I Tesalonika 2:4 - O Mikanda Ikola

⁴ Inda tua mu tanga o Maka kala kia mesena Ngana. O Nzambi-phe, kia tu mono ni ufiiele, ua tu lundisa o Njimbu Iambote, phala tu i tange kuoso, kala ki tuene kiá mù zuela; kana mu kuuabhela athu, maji mu kuuabhela Nzambi u tena kulola miẋima ietu.

I Tesalonika 2:4 ပူးပေါင်းရင်းမြစ်များ

I Jisobha 8:39

eie-phe ivua ku mauluʼoko, ku ua xikama mu kibuta kié, anga u loloka, hé u bhanga kioso kia fuama anga muthu ni muthu u mu bhana kioso kia tokala o jinjila jê joso, oko eie ua ejiia o mixima mukonda eie, eie ngó uejiia o mixima ioso ia anʼathu.

II Jisobha 16:16

Anga o nganga Udiia u bhanga muene iene ioso kala kia mu tendelela na-iu kuala sobha Akâji.

I Malunda 29:17

Eme nga kʼ ijiia muene kiambote, Nzambi iami, kuma Eie uene mù lola o mixima, o kia ku uabhela o kidi. Eme ue mu kidi kia muẋima uami, nga ku bhana ni vondadi, o ima ioso iíi. O kiki-phe, nga mono ni kusanguluka kuoso kuila o mundu ué ala bhabha, a ku bhana uâ ni vondadi ioso.

Jisálamu 139:23

Nzambi ngi solokote, u ngʼijiie muẋima moxi; ngi lole, u ngi tongolole o ilunji ioso;

Jisálamu 17:3

Eie ua lola kiá muẋima uami; ua ngi tokuesa mu usuku; ua ngi sale, maji kua ngi mono isenga; nga dixibhʼami, kanu diami ki dia tondala.

Jisálamu 44:21

Manhi o Nzambi u kamba ku ki ijiia, Se muene muène uejiia o ikutu ioso ia muẋima ua muthu?

Jisálamu 7:9

Mukua phulu, Ngana, mu lembuese o phulu iê; maji mukua kidi-phe mu kuatese bhu kididi, a tunge a some; mukonda eie u Nzambi ia kidi, u mukua kutungula o ilunji ni mixima.

Jisabhu 17:3

Phalata a i tunguila bhu dizunzilu, o ulu a u tunguila bhu mbèmbu; maji Jihova muene mukua kutungula o miẋima ia athu.

Jelemiia 17:10

Eme ngi Jihova eme ngi solokota o muẋima, eme ngi tungula o ilunji; ngi ki bhangela-phe kumona o futu ia tokala kubhana kala muthu kia fuama ku mauendelu mê, ni kia fuama ku ibundu ia ibhangelu iê.

Jelemiia 32:19

Ukola mu kaiula, Munéne mu ima ia bhanga! mukonda o mesu mé ma jikuka ni ku kengelela ku thandu dia jinjila joso ja anʼathu, phala kubhana muthu ni muthu kala kia fuama o jinjila jê ni kioso kiala o ibundu ia ibhangelu iê.

Dialuilu 27:16

Jihova, Nzambi ia jinzumbi ja xitu ioso, a xinde muthu, u xala mu kulanga o kilômbo,

Luka 12:42

Ngana Jezú, uixi: Nanhi-phe o kimbadi kia mukua kidi, mukua kilunji? Muenhó, ngana iê ua mu bhake ku pholo ia abhikʼê, ni a a bhane kúdia kuâ mu ji-ola ja tokala.

Luka 16:11

Kuma enu se mua kambe kubhanga kidi mu umvuama ua mangonha ma mundu iú, nanhi u mi dielela mu umvuama ua kidi?

Nzuá 21:17

Anga u mu ambela lua katatu, uixi: Ximá, monʼ a Jona, eie ua ngi zola? Phetele anga u kenanana, mukonda tatu kiá ni ku mu ibhula: Eie ua ngi zola? Anga uitaia, uixi: Ngana, eie uejiia ima ioso, ua kʼijiia kuma eme nga ku zola! Kuala Jezú: Disa jimbudi jami.

