I Timote 1:19 - O Mikanda Ikola

¹⁹ Uila ni kubhaka o kuxikana kué, uixi ni kukala ni muẋima uazele. Kuma amoxi-moxi-mu, mukonda dia kueha o kuívua kiala ku a tangela o muẋima uâ, a jimbidisa o kuxikana kuâ.

I Timote 1:19 ပူးပေါင်းရင်းမြစ်များ

Matesu 6:27

Mukua-hi mudienu kia kuata hele, u tena kuta-ku dikanda ku kitala kiê?

I Kolindo 11:19

Kana-bhu-phe phata, kuila kua bhingi mudienu mu kala kudiuana ku ibuka, phala ió oso ala mu kidi a di monekene.

Ngalásia 5:4

Mua batuka kua Kristu, enu oso mua mu mesena kuila mu lungila mú kualuka o Kitumu. Ku kiadi kia Nzambi mua tokoka-ku.

I Timote 1:5

Mutendelelu iú-phe, mahezuʼê o henda i tunda mu muẋima uazele, ni mu kitongoluelu kiambote, ni mu kuxikana kua kidi ki kua kudibhangesa.

I Timote 3:9

Ki bhinga ene a kuata o kidi kia kikutu kia kuxikana ni kitongoluelu kiazele.

I Timote 6:12

ʼLua o ita iambote ia kuxikana, naminina o muenhu ki uabhue. Kuma kiene Nzambi kia kuixanena, kioso eie mu kuxikana kué ki ua fisalele bhu pholo ia jimbangi javulu.

I Timote 6:21

Mbata amoxi-moxi a di ximana kuila o unjimu uenhú ala na-u, maji kienhiki kiene kia a bhekesa kuila o njila ia kuxikana a i lueza. O kiadi kia Nzambi ki kale ni enu oso ku mualʼoko.

I Timote 6:9

Mukonda oso-phe a bhindamena kukala jimvuama, ene kudibhala mu kudianguka, anga a fua mu mubhetu, ni mu jihânji javulu jaiibha ji tobhesa, ji bheka muthu mu kusenguluka anga u jikinina mu dibuikilu.

II Timote 2:18

Athu o kidi a ki lueza, exi difukunukinu dia bhiti kiá, hé a diangula o kuxikana kuala na-ku akuá amoxi-mu.

II Timote 4:4

Athu enhá a kà katula matui mâ mu kuivua o kidi, hé a kà lunga ku maka ma kusabhula.

Tito 1:9

A kuate maka ma fiiele ma tokala ku ma dielela, ma kaiela mu ulongelu uetu. Phala mu kubhanga kiki a tene kusuinisa akuâ ni kulonga mambu ma mbote, ni kubelesa oso a ta-bhu jiphata.

Jihebeleu 3:14

Kuma o kubhanduluka ni Kristu, ki bhinga o kudielela ku tu andeka na-ku, tu ku jijila katé bhu dizubhilu.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.

Dijingunuinu 3:10

Mukonda eie ua bhake o maka mami, kioso ki nga ku ambela kukala ni muanu, eme uami ngi ku bhaka mu kithangana kia phaxi, hinu ki tukulukila mundu uoso, mu kulola ene oso a tungu mu ngongo.

Dijingunuinu 3:3

Mukonda dia kienhiki, xinganeka-phe kioso ki ua di longa, kioso ki uévua. Aluka-ze, u diele ituxi ié. O ki u kamba kudilanga-phe, hinu ngi ku sanga kala muii, o ola ioso i ngi ku tutuuila ku i ijiia.

Dijingunuinu 3:8

Nga ku ijiia ima i uene kubhanga. Ngejiia kuma uala ni kanguzu kofèle. Maji o maka mami ua ma aiuka, o dijina diami kua ditunu-diu. Talesa, nga ku bhana muelu ua jikuka, kana muthu u tena ku u jika.