I Tesalonika 5:12 - O Mikanda Ikola

¹² Tua mi bhingi-phe, jiphange, kuila muijiia jinga enʼió a kalakala mu ʼaxaxe kenu, a mi tela Ngana ku pholo, phala ku mi endesa ni ku mi longa.

I Tesalonika 5:12 ပူးပေါင်းရင်းမြစ်များ

Luka 10:7

Hé mu kala mʼonzo muenhomo, ioso ia mi bhana, iene i mu dia, i mu nua. Mukonda o mukalakadi ua fuama o nganhu iê. Ki mu kale mù kuila mu tunda inzu, mu bokona inzu.

Nzuá 4:38

Eme nga mi tumu kubhongolola bhuma ki mu dimi-bhu. Sai akuenu a dimi-bhu enuʼenu mua bhingana kiá ngó mu mábhia ma dimi ene.

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

Jipoxolo 20:35

Mu ima ioso nga mʼ idikiza kioso ki mua fuama kukalakala ni kubhindumuna mukuenu ua tate. Endenu ni kuxinganeka o kizuelu kia Ngana Jezú, ki edile uixi: O kubhana kota mu kuzediuisa, o kutambula ndenge.

Loma 16:12

Menekenenu Tidifena ni Tidifoza, akua kukalakala mua Ngana. Menekenenu Pelesida, kamba diami nga mu zola, kuma muène ua kalakala kiavulu mua Ngana.

Loma 16:6

Menekeneu Madiia, ua ku mi kalakalela kiavulu.

I Kolindo 12:28

Kiene kia bhekesa kuila, mu Ngeleja, ima ioso Nzambi ua i te mu ididi iêʼ Moxi, ua diangesa o Jipoxolo; iadi, kua kaiela o jipolofeta; o tatu, uate jimesene ja kulonga mu Ngeleja. Iú uate-ku dingi ni abhangi a isuma; uixi ni ia a tambula o umesene ua kusaka jihaxi; amukuá a tambula uhete ua kukala akuatekexi, mba ua kukala atumini, mba ue kuzuela jimbimbi jengi.

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

I Kolindo 16:16

endenu ni ku a kaiela mu im ioso ia longa, kumoxi ni akuá oso a mu a kuatekesa mu kikalakalu kioso kia mu bhanga.

I Kolindo 16:18

Kuma ene a ngi suinisa kiavulu o muẋima. Eme ngejiia kuma ni enu ue a mi bhetula o miẋima. Athu oso a kala kiki, a fuama ku a ximana.

I Kolindo 3:9

Kuma etu tuala tu jingunza, tu kalakala kumoxi phala Nzambi, o enuʼ enu muala mu dibhia di bhanga Nzambi o kikalakalu kiê. Enu muala ue mu inzu i tunga Nzambi.

II Kolindo 11:23

Kifua ene jingunza ja Kristu? Eme kotʼélele, sumbala nga zuela kala nga tekuka. Mu kukalakala eme kotʼélele, mu jikaleia eme kotʼélele. Mu ku ngi beta ni jisanzu, kotʼélele, mu makufua luavulu muene.

II Kolindo 5:9

Maji-phe, kiala-bhu kota, ki tua bhindamena, o kuuabhela muene Ngana kiambote, kixi tu kala kunu mʼonzo iii ia mukutu uetu, kixi tu kala koko.

II Kolindo 6:1

Uila kiki, ki tuedi tu akuenu mu kikalakalu kia Nzambi, tua mi bhingi kiki: O kiadi kia Nzambi, ki mua tambula kiá, ki mu ki ehele dingi ku di bota.

Ngalásia 4:11

Nga mi kala ni hèle iavulu! Manhi o hadi ioso inhá i nga mi talela kifua iaié ngó?

Filipe 2:16

Mu ku a tela o Maka ma muenhu, muenda ni kumoneka mu ʼaxaxe kâ kala mu mikengeji ia jithethe-mbua ku diulu. Se kiene ki mu bhanga, eme ue ngi kala ni kia kutela thathe bhu kizuua kiná kia Kristu. Phala ki ngà kèle kala nga huha dikanga dioso, maji nga tale ngó hadi ia hatu.

Filipe 2:19

Nga fika-phe, mua Ngana Jezú, kuma kindala ngi tuma Timote ku mualʼ oko, phala o muẋima u ngi uabhe mù kuivua o jinjimbu ja kioso ki muala kubhita.

Kolose 1:29

O mu kuzubha kibatuʼiki, kiene ki nga kuata mu kuxikana o nguzu ia Nzambi, ua fukukukalakela, nga bângama ni nguzu ia muène Kristu ua mu ngi suinisa moxi.

