I Tesalonika 5:6 - O Mikanda Ikola

⁶ Uila kiki, kana kukala ku kilu kala ki bhanga athu amukuâ, maji-phe tu tonienu, tu kale ku mesu azele.

I Tesalonika 5:6 ပူးပေါင်းရင်းမြစ်များ

Jisabhu 19:15

Usonde, u bheka kuia ku kilu kia muioko-ioko; maji o muthu-phe u kamba kututumba ni kukalakala, nzala i mu dia.

Izaía 56:10

Alangidiʼâ oso ala ifofo, kʼejiia kima; a di bhange jímbua ja mabubu, ja lémbua kubuza; jaii ku kilu, ja zeka, ja uabhèla kubôua.

Jona 1:6

Ua mu tumina o naviiu-phe, u bhiẋila bhu mbandu iê, hé u mu ambela uixi: Na Kakilu, ihi ia ku kuata? Ua zekela-hi kiki? Balumuka, u sambele Nzambi ié, sumba Nzambi u tu lembalala phala ki tu di bote muʼalunga.

Matesu 13:25

Kioso-phe kiai athu ku kilu, nguma iê uiza, mu jimbutu jambote anga u kuua-mu jimbundu ja iangu, iu uaiê.

Matesu 24:42

Langidilenu-phe! Mbata kizuua kià keza Ngana ienu ki mua kʼijiia.

Matesu 25:13

Enu uenu langidilenu-phe, kuma kizuua ki mua kʼijiia, kithangana ki mua kʼijiia.

Matesu 25:5

Kiosuʼiki-phe ngà-iala ua kokoloka, ene oso a koxila, aia ku kilu.

Matesu 26:38

Anga ua ambela ene, uixi: Muẋima ua ngi kala kiavulu ni malamba, bhulu-bhulu dia kùfua. Xalenu bhabha, mu ngi langidise.

Marku 13:37

Kioso ki nga mi tangela enu, ene oso nga a tangelakiu: Di langienu!

Luka 12:37

Azediua abhika ió, ki vutuka ngana iâ, u a sanga a tono. Ngi mi ambela kidi, kuma muène u di bhola, u a xikamesa ku meza, hé ua emanena ni ku a xibhidila.

Luka 12:39

Ijiienu-kiu kuila, se o ngana ia dibhata iejidile o ola ia-nda kuiza o muíi, ueju fula kilu, keji kuehela inzo iê ku i bula.

Luka 21:36

Uila kiki, di langienu-phe ithangana ioso, ni kudionda mu kusamba, phala mu tene kubhuluka ku ima ioso iíi, ni kuimana nzànza bhu pholo ia Monʼa Muthu.

Luka 22:46

Enu-phe mua zekela-hi? Balumukenu, mu sambe, phala ki mu di bhale mu tendasá.

Jipoxolo 20:31

Uila kiki di langienu, mu xinganeke kuma, mivu itatu iosuʼiii, ni mu muanha ni mu usuku, ki nga fulu dingi o ku mi dimuna, muthu ni muthu mudienu, ni masoxi.

I Kolindo 15:34

Phaphumukenu, mu kuate kilunji ni muenhu uaiuka kala kia fuama, kana dingi kuta ituxi. Kiki nga ki ambela o ku mi kuatesa jisonhi, kuma amoxi-moxi mudienu Nzambi ka mu ijiia.

I Kolindo 16:13

Di langienu, mu di fikidile mu kuxikana. Bhangenu ukuenze, mu suine.

Efezo 2:3

Ni kidi-phe, etu ene oso muene mu tua nhunganena jinga mu jihanji ja xitu, ni kubhanga o jivondadi ja xitu ni ja muẋima. Mu kieniiki o kikexilu kietu ki kala kia anʼ a njinda, mu kutambula o kaxtiku ka Nzambi, mukuâ ni athu ene oso.

