I Timote 1:20 - O Mikanda Ikola

²⁰ O mua enhá muene muala Himenu ni Xandele, u nga bhakuila Satana, phala a di longe kueha o kuxinga Nzambi.

I Timote 1:20 ပူးပေါင်းရင်းမြစ်များ

Matesu 18:17

Kia di tuna kua evua ene, ka ki tangele ngeleja; o ngeleja ue se ua di tunu ku ívua, a ku kale mukuâ ni mukua matumbu, mba mukua kutambula lubhaku.

Jipoxolo 13:45

Jijudé-phe kia mono o mundu uavu-lu kiki, a kala ni dixinga dionène. Ima iala kutanga Phaulu, a mu kuatesa makutu, a mu xinga.

Jipoxolo 19:33

Anga a tubhula Xandele mu ʼaxaxi ka mundu, mukonda amoxi-mu a fika kuma muene uala ni kikuma, mbata, Jijudé ja mu jijila kuia mu kuimana ku pholo. Xandele anga u bhalula ni lukuaku, u mesena u di kaiula kikuma bhu pholo ia mundu.

I Kolindo 11:32

O ki tu tambula-phe kaxtiku, Ngana ua tu beta, phala hinu ka kà tu êlese kumoxi ni mundu.

II Kolindo 10:6

Enu-phe ki mu zubha ku lola o kutumaka, etu uetu tu tena kuzoka kiá ni kubhana kaxtiku kua iá oso a xibhaka.

II Kolindo 13:10

Mukonda dia kiki kiene ki nga mi sonekena imʼiii kiosuʼiki eme ngala kuengi, phala hinu ki ngi mi sanga ki ngi mi temene mu kijingu kia ngi bhana Ngana. Kuma kijungu kia ngi bhana kia kutunga, ki kia ku muanga, kana.

II Tesalonika 3:15

Maji kana-phe ku mu kita nguma ienu, inda mu mu bazela kala phangʼienu.

I Timote 5:15

Kuma sai-ku kiá atudi amoxi-mu a jimbila ni kukaiela Satana.

II Timote 2:14

Athu oso u ua kexila ku pholo, ima ienhii enda ni ku a tendelela-iu! U a tendelele ku mesu na Ngana, kuma ka di kuatele maka ma ngoho. Mbata ki ki bhandulula kima, maji ki juualesa ngó athu oso évua, mukonda o kudikuata ki kia fuama.

II Timote 2:17

Sai-ku athu, o maka mâ ma longa, ma seka kala ki bhanga o fidila ku mukutu. Ku jimesene jê ji longa kienhiki, kiiadi-ku ene a Himenu ni Filetu.

II Timote 3:2

Kuma athu a kà kala azodi a ene ngó, injenji, akua ukumbu, a tènda akuâ, a nonga, a xikbhaka tata ni mama, a kamba kusakidila, a kamba ujitu ua Maka ma Nzambi.

Jihebeleu 12:5

Manhi mua jimbi-ku kiá o phangu ni ndongo ia mi tangela Nzambi kala mu anʼê? Mbata muène uixi: Eie u Monʼ ami, o kulonga kua Ngana ki ku ku kuatese usudi, muène kia ku bazela kana kubhuila.

Dijingunuinu 13:1

Anga ngi mona kiama kiala mu tomboloka mu musanza ua kalunga. Kiala ni kuinhi dia lumbinga, ni sambuadi dia mùtue; o ku jimbinga jê kuinhi dia kitundu, o ku mítue iê a soneka-ku majina a isunji, a kuxinga Nzambi.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.