I Tesalonika 2:8 - O Mikanda Ikola

⁸ Ni etu ue kiene, mukonda etu tua mi kuatela vondadi iavulu, tuendile tu mi bhana kana ngó o Njimbu Iambote ia Nzambi, maji ni mienhu ietu-èlele iene. Mukonda tua mi zola kiavulu.

I Tesalonika 2:8 ပူးပေါင်းရင်းမြစ်များ

Luka 7:2

Anga bhu kala kabhitangu, uala ni mubhikʼê a mu zolo kiavulu kuala ngana iê. O mubhika muenhú-phe uala mù kata, ua kumbama.

Loma 1:1

Eme Phaulu, nga soneka o mukanda iú—eme ngi selevende ia jezú Kristu, a ngʼ ixana kuala Nzambi kukala Poxolo, ià a ngi lumbila kutula o Njimbu Iambote.

Loma 10:1

Enu jiphange jami, kia solo o muẋima uami uoso, o kuila muiji uami eme-muene a bhuluke. Eme ngene mu ku a diondela jinga kua Nzambi.

Loma 15:29

Eme nga kʼijiia ue kuma, ki ngiia, nga kà mi sanga ni dibesá dia tenena dia Kristu.

II Kolindo 12:15

Eme ngi ki sangulukila kiavulu o ku mi texila ioso i ngala na-iu, katé ni eme-muène ku di bhana mu kusota o mienhu ienu. Kifua se o henda iami iia ni kuvula, enu o ienu iia ni kusosoloka?

II Kolindo 6:1

Uila kiki, ki tuedi tu akuenu mu kikalakalu kia Nzambi, tua mi bhingi kiki: O kiadi kia Nzambi, ki mua tambula kiá, ki mu ki ehele dingi ku di bota.

Ngalásia 4:19

Mu tuana tuami, tata! Mukuâ ni mama ia suku-bhu, nga mi katela dingi mika ia kuvuala. Ngi kuata muene kutala hadi, katé Kristu kia di bhanga moxi dienu.

Filipe 1:8

Nzambi muene uala mbangi iami, ia hânji iavulu i nga mi kala na-iu mu jihenda ja Kristu Jezú.

Filipe 2:17

Kuma sumba anda ku ngi zunzumuna o manhinga, o muenhu uami anga a u bhana kala sata iòbhakuile kua Nzambi mukonda dia kuxikana kuenu. O kieniiki se ki bhita, eme ngi ki tanena, hé ngi sanguluka kumoxi ni enu oso.

Filipe 2:20

Kuma ki ngala dingi ni muthu ua sokela-nê muẋima, u mi kala ni muanu ua kidi mu ku mi tambula konda.

Filipe 4:1

Uila kiki, enu jiphange jami nga mi zola, nga mʼindi kiavulu, o ngunzu ue iavulu i nga mi kala na-iu! Enu muala mu ngalasa iami, mu kitundu kiami, kolokotenu kiá kieniiki mua Ngana, enu akuetu.

Kolose 1:28

Muène Kristu tuala ku mu kola etu, ku athu oso. Tuedi ni kudimuna athu oso, ni ku a longa ni unjimu uoso, phala ki bhu kale muthu u kamba kutenena bhu pholo ia Kristu, kizuua ki tu mu bheka kua Nzambi.

Kolose 1:7

O kienʼiki mua di longo-kiu kua mukuetu Epafala, kamba dietu tua mu zola, mukua ku tu kalakela mua Ngana ni kitongola kioso.

Kolose 4:12

Epafala muthu ua mi tokala mudienu kuenhoko, mubhika ua Jezú Kristu, ua mi menekena. Muène mukua ku mi bhângela luavulu mu kusamba kuê kua Ngana. Uene ku mi bhingila jinga phala Nzambi a mʼimike mu Maka mê, a mi bhane kukala mu adiakime mu nzumbi, ni kukala polondo ia kubhanga o vondadi ia Nzambi.

Filemone 1:1

Eme Phaulu, hutile mukonda dia Kristu Jezú, kumoxi ni phange ietu Timote, tua sonekena Filimone tua mu zola, mukalakadi ni mukuetu, ni Ngeleja ioso ialù bhongoloka ku bhata diê.

Jihebeleu 13:17

Enió oso a mi kala ku pholo a tumakienu, mu itaie ioso ia mi mesena ku bhanga. Kuma ene a mi lange o mienhu ienu, mbata athu a bhinga hinu a kà ki bhela konda kua Nzambi. Se enu mu a tumaka, ene o kikalakalu a ki bhanga ni ngalasa, kuma se o kikalakalu a ki bhanga ni malamba, enu ki kala kima kia kuxixima kuenu.

I Nzuá 3:16

Bhene bhu tu ijidila ki kala o henda! Mukonda Kristu ua tu bhela o muenhu uê bhu kididi. Mu kiki, etu uetu tua fuama tu bhana o mienhu ietu, mukonda dia jiphange jetu.