I Tesalonika 4:4 - O Mikanda Ikola

⁴ Phala kala muthu mudienu ejiie kutambula kiambote konda ia muhatuʼê mu kikexilu kia kuzela ni ujitu.

I Tesalonika 4:4 ပူးပေါင်းရင်းမြစ်များ

Jipoxolo 9:15

Maji Ngana u ambela Ananiia, uixi: Katuka ngó! Kuma muène mukua sedivisu iami, Eme nga mu solo phala kubheka o dijina diami ku akua jixi jengi, ni ku jisobha, ni ku anʼ a Izalaiele.

Loma 1:24

Mukonda dia kudianguka kuâ, Nzambi ua ehelela mu maluimbi ma miẋima iâ ma bolesa, phala ene mudiâ a di bhange imbamba ia jisonhi ku mikutu iâ.

Loma 12:1

Uila kiki nga mi diondo-phe, jiphange, mu jihenda ja Nzambi, di bhakudienu o mikutu ienu kua muène, kuma sata ia muenhu, mua di lumbu mu kikalakalu kiê, mu akua ujitu kua Nzambi. Kuma iú uene o ubhhezelu ua kilunji ua ni fuama.

Loma 6:19

Nga mu ki amba mu uzuelelu ua athu, mukonda enu mua bhuila mu xitu. Uila mu ukulu ki mua bhakuile o idiandu ienu mu kukala mu abhika a ufusa ua kubhanga kiaiibha phala kubhikila o ituxi, kindala kiene kiá ki mu bhakula o idiandu ienu mu kukala mu abhika a uiukilu u bhangesa kukala ni muenhu ua kuzela moxi.

I Kolindo 6:15

Kifua ki mu kʼijiia, kuma mikutu ienu idiandu ia ngene ia Kristu? O ki ngalʼ iki kifua ngi katula idiandu ia ngene ia Kristu, hé ngi i bhanga idiandu ia muhatu ua kidianzunga? Kana, ki kiene!

I Kolindo 7:2

Mukonda-phe dia kuila sai-ku undumbu uavulu, inda kala diiala di kala ni muhatuʼê, kala muhatu u kala ni muadi uê.

I Kolindo 7:9

Maji se ka tena-phe ku di tumina o jihanji jâ, kota-phe a sakane; kuma o kusakana ki ku soko ni kuuama mu jihanji.

II Kolindo 4:7

O umvama uenhú-phe etu tuala na-u tuedi kala tu itutu ia mavu a hatu, phala kulondekeza kuila o nguzu i lenda ioso itunda kua Nzambi, ki ietu etu, kana.

Filipe 4:8

Mu ku mi bhana-phe o mahezu, jiphange jami, ioso ima ia kidi, ioso ima ia ujitu, ioso o ima iaiuka, ioso o ima iazele, ioso ima iauabha, ioso o ima iene ku i tumbula, se sai-ku uthu, se sai-ku kia kuximana, iene ima i mu xinganeka.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.

I Phetele 3:7

Enu mala ue kiene, akaji enu mu tunga-nâ ni kilunji. Mu bhana muhatu ujitu, kuma muène kitutu kia tolo nguzu. Mbata muène ue mukuenu ua sokela-nê mu kulundula o muenhu Nzambi ua-nda ku mi bhana enu. Se mua kambe ku ki bhanga, misambu ienu i sukamena.

I Samuuele 21:5

Davidi anga u vutuila nganga, uixi: Tua fulu muene, lelu tatu kizuua ki tuende ni ahatu; o ki nga katuka mikutu ia makuenzeʼami iazele muene, sumbala njila i tuala kuenda ki i bhingi ngó ku tu bonza; lelu-phe tu zela kiengi ki tuanda kudia o jimbolo jikôlʼiki!