enhoso.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

Tiiaku 4:8

Zukamenu kua Nzambi, muène u mi zukama enu. Di sukudienu maku, mu akua ituxi! Di zelesienu miẋima, mu akua miẋima iiadi!

I Phetele 3:7

Enu mala ue kiene, akaji enu mu tunga-nâ ni kilunji. Mu bhana muhatu ujitu, kuma muène kitutu kia tolo nguzu. Mbata muène ue mukuenu ua sokela-nê mu kulundula o muenhu Nzambi ua-nda ku mi bhana enu. Se mua kambe ku ki bhanga, misambu ienu i sukamena.