I Tesalonika 3:12 - O Mikanda Ikola

¹² Enu-phe Ngana a mi bandekese, a mi vudisile dingi o henda ienu mudienu ni athu oso. O henda ienu ieneʼ oio i kule dingi kinéne, kala o henda ietu i tua mi kala na-iu.

I Tesalonika 3:12 ပူးပေါင်းရင်းမြစ်များ

Jisálamu 115:4

Iteka ia ene phalata ni ulu, ima ia kalakala athu ku maku.

Matesu 22:39

Kia kaiadi kia difuê ngó ni kia dianga, kiki: Zola mukuenu kala ki ua di zola eie-muène.

Matesu 7:12

Kala kiki, ima ioso-phe i mua mesena kuila athu a mi bhanga-iu enu, iene ue muene i mua bhanga ene; mbata kiene kia jimbulula o Kitumu kia Mozé ni milongi ioso ia jipolofeta.

Luka 17:5

Jipoxolo anga jʼ ambela Ngana, exi: Tu vudise dingi o kuxikana kuetu.

Loma 13:8

Kana kudievela kima ku muthu uoso-uoso. O dikongo dimoxi di mu kala na-diu ngó, dia ku di zola mudienu. Kuma uoso u zola mukuâ, ua kumbidila (ua tumaka) o Kitumu.

II Kolindo 9:10

O Nzambi mukua kubhana o mbutu phala ku kuna, ni musa ua kudia, uanda ku mi bhana ue o jimbutu joso ji mua bhindamena. Anga u ji sokolola, hé ji bhana ibundu ia kumuna i tunda mu kulenduka kuenu.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Filipe 1:9

Mu musambu uami nga bhingi-phe kiki: Kuma o henda ienu i vule dingi kinéne, mbé mu kale ni kuijiia, mu kale ni kilunji kia tongoloka,

I Tesalonika 2:8

Ni etu ue kiene, mukonda etu tua mi kuatela vondadi iavulu, tuendile tu mi bhana kana ngó o Njimbu Iambote ia Nzambi, maji ni mienhu ietu-èlele iene. Mukonda tua mi zola kiavulu.

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.

I Tesalonika 5:15

Alukenu phala kana muthu a vutule phulu mu phulu. Inda mu jijila jinga kubhanga o mbote, ni ko kuenu mudienu, ni ku athu oso.

II Tesalonika 1:3

Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

II Phetele 1:7

o ku uôma ua Nzambi mu bandekeza-ku o ku di tuma ni jiphange, o ku ku di tuma ni jiphange mu bandekeza-ku o henda.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.