I Tesalonika 2:2 - O Mikanda Ikola

² Muejiia ue kuila kioso kiluua tu bhixila koko ku Tesalonika, tua diangele-phe kutala hadi ni kulebhuka mu Filipe. Luavulu muene a sotele ku tu fudisa, maji etu-phe tu bhua uôma mua Nzambi ietu mu ku mi tangela enu o Njimbu Iambote ia Nzambi ni kubângama kuoso.

I Tesalonika 2:2 ပူးပေါင်းရင်းမြစ်များ

Jipoxolo 14:3

Kienʼiki Jipoxolo anga a bhanga thembu iavulu mu Ikônio mueniomo. Ene a bhua uôma ni kutanga o maka ma Ngana. Muène Ngana anga u kala mbangi ia maka ma kiadi kiê, kuma o jipoxolo ua a bhesa o kubhanga isuma ni madiuanu ni maku mâ.

Jipoxolo 14:5

Jijudé-phe, ni Jingeleku, ni afundixiʼ â, hè a ta kikutu kia kusuina, ni kububa o jipoxolo ni matadi.

Jipoxolo 16:12

Kutunda bhobho tu bhixila mu Felipo, mbonge ia dianga ku jimbandu ja Masedonha, o iene ue pelezidio, kolonia ia Roma. Mu mbongeʼumu anga tu nanga-mu izuua.

Jipoxolo 16:19

Jingana jê-phe, kia mono kuma o nganhu iâ ia dielela ia di boto, a kuata Phaulu ni Sila, aia ni ku a sunga-sunga katé bhu kitanda, bhu pholo ia afundixi.

Jipoxolo 16:37

Phaulu-phe ua ambela, uixi: Etu ki tu te kituxi kia kima, maji ene a tu bhesa jixikote bhu pholo ia mundu, né ngó ku tu fundisa, etu tu akua Loma, iá a tu jikila mu ʼaleia! O kiki andala a tu kaia, mu kuomboloka? Kiokio kana! Ki tu xikina. Inda ene eze a tu tundise.

Jipoxolo 17:1

Kiki ki a bhitakena mu Amfipole, ni mu Apolonia, a bhixila mu Tesalonika hé a sanga muala dilombe dia Jijudé.

Jipoxolo 17:17

Anga u kala mu ku di kumbulula ni Jijudé mu dilombe ni athu amukuâ ki Jijudé, akua kubhezela Nzambi momo. Bhu kitanda ue u zuela ni athu oso a takana-nâ.

Jipoxolo 19:8

Phaulu anga u kala mu bokona mu dilombe dia Jijudé, u bhua uôma ni kutanga o maka mu thembu ia mbeji jitatu, u jingununa ima ia tokala ku Utuminu ua Nzambi, u sota ku a xikanesa.

Jipoxolo 4:13

Kienʼiki o adiakime bhu Kionge Kiadikota, kia zubha ku mona o kúbhua uôma kua Phetele ni Nzuá, ni ku a tongolola kuma athu akua-tutu, ka zubha ku dilonga madivulu, a diuana, anga ki a lombolokela kuma ende ni Jezú.

Jipoxolo 4:20

Kuma etu ki tu tena kufula kutanga o ima ioso i tua mono, i tu evu.

Jipoxolo 4:31

Ki a zubha kusamba, o kididi kia di bhongoluela, kia tunguta. Ene oso anga ezala ni Nzumbi Ikôla, hé andeka kutanga o maka ma Ngana ni kúbhua uôma.

Jipoxolo 5:41

Ene kieniokio, a tunda bhu pholo ia Kionge kia Jitata ni kusanguluka kuavulu, kuma Nzambi ua a kiti athu a fuama kutambula malebhu mukonda dia dijina didi dia Jezú.

Loma 1:1

Eme Phaulu, nga soneka o mukanda iú—eme ngi selevende ia jezú Kristu, a ngʼ ixana kuala Nzambi kukala Poxolo, ià a ngi lumbila kutula o Njimbu Iambote.

II Kolindo 3:12

Mukonda-phe dia kukala ni kudielela kala kiki, kiene ki tua bhuila o uôma.

Kolose 2:1

Kuma nga mi mesena mu ijiie kioso ki ngala ku mi bhângela enu, ni akua Laodiseia, ni athu amukua oso kiluua a ngi mona pholo mu xitu.

I Tesalonika 1:5

Kuma o Njimbu Iambote ki tu mi tudila-iu mu kuzuela ngó, maji ni nguzu, ni Nzumbi Ikôla, ni kujimbuluka kuila ia kidi. Enʼuenu mua kʼijiia, se tua kexile tu athu ahi mu ʼaxaxe kenu, mukonda dia mbote ienu-enu.

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.

Juda 1:3

Enu akuetu, nga mi zola, kioso ki nga tele o muẋima mu ku mi sonekena o maka ma kubhuluka kuetu etu-ene-oso, kua ngiza kibhidi kia ku mi sonekena mu ku mi suinisa mu kuzokela o kixikanu kia bhana Nzambi, tunde ukulu ku akua Ngana.