I Tesalonika 5:4 - O Mikanda Ikola

⁴ Enu-phe, jiphange, ki muala mu ʼavundu kuila Kizuua kia Ngana ki mi tukumuisa kala muii.

I Tesalonika 5:4 ပူးပေါင်းရင်းမြစ်များ

Jelemiia 42:16

mua-nda kuila o xibhata ia mi kuatele uoma, o koko ia-nda ku à mi tula muene mʼoxi ia Ijitu, ni nzala i mua kuatela hele kunu, ia kà kala ni enu mu Ijitu, o kuenhoko kuene ku mua-nda kua kà fuila.

Hozeia 10:9

Tunde mu izuua ia Ngibeia ni kuta ituxi, eie Izalaiele, tata! Eie ua xikamʼé kienhokio. Manhi o mvunda ia anʼa isuéia, eie ki ia-nda ku ku kuatela mu Ngibeia?

Zakadiia 1:6

Né kienhókio, mbebhu o Maka mami ni itumu iami i nga tumikisa jinga eme ku abhikʼami, o jipolofeta, o jitata jenu ki ia a bhixila? Ene iá a vutula, exi: Kioso Jihova dia Ilombo kia xinganeka ku tu bhanga, kala kia tokala mu jinjila jetu, ni kia fuama o ibhangelu ietu, kiene muene kia tu bhange kiá.

Matesu 10:15

Kidi kiene ngi mi ambela, inda oxi ia Sodoma ni ia Ngomola a kà i lendukila mu kizuua kia kufundisa, mbongeʼ oio, kana!

Luka 21:34

Mu ku zubha, Jezú uixi: Alukenu-phe, ki mu di jimbe! Miẋima ienu ni i biluke ia neme ni kúdia jifesa, ni kunua uhôlua, ni makubhindama ma muenhu iú, kizuua kiókio ni ki mi tukumuise kala mubhetu.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Matendelelu 19:6

Phala o muzokedi a manhinga, kia-nda ku mu thathamana o muẋima, ka mu kaie na mu kuatele mu njila, anga u mu jibha, mukonda dia kanga dia lebha; mbata muene kalé ni kikuma ki bhinga ku mu jibha, kuma kua tundu, mukuá ka diangele ku di zemba-nê.

Matendelelu 28:15

Kia kà kala-phe kiki, o ki udituna kuividila o dízui dia Jihova Nzambi ié, anga ufula kulunda, ufula kubhanga o ima ioso ia xindi mu ijiia iê ni jingonge jê, ji ngala ku ku tendelela lelu, ua-nda kutala hadi ni mázui kala iá, a-nda kuiza ku thandu dié.

Matendelelu 28:45

O mázui oso enhá a-nda kuiza mu ku ku sukumukina ku thandu dié; anga a ku kuata muene, anga a kuila o sondemekʼê, katé kia ku jikinisa. Mbata eie uaẋinuka, o dízui dia Jihova Nzambi ié, ngué ku dʼivua. O ijiia iê ni itumu iê ia ku xindila muene, eie-phe ngué ku i aiuka.

Kolose 1:13

Muene ua tu kula mu ubhika ua usuku, iú ua tu bheka mu Utuminu ua Monʼ ê ua kazola.

I Tesalonika 5:2

Mukonda enʼuenu mua kijiia kiambote, kuma o Kizuua kia Ngana, hinu kʼiza kala kiza o muiii mu usuku.

II Phetele 3:10

Maji kizuua kia Ngana-phe, hinu kʼiza kala kʼiza o muii. Mu kizuuʼokio o maulu ma kà jimuka ni mutendu ua dikota, ima ioso ia moneka ku mesu iala mu dimbinza, ia kà jokota ku tubhia. O oxi ni imbamba iê ioso iala-mu, ia kà jimuka.

I Nzuá 2:8

Kuma o kijila ki nga mu mi sonekenʼiki, kia ubhe muene, mukonda o kidi kiê a ki muena mua Kristu ni momuenu. Mbata o usuku iú ukia, o mukengeji ua kidi uandeka kiá o kumuika.

Dijingunuinu 16:15

Ivuenu: Eme hinu ngʼiza kala ngi muii! Ua zediua ió uoso ua di lange, ua bhake kiambote o izuatu iê, phala kende ni tuẋi, nʼa mu kuatese jisonhi bhu pholo ia mundu!

Dijingunuinu 3:3

Mukonda dia kienhiki, xinganeka-phe kioso ki ua di longa, kioso ki uévua. Aluka-ze, u diele ituxi ié. O ki u kamba kudilanga-phe, hinu ngi ku sanga kala muii, o ola ioso i ngi ku tutuuila ku i ijiia.