I Tesalonika 3:6 - O Mikanda Ikola

⁶ Timote-phe kia tu sange kunu kindalʼ iki, ua tundu ku mualʼ oko, ua tu bhekela hundu iambote ia kuxikana kuenu ni henda ienu, kuma hanji mua tu lembalala kiambote, mua tu indi ku tu mona mesu, kala etu ue ki tua mʼindi enu.

I Tesalonika 3:6 ပူးပေါင်းရင်းမြစ်များ

Jisabhu 25:25

O ngolokela ja mbote ji tunda kʼoxi ia dikanga, ja soko mukua ni menha ma talala kiambote mu kanu, ku dinhota dia muthu uaiokojoka.

Izaía 52:7

Inama iê kuuabha kuahi, ku milundu kuná, ia ió ueza kutula njimbu ia kubhanduluka, ni kuivisa kioso ki bhulukisa muthu; ueza kuambela Ziione kuila: Nzambi ié muene uala ku ungana!

Jipoxolo 16:1

Phaulu anga u bhixila ue ku Derbe ni ku Listra. Kuenioko anga a sanga-ku xibulu imoxi dijina diê Timote. Muenʼ iú mamʼ â Judé, ua xikana kiá, maji o tatʼ â Ngeleku.

Jipoxolo 18:1

Kia bhiti imʼ iii, Phaulu ua tundu mu Atena, hé u bhixila mu Korindo.

Jipoxolo 18:5

Kia mu sange-phe Sila ni Timote, a tundu ku Masedonia, Phaulu u jijila ngo kutanga o maka. U kala mu kuambela o Jijudé kuma Jezú muène Kristu.

I Kolindo 11:2

Kiki nga mi ximana kuma mua ngi lembalala mu ima ioso, mua jijila ue o ilekelelu iami i nga mi xila.

I Kolindo 13:13

Uila kiki, ima ia xalela-ku o kuxikana, o kudielela, o henda, kitatu kiâ. Kiala-bhu-phe kota, o henda.

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Filipe 1:8

Nzambi muene uala mbangi iami, ia hânji iavulu i nga mi kala na-iu mu jihenda ja Kristu Jezú.

Kolose 1:4

Kuma tuevu o kuxikana kuenu mua Kristu Jezú, ni henda ienu i mua kuatela akua Ngana oso.

Kolose 4:18

Umenekenu uami eme ngi Phaulu, iii letala ia lukuaku luami muene. Lembalalenu o malubhambu mami. O kiadi kia Ngana Nzambi ki kale ni enu ku mualʼ oko.

I Tesalonika 1:3

Kuma tuene ku mi lembalala, sé ngó kufula, bhu pholo ia Nzambi ietu, Tatʼetu, o kukalakala kuenu kua kuxikana, ni kubhika kuenu kua henda, ni kukolokota kuenu mu kudielela Ngana Jezú Kristu.

I Tesalonika 2:17

Etu-phe, jiphange, ki tua muangunukʼ okio, mu kithangana kiofele ngó, sumbala mikutu ngó ia muangunuka, miẋima kana—tuendi kiavulu kuila tu mi mona dingi jipholo, mukonda dia ngunzu ia dikota ia tu kuatele.

I Tesalonika 2:9

Mu xinganeka, jiphange, o kukalakala kuetu ni hadi i tua tale! Kioso ki tua mi tudila o Njimbu Iambote ia Nzambi, tua kalakala muanha ni usuku phala kana muthu mudienu tu mu nemena.

I Tesalonika 3:7

Mukonda dia kiki, enu jiphange, muẋima ua tu tula mu kutata kuetu ni jihadi, mù kuivua o kuxikana kuenu.

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

I Timote 1:5

Mutendelelu iú-phe, mahezuʼê o henda i tunda mu muẋima uazele, ni mu kitongoluelu kiambote, ni mu kuxikana kua kidi ki kua kudibhangesa.

II Timote 1:3

Nga sakidila Nzambi, nga mu sedivila ni kitongoluelu kiazele, kala kia bhanga jinga a a kukuetu. O mu kusamba kuami, ni mu usuku ni mu muanha, ngene mu kusakidila jinga Nzambi izuua ioso, kioso ki ngi kala mu ku ku lembalala.

Filemone 1:5

Kuma o henda ié i ua kuatela akua-Ngana oso, ngevu ku i zuela; ni kuxikana ku uene na-ku kua Ngana Jezú.

Jihebeleu 13:3

Lembalalenu oso ala ku malubhambu, kala enu uenu a mi kuikila-nâ kumoxi. Lembalalenu oso ala ku tala hadi, kala enu uenu mualù tala-nâ hadi kumoxi.

Jihebeleu 13:7

Lembalalenu athu a mi kexile ku pholo, a kexile ku mi tangela o maka ma Nzambi. O ki mu xinganeka jinga bhua sukila o uendelu uâ mu ngongo, a fikisienu mu kuxikana kuâ.

I Nzuá 3:23

O kijila kiê kia tu tumu, kienhiki: Kuila tu xikane mu dijina dia Monʼê Jezú Kristu, tuixi ni kudizola mudietu, uila muène Kristu kia tu tumu.