I Tesalonika 2:9

Mu xinganeka, jiphange, o kukalakala kuetu ni hadi i tua tale! Kioso ki tua mi tudila o Njimbu Iambote ia Nzambi, tua kalakala muanha ni usuku phala kana muthu mudienu tu mu nemena.

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.

I Tesalonika 5:14

Tua mi ambela dingi, jiphange, lembalesenu oso a juuala, imonha a bazedienu, suinisenu oso a toloka miẋima, kuatekesenu oso a bhuila mu kuxikana, athu a lendukidienu ene oso.

I Timote 5:1

Kana kubazela muadiakimi, inda u mu dionda kala tatʼenu. Minzangala ia mala di tume-nâ kala jiphange jé,

I Timote 5:20

Oso a ta ituxi, a bazele bhu pholo ia ene oso, phala akuâ a kale ni uôma.

II Timote 2:6

Kidimakaji u tala hadi ni kukalakala mu kudima, muène u dianga kutomona ku idima iê.

Tito 1:3

Maji bhu thembu iê, muène iú ua tu tukuluila o muenhu uenhú mu maka mê ma tu ambela. Eme-phe ia a ngi bhana kuxika ngonge ia maka enhá, u ngala kutula ku mundu uila kia ngi tumu Nzambi, Mubhuludi uetu.

Tito 1:5

Mukonda dia kiki, kiene ki nga ku xila mu kikolo kia Keleta, phala u bheke mu uiukilu uê ima ioso ia kambe-ku hanji ku i bhanga. U tumbika adiakimi mu jingeleja joso ku mabhata-mabhata, uila ki nga ku tumu eme.

Tito 2:15

Imʼiii iene ima i u zuela, i u longa, u bazele ue ni uphoxi uoso, oso ala ku ku ivua. Ki bhu kale muthu a ku tènde.

Jihebeleu 13:17

Enió oso a mi kala ku pholo a tumakienu, mu itaie ioso ia mi mesena ku bhanga. Kuma ene a mi lange o mienhu ienu, mbata athu a bhinga hinu a kà ki bhela konda kua Nzambi. Se enu mu a tumaka, ene o kikalakalu a ki bhanga ni ngalasa, kuma se o kikalakalu a ki bhanga ni malamba, enu ki kala kima kia kuxixima kuenu.

Jihebeleu 13:7

Lembalalenu athu a mi kexile ku pholo, a kexile ku mi tangela o maka ma Nzambi. O ki mu xinganeka jinga bhua sukila o uendelu uâ mu ngongo, a fikisienu mu kuxikana kuâ.

Dijingunuinu 1:20

O dijimbuluilu dia kijimbuete kia sambuadi dia théthembua di ua mono bhu lúkuaku luami lua dilu, ni dia sambuadi dia tundeia tua ulu, didi: O sambuadi dia théthembua, o ji-anjo ja tokala ni sambuadi dia Ngeleja; o sambuadi dia kandeia, o sambuadi dia Ngeleja.

Dijingunuinu 2:12

O Anjo ia Ngeleja ia Pelengamo, mu sonekene kiki: Eme ió uala ni xibhata iatu ia mazu aiadi, uambe kiki:

Dijingunuinu 2:18

O Anjo ia Ngeleja ia Tiiatila, mu sonekene kiki: Eme Monʼa Nzambi, uala ni mesu mê medi kala mulengu ua túbhia mu kubenha, ni inama iê mukuâ ni utadi ua ngôndo ualuendela, uambe kiki:

Dijingunuinu 2:3

Uala u mukua muanu, ua kolokota ni kutala hadi mukonda diami, ku bhuila.

Dijingunuinu 2:8

O Anjo ia Ngeleja ia Sumina, mu sonekene kiki: Eme ió ua Dianga iu ua Sukidila, ua kexile uafu o kiki iú-ê ni muenhu, uambe kiki:

Dijingunuinu 3:1

O anjo ia Ngeleja ia Salade, mu sonekene kiki: Eme ió uala ni sambuadi dia Nzumbi ia Nzambi, ni sambuadi dia théthembua, uambe kiki: Eme nga ku ijiia o ima ioso i uene kubhanga. Ngejiia ue kuma uala ni fuma ia kukala u muthu ua muenhu, manhi uafu!

Dijingunuinu 3:14

O Anjo ia Ngeleja ia Laodiseia, mu sonekene kiki: Eme Amén, mbangi ia fiiele ia kidi, muène o dimatekenu dia imbamba ioso ia bhanga Nzambi, uambe kiki:

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki: