I Tesalonika 4:10 - O Mikanda Ikola

¹⁰ Kiene ki mua mu londekesa ku mbandu joso kuila mua di zolo muene ni jiphange joso ku Masedonia. Tua mi tangela-phe, jiphange, phala mu vule ku ki bhanga jinga.

I Tesalonika 4:10 ပူးပေါင်းရင်းမြစ်များ

Loma 15:26

Kuma o jingeleja ja akua Masedonia ni akua Akaia kia a uabhela kubhanga mukungu ua kubhindumuna jingadiama ku mundu ua akua Ngana ala mu Jeluzaleme.

Efezo 1:15

Mukonda dia kiki, eme uami tunde ki ngevu o kuxikana kuenu kua Ngana Jezú ku muala na-ku, ni henda i muene kuidikiza akua Ngana oso a xikana,

Filipe 1:9

Mu musambu uami nga bhingi-phe kiki: Kuma o henda ienu i vule dingi kinéne, mbé mu kale ni kuijiia, mu kale ni kilunji kia tongoloka,

Kolose 1:4

Kuma tuevu o kuxikana kuenu mua Kristu Jezú, ni henda ienu i mua kuatela akua Ngana oso.

I Tesalonika 1:7

Sumbala katé kia bhangesa kuila enʼuenu mua bhana phangu kua ene oso a xikana ku Masedonia ni ku Akaia.

I Tesalonika 3:12

Enu-phe Ngana a mi bandekese, a mi vudisile dingi o henda ienu mudienu ni athu oso. O henda ienu ieneʼ oio i kule dingi kinéne, kala o henda ietu i tua mi kala na-iu.

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

II Tesalonika 3:4

Tua mi dielela ue mua Ngana, kuma mua bhange ima ioso i tua mi tendelela, ni ku pholo iene i mu bhanga.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.