Efezo 5:14

Mukonda kioso ki di tukulula mua zele, ki di bhanga mukengeji. Kiene kia ki ambela, exi: Phaphumuka eie uaii ku kilu, u fukunuke mu ʼalunga, kristu nda a ku bhake mua zele.

Efezo 6:18

O ima ioso íii mu i bhanga jinga ni kusamba, mu kubhinga Nzambi ku mi kuatekesa. Sambenu jinga ithangana ioso, mu ku mi endesa kuala o Nzumbi ia Nzambi. Kala kiki, Phaphumukenu, ki mu di jimbe. Kana kubhuila. Endenu ni kusambela jinga akua Ngana oso.

Filipe 4:5

Kalenu mu athu mua tetuluka, athu oso a mʼ ijiie na-kiu. Ngana ua zukama.

Kolose 4:2

Kolokotenu mu kusamba, muila ni kulangidila ni kusakidila jinga Nzambi.

I Tesalonika 4:13

Tuinda-phe, enu jiphange, kuila ki mu kambe kuijiia kikexilu kia ió oso aia ku kilu, phala ki mu kale ni mukondo kala athu amukuâ ka moneka kia dielela.

I Tesalonika 5:10

Mukonda Kristu muene ua tu fuidile bhu kididi, phala tu tene kukala ku muenhu kumoxi ni Muène, kixi tu afu kixi tua kolo muenhu hinu Muène kià kʼeza.

I Tesalonika 5:8

Etu-phe tua tokala ku muanha, tu kadienu ku mesu azele. O kivunga-thulu kia ita ki tu zuata, o kuxikana ni henda; o kudielela o kubhuluka, kene o kapasete.

I Timote 2:15

Kiene ue kimoxi, muhatu hàdia ua kà bhulukila mu kuvuala ana, se u jijila kuenda mu kuxikana, ni mu henda, ni mu kukuata kilunji, ni mu kuzela moxi.

I Timote 2:9

Kiene ue, nginda ahatu a kemba ni izuatu ia fuama muthu ua sonhi, a kala jinjimu. Kana kukemba ni usamuinu ua bhônzo, mba matunda a ulu, mba ni jiphélula, ni izuatu iate kitadi kiavulu.

I Timote 3:11

Ahatuʼâ ue ki bhinga a kala jifiiele, ka kale ni jimbuèmbue. A kale ku mesu a zele, a kumbidile jinge mu ima ioso.

I Timote 3:2

Bispo-phe u bhinga ka kala ni kima kia ku mu elêsa na-kiu. U kala mukua muhatu uê umoxi, u kala mukua kilunji, mukua sonhi, mukua ujitu. U kala mukua kulangeka asonhi, muthu uala hete ia kulonga.

II Timote 4:5

Eie-phe enda ni ku di langa mu ima ioso. Kolokota o kutala hadi, kalakala kia tokala o mukunji ua Njimbu Iambote, kumbidila kiambote o ungunza ué kua Nzambi.

Tito 2:12

O kiadi kienhiki ki tu longa kuma, tu ehe o kubhuma ni jihânji jaiibha ja mundu, phala tuende mu ngongo muenhumu ni kilunji, ni kuiuka, ni kuxila Nzambi.

Tito 2:6

Minzangala ia mala ue a longe kuximbakata.

I Phetele 1:13

Uila kiki, kalenu polondo. Mu kilunji di kutienu inhonga, mu kale ku mesu a zele, mu suime ni kudielela o kiadi kia kà mi bhekela, bhuoso bhu tukulukila Jezú Kristu.

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.

I Phetele 5:8

Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.

Dijingunuinu 16:15

Ivuenu: Eme hinu ngʼiza kala ngi muii! Ua zediua ió uoso ua di lange, ua bhake kiambote o izuatu iê, phala kende ni tuẋi, nʼa mu kuatese jisonhi bhu pholo ia mundu!

Dijingunuinu 3:2

Di lange-phe, u kuatese ima ia xala-ku, ia-lu sota kufua. Mukonda ki nga ku mono ni kubhanga kimbamba kia tenena bhu pholo ia Nzambi iami.