I Tesalonika 3:5 - O Mikanda Ikola

⁵ Mukonda dia kiki, eme uami kia ngi kumu o kukala ni héle ia kuxala ubheka, eme nga tumine Timote kuijiia kioso ki mua mu kuenda mu kuxikana kuenu. Sumbala o Diabhu ue ka tena ku mi diangula kinéne, o kukalakala kuetu kuoso ni ku-iê ngó!

I Tesalonika 3:5 ပူးပေါင်းရင်းမြစ်များ

Izaía 49:4

Eme-phe, ngixi: Nga tale ngó hadi mu ku kalakala, nguzu iami nga i zange mu kingoho, i ia di-boto. Maji né kieneʼokio, kulûnga kuami kuala kua Jihova, o kisakidilu kiami kiala ni Nzambi.

Daniiele 6:19

Mu kimene-mene kia kalaji muná, sobha ubalumuka, uia lusolo ku muelu ua ngenda ia jihoje.

Matesu 4:3

Diabhu, anga uiza, u mu ambela, uixi: Eie se u Monʼ a Nzambi, tuma matadiʼ ama ma kituke jimbolo.

Jipoxolo 15:36

Kia bhiti izuua, Phaulu uambela Barnabé, uixi: Tuie dingi ku hindula o jiphange mu madiembu muoso mu tua bhitile ni kulonga o maka ma Ngana, tu di mone-nâ, mbé tu mone kioso ki ala kubhita.

I Kolindo 7:5

Kiiadi kiâ kana muthu u di tuna mukuá, kikale ngó se kiiadi kienu mua bangana ku ki bhanga mu kithangana, phala mu te miẋima mu kusamba. Kithangana-phe kuila kia bhiti, mu takana dingi kala ki mua mu bhanga kiá, phala Satana ka mi diangule mukonda dia kukamba o nguzu ia ku di langa.

II Kolindo 2:11

Eme ngi loloka, mbebhu Satana ka tu bhite bhu mbandu, kuma jindunge jê ki tu kamba ku jʼijiia.

II Kolindo 6:1

Uila kiki, ki tuedi tu akuenu mu kikalakalu kia Nzambi, tua mi bhingi kiki: O kiadi kia Nzambi, ki mua tambula kiá, ki mu ki ehele dingi ku di bota.

Ngalásia 2:2

Ngele-phe mukonda dia Ngana ku ngi longesa kuila kia ngi fuama kuia-ku. Kuenhoko anga ngi di bhongoluela mu Kionge ni adiakime a Ngeleja, anga ngi kala mu ku a jimbuila o Njimbu ioso i ngene kuboka mu ʼaxaxe ka akua jixi jengi. Maji nga a jimbuila bhu mbandu, ene ngó a fumana ku uadiakime, ngixi sumba ngedi kala eme-muene ngó nga di tumu, eme nga mu tala ngó hadi.

Ngalásia 4:11

Nga mi kala ni hèle iavulu! Manhi o hadi ioso inhá i nga mi talela kifua iaié ngó?

Efezo 4:14

Uila kiki, kana, ki tu kala dingi tu anandenge, a tu takujula ku mabhuku, ni ku tu xinjijika kuala o kitembu kia ulongelu uengi uiza-ku ua athu akua mangonha. Kuma enʼiâ mu jindunge jâ kala mibhetu, ambata akuâ mu jinjila ja kutexika.

Filipe 2:16

Mu ku a tela o Maka ma muenhu, muenda ni kumoneka mu ʼaxaxe kâ kala mu mikengeji ia jithethe-mbua ku diulu. Se kiene ki mu bhanga, eme ue ngi kala ni kia kutela thathe bhu kizuua kiná kia Kristu. Phala ki ngà kèle kala nga huha dikanga dioso, maji nga tale ngó hadi ia hatu.

Filipe 2:19

Nga fika-phe, mua Ngana Jezú, kuma kindala ngi tuma Timote ku mualʼ oko, phala o muẋima u ngi uabhe mù kuivua o jinjimbu ja kioso ki muala kubhita.

I Tesalonika 2:1

Enʼuenu, jiphange, muejiia o Ubokuenu uetu mu diembu dienu, kuma ki ua ngoho.

I Tesalonika 3:6

Timote-phe kia tu sange kunu kindalʼ iki, ua tundu ku mualʼ oko, ua tu bhekela hundu iambote ia kuxikana kuenu ni henda ienu, kuma hanji mua tu lembalala kiambote, mua tu indi ku tu mona mesu, kala etu ue ki tua mʼindi enu.