I Timote 1:9 - O Mikanda Ikola

⁹ Mukonda kima kiambote ue o kuijiia kuma o Kitumu ka ki bhangela muthu uaiuka, maji a ki bhangela athu a baluka, a xibhaka, athu a kambe kuijiia Nzambi, akua ituxi, athu ka moneka kima kià bheza, ima ia nzumbi a i tokoka. A ki bhangela phala ió a jibha tatʼâ ni mamʼâ, o ijibhanganga,

I Timote 1:9 ပူးပေါင်းရင်းမြစ်များ

II Samuuele 16:11

Davidi anga u ambela dingi Abisai, ni akua mbèle iê oso, uixi: Talenu: Sumbala monʼami ua ngi tundu moxi, ku miongo iami, ua bhindamena ku ngi bua o muenhu uami, kuambe-phe dingi mukua Bejamí iú, lelu u fula kiebhi ku ki bhanga? Mu ehienu, a xinge, kuma Jihova muene ua mu tumu.

II Jisobha 19:37

Anga ki bhita kuila, kioso muene kia fukama mʼonzo ia Nijiloke, o dihamba diê, o Andalameleke ni Salezele, anʼê-muène, a mu toma ni xibhata; ene-phe ia a lengela kʼoxi ia Alalate; o Ezaladone, dia monʼê, muene ua hingi o ungana bhu kididi kiê.

II Malunda 32:21

Kieneʼokio o Jihova ua tumikisa anju imoxi i ia jikinisa o mala oso a mazonda, ni makota ma jingana, ni atumini mu kilômbo kia sobha ia Asídia; sobha anga u vutuka ni pholo ia zenzama ni jisonhi kʼoxi iê; maji-phe, mu kutula kueneʼoko, o kia bokona mʼonzo ia dihamba diê, ene muene a tundu mu divumu diê, a mu jibhila mueneʼomo ni xibhata.

Makatukilu 20:13

Kana kujibha mukuenu.

Makatukilu 21:14

Maji o muthu-phe se u kanena mukuâ ni kubhuma, anga u mu tela masunga, ni a mu jibhe, muthu ió né bhu kalatódio kami mu mu katula-bhu muene phala a fue ue.

Jisabhu 20:20

Uoso u xinga tatʼâ mba mamʼâ, mvela iê ia kà jima, anga u xalela mu kitombe ki bheka kikote.

Jisabhu 28:17

Muthu se uabhangele ufumbe ua kujibha mukuá, o manhinga ma iú a mu jibha anga ma mu oseka, uila o lengʼé katé mu kina, tuleé; aie, ki bhu kale muthu u mu kudila.

Jisabhu 28:24

Muthu uoso u nhana tatʼâ, mba mamʼâ, anga uila, uixi: Ki kituxi, mukonda mʼonzo ietu etu-ene, muenhó kijibhanganga, kuma uasoko ni kifumbe.

Jisabhu 30:11

Sai-ku muiji ua athu a lebhula tatʼâ, o manhʼâ a tokoka ku mu tanga o mbote.

Jisabhu 30:17

Muthu uoso mesu mê ma kala mu bhanga kasekelu kua tatʼâ, o mamʼâ ka xikina ku mu tumaka, muthu ió ilombelombe ia honga hinu i mu lokola-nâ, anga anʼa jiholokoko a ma dia.

Jelemiia 23:11

Mbata kixi o polofeta, uixi o nganga, a di kasanesa; katé ni monzo iami phulu iâ muene mu nga i sange, eme ngi Jihova.

Izekiiele 21:25

Eie-phe, kilamba kia Izalaiele, u mukua phulu ku moneka Nzambi, ua bhingi hádia kumbi dié di ku sanga bhu kithangana kia phulu ia dikota.

Ijila 20:9

Se bhu kala muthu u xinga tatʼâ, mba mamʼâ, a fue muene, sé phata; kuma ua lebhula tatʼâ, mba ua lebhula mamʼá; o manhinga mê a soke-nâ-u ku thandu diê.

Matesu 10:21

Muthu ua kà bhana phangʼ iê mu ku mu jibha, o tata ua kà bhana mona, o ana a kà kitukila tatʼ â ni mamʼâ, nʼa a jibhisa.

Loma 1:30

Akua kabodio, aku kutatela. A di zemba ni Nzambi, a bhuma, a kala ni ukumbu ni izala. A funha jindunge javulu ja kubhanga kiaiibha. A xibhaka adiʼâ,

Loma 4:13

Kuma Nzambi o kikutu kia bhele kua Mbalahamu ni luvalu luê, kuma hinu ene a lundula oxi, ki kiejila mukonda uaiuka o Kitumu, maji kiejila mu kulunga kua kuxikana, o Nzambi iú ua mu xikina kuma ua lungu.

Loma 5:20

O Kitumu kieza phala kuvudisa o kutondala. Maji bhuoso bhua vulu o ituxi, o kiadi kia Nzambi kia somboka dingi mu kusubhajaka kiavulu.

Loma 6:14

Kuma o ituxi ki i fuama ku mi tolola dingi, mbata enu ka mi bhake dingi bhoxi dia Kitumu, maji a mi bhake kiá bhoxi dia kiadi kia Nzambi.

