I Tesalonika 3:3 - O Mikanda Ikola

³ mbé ki bhu kale muthu mudienu u bhuila nʼa vutuke ku dima mukonda dia jihadi ni izudidiku. Kuma enʼuenu mua kʼ ijiia kuila a tu xindila-ju kuala Nzambi, mukonda iene ue o vondadi iê phala etu.

I Tesalonika 3:3 ပူးပေါင်းရင်းမြစ်များ

Jobe 23:14

Mukonda o ioso iâ ngi xinda, muene ua-nda ku i kumbidila muene; ni ima dingi ia vulu, iala na-iu hanji muene, ia di fu kala iii.

Jisálamu 112:6

Muthu ió uemana kididi, ka mu lundumuna; u xia dijina, a mu lembalala jinga o kuiuka kuê.

Luka 21:12

Kioso-phe ima iíi kilua i bhita, enu a-nda ku mi kuata, a-nda ku mi zukutisa. A kà mi bheka mu malombe, phala ku mi fundisa ni ku mi takula mu jikaleia. A mi ambata bhu pholo ia enexi ni jinguvulu, mukonda dia dijina diami.

Nzuá 16:2

Mu malombe, jinzo ja kusambela Nzambi, a-ndu mi kaia-kaia-mu! Kumbi dia-ndu kuiza dia kuila, uoso u mi jibha, u fika muene kuma ua bhange kia uabhela Nzambi.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Jipoxolo 2:25

Kuma Davidi ua tanga Jezú, uixi: Eme Ngana ngà mu mona jinga bhu pholo iami, mukonda uala ku madilu mami phala ki ngi sendumuke;

Jipoxolo 21:11

Anga u tu sanga, u tambula o phonda ia Phaulu, u di kuta o inama iê-muène ni maku, uixi: Eme Nzumbi Ikôla uambe kiki: Mukua phonda iê iii, kienʼiki kia kà mu kuta o Jijudé mu Jeluzaleme, hé a kà mu thelekala bhu maku ma akua matumbu.

Jipoxolo 21:13

Kieniokio Phaulu ua kumbulula, uixi: Mu didila-hi kiki, anga mu ngi bhekela lamba diavulu ku muẋima? Kuma eme ngala polondo, ki ku ngi kuta ngó, maji katé ni ku ngi jibha mu Jeluzaleme mukonda dia dijina dia Ngana Jezú.

Jipoxolo 9:16

Eme-muène ngi mu longesa o jiphaxi javulu ja bhingi kuila muène u ji bhita mukonda dia dijina diami.

Loma 5:3

Kieniki ngó ki kiene, maji tua sanguluka ue mu jihadi jetu; mukonda tua kʼ ijiia kuila o hadi i bhekela kulolokota;

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

I Kolindo 4:9

Kuma eme nga fika etu tu Jipoxolo, Nzambi ua tu bhana o kididi kia sukidila kuema. Ua tu kingisa kala athu a xikamena ku a jibhila bhu mesu a mundu. A tu bhake bhu pholo ia ngongo ioso, ni ji-anju ni athu a tu te mesu.

Efezo 3:13

Uila kiki, nga mi bhingi kuila kana kukala ni usudi mukonda dia jihadi ji ngala ku mi talela, inda ji kale jenu ja kutambula fuma.

Filipe 1:28

Kana kukala ni uôma ua jinguma. Maji múbhua jinga uôma, phala ki kale kijimbuete kia ku a edikiza kuila anda kutoloka; phala enu-phe, kiedikiza kuila muanda ku a tolola, mbata o kubhuluka kuenu ku tunda kua Nzambi.

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.

I Tesalonika 5:9

Kuma Nzambi ka tu solo phala kutambula kaxtiku kokuê, maji ua tu lekelela o kubhuluka kua Ngana ietu Jezú Kristu.

II Tesalonika 1:4

Katé etu tua mi tela thathe mu Jingeleja ja Nzambi, mukonda dia kukolokota kuenu, ni kuxikana mu ʼaxaxe ka izudidiku ni jihadi joso ji mua bhiti na-ju.

II Timote 1:8

Uila kiki, ku kale ni sonhi ia kubhana umbangi ua Ngana ietu, mba sonhi iami eme ngi pelezu iê, a ngi kutu mukonda diê-Muène. Kolokota-phe mu kutala hadi ni Njimbu Iambote, kala kia ku bhana Nzambi o kutena.

I Phetele 2:21

Mukonda enʼuenu Nzambi kiene kia mʼixanena. Mbata Kristu kiene kia tu talela hadi, iú ua tu xila o phangu, phala tu mu kaiele mu makanda.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.

Dijingunuinu 2:13

Nga ku ijiia bhu ua tungu. Bhene bhuala o kiandu kia Satana. Eie-phe dijina diami ua di jijila, kua ngi di tunu o kixikanu kiami, né mu izuua ia Antipa mbangi iami, fiiele iami, a mu jibhila muʼaxaxe kenu bhenhobho bhua tungu Satana.