I Tesalonika 3:2 - O Mikanda Ikola

² Hé tu kana kuxala ubheka uetu mu Atena. Anga tu katula phangʼ ietu Timote, ngunza ia Nzambi, mukalakadi ni mukuetu mu kutula o Njimbu Iambote ia Kristu, tua mu tumu phala ku mi suinisa mu kuxikana kuenu,

I Tesalonika 3:2 ပူးပေါင်းရင်းမြစ်များ

Jipoxolo 16:1

Phaulu anga u bhixila ue ku Derbe ni ku Listra. Kuenioko anga a sanga-ku xibulu imoxi dijina diê Timote. Muenʼ iú mamʼ â Judé, ua xikana kiá, maji o tatʼ â Ngeleku.

Jipoxolo 16:5

Kienʼiki jingeleja a ji kuatesa nguzu mu kuxikana kuâ, anga jenda ni kuvula dingi izuua ioso.

Jipoxolo 18:5

Kia mu sange-phe Sila ni Timote, a tundu ku Masedonia, Phaulu u jijila ngo kutanga o maka. U kala mu kuambela o Jijudé kuma Jezú muène Kristu.

Loma 16:21

Timote, mukalakadi ni mukuetu, ua mi menekena. Ni Lúsiu, ni Jasone, ni Sosipata, o Jijudé akuaʼ xi iami, a mi menekena ue.

I Kolindo 3:10

Mu kukalakala ni kiadi kia Nzambi, kioso kia ngi bhana, kuma ngi mutungi a hete, eme nga te disesa bhoxi, o mukuetu iú ua tungu ku thandu diê. Uoso-phe muthu u tunga, a di lange o utungilu uê.

I Kolindo 4:17

O mukonda dia kiki, kiene ki nga mi tumikisina Timote. Muène monʼ amiʼ a henda, ua fiiele mua Ngana. Muène uanda ku mi kuatekesa mu kulembalala o maulongelu mami u ngene mú kaiela ku muenhu ua ubhe mua Kristu, kala ki ngene kulonga kuene kuoso mu Jinga-leja joso.

II Kolindo 1:1

Eme Phaulu, Poxolo ia Kristu Jezú mu vondadi ia Nzambi, ni phange ietu Timote, tua soneka o mukanda iú phala o Ngeleja ia Nzambi iala mu mbonge ia Kolindo, ni akua Ngana oso mʼ oxi ia Ngelésia.

II Kolindo 1:19

Kuma Monʼa Nzambi, Jezú Kristu, tua mu kola muʼaxaxi kenu, eme ni Sidivanu ni Timote, kene kuila kindala kiene, kindala kana, maji mukua kiene mu kiene.

II Kolindo 2:12

Kioso ki nga bhixidile-phe mu mbonge ia Tolouade mu ku kola o Njimbu Iambote ia Kristu, nga muene kuila Ngana ua ngi jikuila njila phala kubhanga-bhu o kikalakalu.

II Kolindo 2:13

Maji o kutululuka kua muẋima ki nga ku mono, mukonda Phangʼietu Tito nga kambele ku mu sanga-bhu. Kiene kia ngi bhekelele ku a lekela, anga ngʼa xia bhenhobho, hé ngi zauka ku Masedonia.

II Kolindo 8:23

Se bhu kala muthu uibhula Tito, muène mukua kisangela kiami, mukalakadi ni mukuetu mu ku mi kuatekesa enu. Se ebhula o jiphange jetuʼiji a mùia ni muène, ene akunji a a katula kuala o jingeleja, athu ene mù bhana ujitu kua Kristu.

Filipe 1:25

Sai-phe kudielela ku ngala naku, kua ngʼ ijidisa kuma nganda kuxala, ngi xikama hanji ni enu oso, mu ku mi bheka dingi ku pholo, ni ku mi bhekela kusanguluka mu kuxikana.

Kolose 1:1

Eme Phaulu, Poxolo ia Kristu Jezú mu vondadi ia Nzambi, kumoxi ni phange ietu Timote.

Kolose 1:7

O kienʼiki mua di longo-kiu kua mukuetu Epafala, kamba dietu tua mu zola, mukua ku tu kalakela mua Ngana ni kitongola kioso.

Kolose 4:12

Epafala muthu ua mi tokala mudienu kuenhoko, mubhika ua Jezú Kristu, ua mi menekena. Muène mukua ku mi bhângela luavulu mu kusamba kuê kua Ngana. Uene ku mi bhingila jinga phala Nzambi a mʼimike mu Maka mê, a mi bhane kukala mu adiakime mu nzumbi, ni kukala polondo ia kubhanga o vondadi ia Nzambi.

Kolose 4:9

Nga katula ue ni Onézimo, Phangʼietu ia fiiele tua mu zola, ua mi tokala kuenhoko mudienu. Ene a kà mi kunda ima ioso iala kubhita kunu.

I Tesalonika 3:13

Phala o muène a mi kuatese miẋima mu kuzela ku kamba kuêla, bhu pholo ia Nzambi ietu, Tatʼetu, katé bhuoso bhua kà tukulukila Ngana ietu Jezú kumoxi ni akua Ngana oso.

I Tesalonika 3:5

Mukonda dia kiki, eme uami kia ngi kumu o kukala ni héle ia kuxala ubheka, eme nga tumine Timote kuijiia kioso ki mua mu kuenda mu kuxikana kuenu. Sumbala o Diabhu ue ka tena ku mi diangula kinéne, o kukalakala kuetu kuoso ni ku-iê ngó!

II Tesalonika 2:17

a mi izalese o miẋima ni kubhua uôma, a mi suinise ni mu kuzuela ni mu kubhanga ima ioso iambote.