I Timote 2:2 - O Mikanda Ikola

² Kua tokala kubhingila jisobha, ni oso ala ni kijingo kia kutumina, phala tu tene kutunga ni muẋima ua batama, sè kavuanza, sè jimvunda, mu ujitu ni uendelu uaiuka.

I Timote 2:2 ပူးပေါင်းရင်းမြစ်များ

II Samuuele 20:19

Eme nga tokala ku athu abatama, akua kitongola mua Izalaiele; eie ua-lu sota ku buidisa mbonge ia di bhanga kivuadi mua Izalaiele. Phalahi ua bhindamena kusengulula, ni kuminha undundu uangene ua Jihova?

Ejidala 6:10

Phala a bhakule jisata ja dizumba dia mbote kua Nzambi ia diulu, nda a sambele ue muenhu ua sobha ni ua tuana tuê.

Nehemiia 1:11

Ngana, tata, mátui mé-phe, ma jikukile o musambu ua mubhikʼé, kumoxi ni musambu ua abhikʼé ala kuinda kuxila o dijina dié; mubhikʼé, lelu, anga u mu zediuisa, nʼu mu bhana o kiadi bhu pholo ia muthu iú. Bhenhobho-phe eme ngala ngi mukuati a nganza ia sobha.

Jisálamu 72:1

O muenexi mu bhane kutongoloka kué, Ngana Nzambi, o thungunu ue mu bhane o kutetuluka kué.

Jisabhu 24:21

Eie, monʼami, xila Jihova, ni muenexi ue mu xile; kana kubhangana kumoxi ni akua kulungujuka.

Jelemiia 29:7

Sotenu kutululuka kua mbonge mu nga mi balakala, sambelenu-iu kua Jihova; mbata mu ku tululuka kuê, enu ue mu kala ni kutululuka.

Luka 1:6

Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

Luka 2:25

Kiki ku kala mu Jeluzaleme diiala diexana Ximinhá. Muenió muthu ua mbote, ua zola Nzambi; ua kexile ue mù kinga Kibhamuenhu kia Izalaiele, ni Nzumbi Ikôla ia mu tula ku thandu diê.

Jipoxolo 10:22

Ene a vutula, exi: Kabhitangu Koloneliu muene ua tu tumu. Muène mubhezi a Nzambi, muthu uaiuka, u xila Nzambi, a mu tumbula ue kiambote kuala akua ʼxi ioso ia Jijudé. A mu longesa kuala anju ia Ngana, o ku ku tuma eie kuiza ku onzo iê, eie u mu tangele maka.

Jipoxolo 24:16

Mukonda dia kiki, nga kuata muanu ua kukala ni muẋima ua kambe o kuêla, ni kua Nzambi ni ku athu, izuua ioso.

Loma 12:18

Se mua ki tena, kalenu ku paze ni athu oso; mvunda ki i tunde ko kuenu.

Filipe 4:8

Mu ku mi bhana-phe o mahezu, jiphange jami, ioso ima ia kidi, ioso ima ia ujitu, ioso o ima iaiuka, ioso o ima iazele, ioso ima iauabha, ioso o ima iene ku i tumbula, se sai-ku uthu, se sai-ku kia kuximana, iene ima i mu xinganeka.

I Tesalonika 4:11

Kolokotenu ni kusota o kutululuka, mu suue imbamba ienu-enu ia mi tokala, mu kalakale ni maku, uila ki tua mi tendelela kiá.

Jihebeleu 12:14

Sotenu kukala ku paze ni athu oso, mu kolokote mu kukala ni muenhu uazele, kuma uoso ua kambe kuzela ka tena kumona Ngana.