I Timote 1:15 - O Mikanda Ikola

¹⁵ O ulongelu iú uene ua kidi, ua tokala ku u xikana ni ku u tambulula ni muẋima uoso, kuila: Jezú Kristu uejile mu ngongo mu kubhulula akua ituxi. O ku akua ituxi oso eme ngi kota,

I Timote 1:15 ပူးပေါင်းရင်းမြစ်များ

Jobe 42:6

Kienʼiki kia ngi bhekesa ku di kuma eme-muène; nga diela muene, nga dimbuluka mu fufuta ni uthôkua.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Matesu 1:21

Muène uanda kuvuala mona ua diiala, eie u mu luka dijina dia Jezú, mbata muène ua kà bhulula athuʼê ku ituxi iâ.

Matesu 18:10

Alukenu, ki mu tènde kamona ku tuana tutu. Mbata ngi mi ambela kuma, o ji-anju jâ mu diulu jene mù mona o pholo ia Tata iami uene mu diulu. [

Matesu 18:11

Kuma Monʼ a Muthu ueza mu sota uoso ua jimbidila.]

Matesu 20:28

Mukonda uila ki eza Monʼa Muthu, kana kukala ni athu a mu bhikila muène, maji muène-ku kubhika, ni kubhana o muenhu uê mu kukula mundu.

Matesu 9:13

Ndenu-phe mu di longe kioso ki kia jimbulula, kuila: Nginda o ku kuatela mukuenu henda, ki ngindi sata; kuma eme ki ngeza mu kuixana athu aiuka, maji akua ituxi.

Marku 2:17

Jezú kia zubha ku kʼivua, uixi: Athu a disanze ki ene a bhindamena o kimbanda; kikale o jihaxi. Athu ue aiuka, ki ene u ngeza mu ku a exana kudiela, maji akua ituxi.

Luka 15:2

Jifalizeu ni akua kulonga o Kitumu a kala mù ngonga, exi: Muthu iú u tambulula akua ituxi, hé u dia-nâ.

Luka 19:10

Mukonda Monʼ a Muthu ueza mu kusota ni kubhulula kioso kia jimbidila.

Luka 5:32

Eme ki ngeza mú kuixana athu aiuka, ngeza mú kuixana akua-ituxi, nʼa diele ituxi iâ.

Nzuá 1:12

Maji amoxi-mu a mu tambulula, ia a xikana dijina diê; enhá Nzambi ua a bhana o kutena kua kukala anʼê.

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Nzuá 12:47

Muthu uoso uívua o maka mami, nʼ a kambe ku ma bhaka, eme ki ngi mu êlesa. Kuma eme ki ngeza mù kuêlesa o mundu, ngeza mu kubhulula o mundu.

Nzuá 3:36

Kala kiki, uoso ua xikana o Mona, uala ni muenhu ki uábhua. Maji uoso ka xikana o Mona, ka kà mona muenhu, kikale o njinda ia Nzambi i xala ku thandu diê katé ku hádia ni hádia.

Jipoxolo 11:1

Kiki jipoxolo ni jiphange ku Judeia a kʼ ivua kuila akua matumbu a tambula ue o maka ma Nzambi.

Jipoxolo 11:18

Ene kia zubha kuivua imʼ iii, phata iabhu. Anga a ximana Nzambi, exi: Manhi ni akua matumbu uâ Nzambi ua a bhana o kudiela, nʼamone o muenhu ki uabhua!

Jipoxolo 3:26

Kienʼiki, Nzambi ua solo Mubhikʼê Jezú, iu ua tuama ku mu tumikisa kokuenu, mbé o ku mi zediuisa, phala o muthu ni muthu mudienu, muène a mu ehese o muenhu ua ku ta ituxi.

Loma 11:14

Sumba ku matelu-matelu, enʼió a ngi tokala mu xitu ngʼ a kuatesa difuba, ni ngi bhulule-ku amoxi-mu.

Loma 5:6

Kuma ki tua kexile hanji tua lémbua kubhanga kima kioso-kioso, Kristu kia bhixila bhu thembu iê ia solo Nzambi, ua fuila athu abhumu bhu kididi.

I Kolindo 15:9

Kuma ku Jipoxolo joso eme ngala-ku ngi ndenge, ki ngi fuama ku ngʼ ixana ngi Poxolo, mukonda eme nga zukutisile o Ngeleja ia Nzambi.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

I Timote 1:13

Muène ua ngi bhange kienhiki, sumbala mʼokulu nga diangele ku mu zuela kiaiibha, ni ku mu zukutisa, ni ku mu sombola. Maji o Nzambi ua ngi kuatelele henda, mukonda ki nga xikanene luua, o ioso i nga kexe mú bhanga ki nga i ijidile.

I Timote 1:19

Uila ni kubhaka o kuxikana kué, uixi ni kukala ni muẋima uazele. Kuma amoxi-moxi-mu, mukonda dia kueha o kuívua kiala ku a tangela o muẋima uâ, a jimbidisa o kuxikana kuâ.

I Timote 3:1

O iá maka a kidi kiene: Se muthu uinda kididi kia bispo, uendi ufunu uambote.

I Timote 4:9

Maka iá a kidi, a tokala ku a tambulula ni ku a xikana ni muẋima uoso.

I Timote 6:13

O kiki nga ku tendelela bhu mesu ma Nzambi, u bhana ima ioso kukala ni muenhu, ni bhu mesu ma Jezú Kristu, ua fisalele umbangi uambote bhu pholo ia Pônsio Pilatu, kuila:

II Timote 2:11

Makʼ ama ma fiiele, ma kidi: Se Kristu tua fuila-nê kumoxi, tua kà kala-nê kumoxi ku muenhu.

Tito 3:8

Makʼama ma fiiele. Nga mesena u jiza ni ku ma tanga, ni ki bhekela kuila oso a xikana Nzambi, a kala ni muanu ua kukuatu kubhanga midimu ia mbote. Imʼiii ia uabha, i bhandulula athu enhoso.

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.

I Nzuá 3:5

Enu-phe mua kʼijiia kuila Kristu ua tukulukile mu kubhuisaku o ituxi ietu, maji o muène ka moneka kituxi.

I Nzuá 3:8

Uoso u jijila kuta ituxi, ua tokala kua Diabhu, kuma o Diabhu mukua ituxi tundé ku dimatekenu dia mundu. Kiene kia bhekelele Monʼa Nzambi kutukuluka, phala a muange o ikalakalu iene mu bhanga Diabhu.

I Nzuá 5:11

O umbangi uê uenhú: Kuma Nzambi ua tu bhana muenhu ki uàbhua, o muenhu uenhú-phe tu u tambuila kua Monʼê.

Dijingunuinu 21:5

Bhenhobho, muène ua xikama bhu kiandu, anga u zuela, uixi: Kindala ima ioso nga i bhangulula ku ubhe! Hé u ngʼambela, uixi: Kiki soneka-kiu! Kuma maka iá a kidi, a tokala ku a dielela.

Dijingunuinu 22:6

Anju anga u ngʼambela, uixi: Maka iá a kidi, a tokala ku a dielela. O Ngana Nzambi, uene mu bhana o Nzumbi iê ku jipolofeta, muène ua tumu anju iê kuidikiza selevende jê o ima i bhinga i bhita kindala.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.