I Tesalonika 3:4 - O Mikanda Ikola

⁴ Kia kidi kiene, kuma ni ki nga kexile ku mualʼ oko, nga mi tangelele-kiu kuila tuanda kutala hadi! O ku pholo kunu-phe mua ki mono muene kuila kiene kia bhiti!

I Tesalonika 3:4 ပူးပေါင်းရင်းမြစ်များ

Matesu 24:25

Talenu, eme nga kalanga ku mi dimuna.

Jipoxolo 17:1

Kiki ki a bhitakena mu Amfipole, ni mu Apolonia, a bhixila mu Tesalonika hé a sanga muala dilombe dia Jijudé.

Jipoxolo 17:13

Maji o Jijudé-phe ja akua Tesalonika, kia kʼ ivu kuila maka ma Nzambi ala ku ma longa kuala Phaulu mu Beleia, ene eza ue kuenioko, hé a kala mu vunza o mundu ni ku a tatesa.

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

I Tesalonika 2:14

Kuma enu, jiphange, o kia mi bhiti enu, kiene kia bhiti ku akua Judeia. Enu mua bokona mù fikisa o Jingeleja ja Nzambi ku Judeia, mua Kristu Jezú. Mukonda mua tale jihadi jene jimoxi, ni ku mi zukutusa ku akua ʼxi ienu, kala ja tale ene ku Jijudé.

I Tesalonika 2:2

Muejiia ue kuila kioso kiluua tu bhixila koko ku Tesalonika, tua diangele-phe kutala hadi ni kulebhuka mu Filipe. Luavulu muene a sotele ku tu fudisa, maji etu-phe tu bhua uôma mua Nzambi ietu mu ku mi tangela enu o Njimbu Iambote ia Nzambi ni kubângama kuoso.

II Tesalonika 2:5

Manhi enu ki mu lembalala? Ki nga kexile hanji kuenhoko, imʼ iii nga mi tangela-iu.

II Tesalonika 3:10

Mukonda ni ki tua kexile hanji kuenhoko, tua mi tendelela, tuexi: Muthu se nguê kukalakala, kana ku mu bhana kudia.