I Tesalonika 5:3 - O Mikanda Ikola

³ Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.

I Tesalonika 5:3 ပူးပေါင်းရင်းမြစ်များ

Jobe 15:21

Mitendu i kuatesa uoma iala mu mátui mê; katé ni mu izuua ia mbote ku muʼ ʼiza kingumba ki mu tukumuisa.

Jobe 24:23

O Nzambi kia a bhana kunhoha, ene-phe a dielela kiá ngó kienhókio; o mesu ma Nzambi phe ia a talela mu jinjila jâ.

Jisálamu 35:8

Enhó-phe kibuika kiâ a ki tukumuke; a fue muene mu uanda ua telele akuâ; a dibhale ene mu diela diâ dia kande.

Jisálamu 48:6

Mueza kimbulambula, ni misusu kala ia muhatu ua mu vuala.

Jisálamu 55:15

Kalunga-ka-ngombe a ambate, a láuke ni muenhu uâ mu bombo diê, nda o mavu a a minhe mukulukusa; kuma muala usuéia mu bhata diâ, katé ni ku mixima iâ moxi.

Jisálamu 69:22

Enhó-phe, o meza mâ ma zale, ma kituke múkala; kia fika kukala kiambote, mubhetu u zabuke.

Jisabhu 29:1

O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

Izaía 20:6

Akua-bhata mu ixiʼoio, mu kizuua kiná, a kèla: Enu mala tua mudielelele, bhuezʼobho, ki tualʼiki tua-nda ku di tela dingi kua nanhi, u tu banda, phala ku tu kudila kua sobha ia Asídia? Ki tualʼiki tua kà bhulaka kiebhi?

Izaía 29:5

O jinguma jé ja-nda kukala nzungule kala fufuta, o isuéia ia-nda ku ku vula kala mvindu ia ibhiate isomboka, kindala u tukumuka kia ku iza.

Izaía 30:13

Kala kiki, o phulu ia kà mi zenzamena mukuâ ni kipena kia lumbu kia zendalala, kia bhana kiá mulumba, o mu ku lundumuka kia kà mi tukumuisa.

Izaía 47:11

Mukonda dia kienhiki, ua-nda kubhita ni uíndua, o ku u tunda kua-nda kuijiia-ku, kibuika kia-nda ku ku iza ku thandu, kua kà tena ku ki lenga; mukonda o kingùmba kia-nda ku ku tumikisa, ki ku xitisa mu thulu, kua-nda kutena ku kʼijiia.

Izaía 47:9

Maji o ima iiadi ienhiʼii-phe ia-nda kuiza ku thandu dié mu kathangana kamoxi, mu kizuua kimoxi ufunda ana, o utudi u ku iza ue; ima iii ia-nda kuiza muene ku thandu dié ni nguzu ioso, mukonda eie uanga ua u tundisa, mukonda dia maumbanda mé kuvula.

Izaía 56:12

Ene kia di ambela, ela: Zenu, nga-nda kuiza ni vinhu, nda tu nue tu kodiue; lelu kiene mungu ue kiene, maji mungu tuxia muene fuma.

Jelemiia 13:21

Ua-nda kuzuela kiebhi, kia-nda ku ku tela o makamba mê enhó ku thandu dié phala ku ku tumina? Oko eʼmuene-muène ua a longo-kio kia ku ku bilukila? Abha o misusu ki ia-nda ku kuata kala muhatu uala ku mika ia kuvuala.

Jelemiia 14:19

Kifua Juda ua mu dituninʼaku kiá muene? Inga muenhu ué ua di kumu kiá ni Ziione? Ua tu kuamena-hi, nʼukambe o ku tu saka? Tua kingile kutululuka, mbote-phe ki ia moneka; tuedile tuexi kithangana kia kuiluka kieza, kiki-phe kueza kavuanzá!

Jelemiia 22:23

Eie ua tunga mu Libanu, eie ua-te kikalanga mu misédulu! O kia-nda ku ku kuata o mika, ni misusu kala ia muhatu uala ku isenda, ua-nda ku di uana!

Jelemiia 4:31

Mbata ngala kuivua kiá mbimbi mukua ni muhatu uala ku isenda, mika kala ia ió u vuala mona ua phande-kumbi; diene o dizue dia mona Ziione ua muhatu, uiza ni kuhaha, iú ua mu sunununa o maku, uixi: Uaué! Kindala kokolo diami: mukonda o muenhu uami uambuka bhu pholo ia ijibhanganga!

