I Tesalonika 4:12 - O Mikanda Ikola

¹² Phala mu ende ni athu ku kanga kioso kia fuama; enʼuenu ue, ki mu bhindame ni kima.

I Tesalonika 4:12 ပူးပေါင်းရင်းမြစ်များ

Marku 4:11

Muéne anga ua ambela, uixi: Enu Nzambi ua mi bhana o kuijiia ikutu ia Utuminu ué. Ió-phe, oso ala ku kanga, ima ioso a a tela-iu mu ifika.

Loma 12:17

Kana kuvutuila muthu uoso-uoso phulu mu phulu. Sotenu kubhanga jinga ima ia ujitu ku mesu ma athu oso.

Loma 13:13

Tuendienu kiafuama o kuzela kala ki bhanga oso ala mu mukengeji ua muanha. Kana kuenda mu masemba ni mauhôlua, kana mu maundumbu ni maufusa, kana mu jimvunda ni mafuba.

Efezo 4:28

Uoso ua nhanéne, ka nhane dingi; inda a mateke kukalakala, mbé a kale ni muenhu uambote ua ujitu, nʼ a tene kukuatekesa mukuâ uoso ua bhindama.

Filipe 4:8

Mu ku mi bhana-phe o mahezu, jiphange jami, ioso ima ia kidi, ioso ima ia ujitu, ioso o ima iaiuka, ioso o ima iazele, ioso ima iauabha, ioso o ima iene ku i tumbula, se sai-ku uthu, se sai-ku kia kuximana, iene ima i mu xinganeka.

Kolose 4:5

Kuatenu kilunji mu kuenda kuenu ni athu ku kanga. O bhuoso bhu mu muena kithangana, kienhokio kana kudibotesa-kiu mu ngoho.

I Tesalonika 5:22

mu lenge jinge ioso i mua mono iaiibha.

I Timote 3:7

Ki bhinga ue athu ku kanga a mu bhela umbangi uambote, mbebhu ku pholo ku aia ka di bhale mu malebhu, ni mu mubhetu ua Diabhu.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 3:1

Kiene ue enu ahatu beleselenu anume enu, phala né-mbe bhu kala ni iá a kamba kutumaka o maka ma Nzambi, ki bhekela ku a nganhala mu uendelu ua mbote ua ahatu â.