Loma 8:27

O Nzambi-phe mukua kutekula o miẋima ia athu, uejiia kioso ki sola Nzumbi. Mukonda muène u tena kudiondela athuʼ ê angene, kala ki ala mu vondadi ia Nzambi.

I Kolindo 7:25

Ki tu kuata ku maka ma makudi a anʼa ilumba, ki ngala ni kijila kia ngi bhana Ngana. Maji ngi mi longesa-phe kioso ki nga fika, eme uami ngi muthu a ngi kuatekesa kuala Ngana kukala fiiele.

I Kolindo 9:17

Kala kiki, o kikalakalu kiki se ngi ki bhanga mu vondadi iami, sai nganhu iê. Maji se ngi ki bhanga, mukonda kiene kia ngi fuama, mbata kikalakalu kia ngi tuika Nzambi.

II Kolindo 2:17

Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.

II Kolindo 4:2

Imbamba ioso-phe ia kubhanga ni kusueka ni ioio ia jisonhi, tua i dila hunji. Ki tu bhange kudimuka, o maka ma Nzambi ki tu a lungulule mu mangonha. Inda tu bhanga jinga ima ia fuama o kidi, kiene kia bhekela o ku tu tumbula kuala enhoso, bhu pholo ia Nzambi.

II Kolindo 5:11

Ki tualʼiki, tuejiia kioso ki kala o uôma ua Ngana, kienhiki athu tu sota ku a ejidisa o kidi. Maji o Nzambi ua tu ijiia muene kiambote, tamanu enu ue mu tu ijiia muene kiambote mu miẋima ienu.

II Kolindo 5:16

Uila kiki, ku pholo ku tuia, kana muthu tu mu fika dingi mu imbamba ia xitu. Né-mbe Kristu muène tua mu fika jinga mu xitu, kiki ki kiene dingi ki tu bhanga.

Ngalásia 1:10

Manhi ki ngalʼ iki, ngalù sota ngó kukala mu ujitu ua athu? Lémbua! Kuma o ki nga solo eme, o ujitu ua Nzambi! Mbé kifua ngalù sota ngó kuuabhela athu? Se nga kexile mù uabhela ngó athu, ki ngejù kala dingi ngi selevende ia Kristu.

Ngalásia 2:7

Maji a bhangele kiengi, kioso kia zubha o ku ngi mona kuma eme a ngi thelekala o Njimbu Iambote ku i bheka ku athu a kambe o ku a saia; mukuá, ni Phetele kia mu bhana o ku i bheka ku akua kusaia, o Jijudé.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Efezo 6:6

Kana kukumbidila ngó kioso ene kia kala ku mi tala mesu, kala mualù sota ku di uabhesa ku athu. Maji muila kala mu abhika a Kristu, mualù bhanga o vondadi ia Nzambi ni muẋima.

Kolose 3:22

Enu abhika, tumakenu oso jingana jenu mu xitu. Kana kukumbidila ngó ku mesu mu ku di uabhesa ku athu, kioso ene ki a kala mu ku mi talesa, mbé a tene ku mi uabhela, maji kota kukumbidila ni ufiiele ua muẋima ku uôma ua Ngana.

I Timote 6:20

Timote, tata! Aiuka kiambote kioso kia ku bhana kulunda. Ditune jinge o kubuabuala kua ulalu kua ibhila Nzambi, ni kukuata jiphata ja uoua u exana ene exi unjimu, manhi unjimu ua makutu.

II Timote 1:14

O kima kiamboteʼokio kia ku bhana kulûnda, langa-kiu mu nguzu ia Nzumbi Ikôla ua tu tunga moxi.

II Timote 2:2

Ima i uévua jinga ko-kuami bhu pholo ia jimbangi javulu, lûndisa-iu ku athu ala jifiiele, a tena ue kulonga akuâ.

Tito 1:3

Maji bhu thembu iê, muène iú ua tu tukuluila o muenhu uenhú mu maka mê ma tu ambela. Eme-phe ia a ngi bhana kuxika ngonge ia maka enhá, u ngala kutula ku mundu uila kia ngi tumu Nzambi, Mubhuludi uetu.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.