Jelemiia 6:14

Hê a tumba o fidila ia mona kilumba kia mundu uami ni mangonha moso, exi: Kuatululuka, kuatululuka, mbé kuma kuene kana-ku kutululuka.

Jelemiia 6:24

Etu tua evu fuma iâ; ni maku metu ma bulukuta kiâ; kua tuiza jingongo, mika kiá kala ia kivuadi ku isenda.

Jelemiia 8:11

Hé a tumba o fidila ia monʼa kilumba kia mundu uami ni mangonha moso, exi; Kua batama, kua batama, manhi kuene kana-ku kubatama kua kima.

Izekiiele 13:10

Mukonda-phe, èué, mukonda a mu kuenda ni kutobhesa o mundu uami, ni kuila, exi: Kuatululuka, kuatululuka, manhi o kutululuka kuene ki kuala-ku; mundu uami a tunga o kipena kia malôua, o misesedi a uesa-ku o hála ki iòtoue.

Hozeia 13:13

Hinu ku mu tulukila misusu kala mika ia muhatu uala ku isénda, o mu kuvuala-phe u vuala kilalu kia mona, kuma ka bhiẋila luua bhu kithangana kia ku mu vuala nʼa tunde ku kanga.

Nahumu 1:10

Mukonda né hanji ene a di lunga-lunga kala minha, anga ezala ni vinhu kala jihólua, a kà jimuka ene oso muene kala iangu iakukuta.

Matesu 23:33

Mu jinhoka, mu anʼa madiuta! Mua-nda kulenga kiebhi o kaxtiku ka ifernu?

Nzuá 16:21

Muhatu kieza mu kuvuala, u kala ni malamba, mukonda kumbi diê dia mu iza dia kutala hadi. Maji o kia zubha-phe ku di sanza, ka xinganeka dingi o kukata, mukonda dia kutanena o mona ueza mu ngongo.

Jipoxolo 13:41

Talesenu, enu muene mu kutobhesa ioso, muanda kukakuka anga mu jikinina! Kuma o kikalakalu ki nga mu bhanga mu izuua ienu kikalakalu enu ki mu ki xikina, né-mbe hanji bhu kala muthu u mi ambela-kiu ue.

Matendelelu 29:19

Ki bhu kale ue muthu o kievua maka ma mázui iá mʼònake mu divulu didi, anga ukuata ku di bhomba mu muxima ué, uixi; Ki kidié kima, né ngendʼami kala kia ngi tumu o muxima uami, hanji nga-ndu kalʼami muene ni kutululuka kua mbote; anga ku dinhota u bandekeza-ku uhólua.

II Tesalonika 1:9

Enʼ ió o kaxtiku kâ kà kala kingumba kinangenena, o bhu pholo ia Ngana a kà a sandula-bhu, ni ku fuma ia kusuina kuê.

Jihebeleu 12:23

Enu mueza bhu dibhongolokelu dia ngalasa ia jithungunu ja Nzambi—ió ala ni majina mâ mʼosoneke mu diulu. Enu mueza kua Nzambi, mufundixi a athu oso, ni ku jinzumbi ja athu a iuka, iá a zubha o kutenena.

Jihebeleu 2:3

Etu-phe tua kà lengela bhebhi, se o kubhuluka kuosʼ-uku kua tu kuata usudi? Ngana Jezú muène o kubhuluka kuku ua diànga kiá ku ku tanga, etu anga a tu kunda na-ku kuala ió a ku ivu, kuila kubhuluka kua kidi.

II Phetele 2:4

Kuma Nzambi kia kambele kuehela ji-anju ja tele kituxi, maji ua ji kaiesa katé mu ifernu, iú ua ji kuikila ku malubhambu mu makungu ma usuku katé bhu kizuua kia kufundisa.

Afundixi 8:11

Ngidiione anga u bandela mu njila ia jisanzala ja jibalaka, mu kuia ku Noba ni Jongibeia, ene ua a xi ku luiji, kifuẋi anga u ki beta, kuma ua a sange a di jimbi, exi ki kuiza kima.