Ngalásia 3:19

O Kitumu-phe a ki bhela-hi? Kitumu a ki bandekeza ku pholo kunu, phala kuidikiza o ima ioso iaiibhila Nzambi. Kiene ki nanga ngó katé bhuoso bhu ijila ió a mu bhele polomesa u tunda ku mbutu ia Mbalahamu. Kitumu a ki tumikisina ku ji-anju, ni ku muthu u di bhanga muzumbu uenda na-kiu.

Ngalásia 5:18

Maji se a mi endesa kuala o Nzumbi ia Nzambi, ki muala dingi mu ubhika ua Kitumu.

Ngalásia 5:21

Akua dixinga, ijibhanganga, jihôlua, o muenhu uâ ua ku di ta ngó mu izomba iaiibha, ni ima iamukuá ia di fu kiki. Ienʼ iii, nga mi dimuna, kala ki nga tuamene ku mi dimuna, kuma oso akua kubhanga ima kala iii, kà tena kubhingana mu Utuminu ua Nzambi.

Ngalásia 5:23

kubelesela, ni ku di tumina jihanji. O ima kala iii, kana-ku kitumu kia ku i kidika.

Matendelelu 27:16

Lamba dia ió uoso u lebhula tatʼâ mba mamʼâ! Mundu uoso-phe a kèla: Amén!

II Tesalonika 2:8

O kia kà zubha ku mu katula-ku, kiene kia kà tukuluka o Kisueiʼokio, u bhinga Ngana Jezú kià kèza ua kà mu jibha ni muha ua dikanu diê, ua kà mu bhuisa-ku ni kisuma kia kutukuluka kuê-muène.

I Timote 4:7

Misoso ia ulalu-phe, ia akua mundu, ditune jinge-iu kuma ni ku i tanga ngó ki ia fuama. Inda-xi sota jinga kudilonga o ima ia nzumbi, u mone ki uia ku pholo mu kuxila Nzambi.

I Timote 6:20

Timote, tata! Aiuka kiambote kioso kia ku bhana kulunda. Ditune jinge o kubuabuala kua ulalu kua ibhila Nzambi, ni kukuata jiphata ja uoua u exana ene exi unjimu, manhi unjimu ua makutu.

II Timote 2:16

O kubuabuala kua ulalu-phe kua ibhila Nzambi, eie lenga-ku! Kuma kuenhoko kubheka kubhuma kusandula dingi kiavulu athu mu njila ia Ngana Nzambi.

II Timote 3:2

Kuma athu a kà kala azodi a ene ngó, injenji, akua ukumbu, a tènda akuâ, a nonga, a xikbhaka tata ni mama, a kamba kusakidila, a kamba ujitu ua Maka ma Nzambi.

Tito 1:10

Kuma ku Jijudé sai-ku athu avulu a baluka, ala jisemenhi ja kuzuela, akua ku di nganala ni kutobhesa dingi athu avulu mu uoua uâ.

Tito 1:16

Amba, exi, Nzambi tua mu ijiia; maji a mu dituna mu imbamba iâ ia bhanga. Ala ifusa, a xibhaki, imbamba ioso ia mbote a i tokoka.

Tito 1:6

U xinganeka-phe kuila u mu ta ku uadiakime u kala muthu uoso kala ni kuêla. Munume a muhatuʼê umoxi; anʼê a kala axikani, ka fumane ni kuzangata mba kuxibhaka.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

Jihebeleu 11:31

Kiejila mu kuxikana, Lahaba dia kidianzunga kia kambele kufuila kumoxi ni akuâ a xibhakele Nzambi, mukonda muène o ilolo ia anʼ a Izalaiele ua i tambuluile kiambote.

Jihebeleu 12:16

Di langienu ue phala ki bhu kale muthu u kala ndumbu, mba kifusa kala Ezaú ua sumbisile o ukota ue mu dilonga dimoxi dia kudia.

I Phetele 2:7

O ditadi didi dia te kiavulu, phala enu oso mua xikana. Maji phala ió a kambe kuxikana: Ditadi dia ditunu o jimesene kuila ki di uabha, dia biluka diene dia kuatesa bhu thungi.

I Phetele 3:20

O jinzumbi ja oso a xibhakele mʼokulu, kia kingile o kuxididika kua Nzambi mu izuua ia Noué, kioso kia kexile mu iudika o álaka. O mu álaka muenhomo mua bokona athu, kavulu, nake ngó dia mienhu, anga a bhuluka ku menha.

I Phetele 4:18

Kala kiambe o Mikanda Ikôla, iexi: O ku muiuki se kia bhonzo o kubhuluka, o ku muthu ua bhumu, ni mukua ituxi, kia kà kala kiebhi?

Juda 1:15

mu kufundisa athu oso. Uà keza mu kuêlesa athu oso abhumu, a kambe kuxikana, mukonda dia imbamba iâ ioso ia kubhukumuka ia bhumina kubhanga, ni malebhu moso akua ituxi abhumu enhâ a ẋonguena jinga na-u Nzambi!

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.