I Timote 1:11 - O Mikanda Ikola

¹¹ O ulongelu ua kidi iú, uala mu Njimbu Iambote ia ngi bhana eme kuia ni ku i tula—o Njimbu Iambote ia tundu kua Nzambi Ukôla, mukua fuma.

I Timote 1:11 ပူးပေါင်းရင်းမြစ်များ

Jisálamu 138:2

Ngi diunda ni kubhana o pholo kua kala o Tembulu ié, ngi ku tumbula dijina mukonda dia kiadi kié kia kidi; kuma o maka mé, Ngana, ma ulamba, ni ku a fika ngó tua lémbua.

Luka 2:14

Fuma i kale ia Nzambi mu diulu! O mu ngongo uembu mu ʼaxaxe kʼathu oso a mu uabhela!

Loma 2:16

Kiene ue ki kia kà kala mu kizuua kia kà fundisa Nzambi ikutu ioso ia sueka athu, kua Jezú Kristu, kala ki ngambe mu Njimbu Iambote i ngene mù tula.

I Kolindo 9:17

Kala kiki, o kikalakalu kiki se ngi ki bhanga mu vondadi iami, sai nganhu iê. Maji se ngi ki bhanga, mukonda kiene kia ngi fuama, mbata kikalakalu kia ngi tuika Nzambi.

II Kolindo 4:4

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Ngalásia 2:7

Maji a bhangele kiengi, kioso kia zubha o ku ngi mona kuma eme a ngi thelekala o Njimbu Iambote ku i bheka ku athu a kambe o ku a saia; mukuá, ni Phetele kia mu bhana o ku i bheka ku akua kusaia, o Jijudé.

Efezo 1:12

Kala kiki, etu tua dianga o ku ta kudielela kuetu mua Kristu, tu ximanienu Nzambi mukonda dia unéne uê!

Efezo 1:6

Uila kiki, tu ximanienu Nzambi, mukonda dia kiadi kiê kioso kia tu idikisa, mu ujitu ua tu bhana mu ngoho kua Monʼ ê ua kazola.

Efezo 2:7

Nzambi ua bhange kiki, phala ku hádia ni hádia a kà tene kuidikiza o jinzungule josuʼ ojo ja kiadi kiê, mu mbote ia tu bhange etu mua Kristu Jezú.

Efezo 3:10

Phala o kiki, atumini ni a-kutende ku ididi ia diulu a ki muena ku Ngeleja, kioso ki enda o unjimu ua Nzambi ua vula matelu.

Kolose 1:25

Eme ngala ngi ngunza ia ngeleja mu kizuelu kia Nzambi, muène ua ngi xindila o kibatu kiki phala enu mu mone mbote. Xi, muène ua ngi tumu ko kuenu phala ku mʼivisa kiambote ni kivimba kioso o Maka ma Nzambi.

I Tesalonika 2:4

Inda tua mu tanga o Maka kala kia mesena Ngana. O Nzambi-phe, kia tu mono ni ufiiele, ua tu lundisa o Njimbu Iambote, phala tu i tange kuoso, kala ki tuene kiá mù zuela; kana mu kuuabhela athu, maji mu kuuabhela Nzambi u tena kulola miẋima ietu.

I Timote 2:7

Kiene kia bhangesa ku ngi katula eme mu kukala Poxolo, ni kukala mesene ia oso ka tokala mu muiji ua Jijudé. Mbé ku a tudila o njimbu ia kuxikana ni ia kidi. O ki nga mu zuelʼiki-phe ki makutu, nga tange kidi.

I Timote 6:15

Mukonda Nzambi bhu thembu iê ioso ia mono, ua kà bhitisa imʼiii, Nzambi mukua mbote, muène ubheka uê, Diama, Sobha ia jisobha, Ngana ia jingana.

I Timote 6:20

Timote, tata! Aiuka kiambote kioso kia ku bhana kulunda. Ditune jinge o kubuabuala kua ulalu kua ibhila Nzambi, ni kukuata jiphata ja uoua u exana ene exi unjimu, manhi unjimu ua makutu.

II Timote 1:11

Iene o Njimbu ia ngi katuila Nzambi mu kala ngi mukodi, ngi mukunji, ngi mulongi.

II Timote 1:14

O kima kiamboteʼokio kia ku bhana kulûnda, langa-kiu mu nguzu ia Nzumbi Ikôla ua tu tunga moxi.

II Timote 2:2

Ima i uévua jinga ko-kuami bhu pholo ia jimbangi javulu, lûndisa-iu ku athu ala jifiiele, a tena ue kulonga akuâ.

Tito 1:3

Maji bhu thembu iê, muène iú ua tu tukuluila o muenhu uenhú mu maka mê ma tu ambela. Eme-phe ia a ngi bhana kuxika ngonge ia maka enhá, u ngala kutula ku mundu uila kia ngi tumu Nzambi, Mubhuludi uetu.