I Tesalonika 2:16 - O Mikanda Ikola

¹⁶ Etu tuandala tu zuela ni akua jixi jengi, phala a bhuluke, maji ene a tu kidika. Mu kubhanga kiki-phe, hanji a kuata kutenesa o konda ia ituxi iâ iene mù ta. Maji-phe kindala kua a tulukila o njinda ia Nzambi, katé bhu mbambe ku thandu diâ!

I Tesalonika 2:16 ပူးပေါင်းရင်းမြစ်များ

Dimatekenu 15:16

O ku muiji ua kauana-phe kiá, kiene kia kà bhongoloka dingi mʼoxi mumu, kuma o kizongelu kia kubhukumuka kua Mamodi kiluua ki tenena.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Daniiele 8:23

Maji, mu izuua ia sukidila-ku ia ma-utuminu mâ, kia-nda kuila akua kutondala a sekala a zubha, kua kà balumuka sobha u kala ni pholo ia kisuéia, mesene ia kuzambula.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Malakiia 4:5

Talesenu, kuma eme ngi mi tumikisa polofeta Elija, kiosuʼiki kiluua kiza kizuua kiókio kia Dikota, kia Ngana, kizuua ki bheka uôma.

Matesu 12:45

Bhenhobho uia, u sota dingi sambuadi dia nzumbi, a mu tundu muène mu kuiibha, anga a bokona, a tunga momo. O kikexilu kia sukidila kia muthu ió kia beta dingi o kuiibha, kikexilu kiadianga ndenge! Kienhiki kiene hinu ki bhita ni muiji uenhú.

Matesu 23:32

Izalesenu o nzôngo ia jitata jenu!

Matesu 24:14

O Njimbu iíi Iambote ia Utuminu ua Nzambi, ia bhingi ku i tula mu ngongo ioso, mu kubhana umbangi ku akua jixi joso; kiene kiua kia kèza dizubhilu.

Matesu 24:6

Muà kèvua ita, ni jingolokela ja ita; talenu, miẋima ki i mi titile. Mbata ima iíi ia bhingi i dianga kubhita, maji ki diene luua o dizubhilu.

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Marku 16:16

Uoso u xikana, anga a mu batizala, u bhuluka; uoso-phe ka xikana, a ka mu elesa.

Jipoxolo 13:45

Jijudé-phe kia mono o mundu uavu-lu kiki, a kala ni dixinga dionène. Ima iala kutanga Phaulu, a mu kuatesa makutu, a mu xinga.

Jipoxolo 13:50

Jijudé-phe ji funhisa ahatu a jingana, ene kubhezanâ, ni adiakime a makota mu mbonge, hé a kuata kuzukutisa Phaulu ni Barnabé, anga a a kaiesa mu mbambe jâ.

Jipoxolo 14:19

Kueniuku-phe ue kueza Jijudé ji tunda ku Andiioka ni ku Ikônio. Anga a bhomba mundu, hé a bûba Phaulu ni matadi, a mu koka katé ku mukau, kuma a fika uafu.

Jipoxolo 14:2

Maji o Jijudé-phe, joso ja xibhaka, a vunza o miẋima ia akua ʼxi, anga jiphange a ji zembesa.

Jipoxolo 14:5

Jijudé-phe, ni Jingeleku, ni afundixiʼ â, hè a ta kikutu kia kusuina, ni kububa o jipoxolo ni matadi.

Jipoxolo 17:13

Maji o Jijudé-phe ja akua Tesalonika, kia kʼ ivu kuila maka ma Nzambi ala ku ma longa kuala Phaulu mu Beleia, ene eza ue kuenioko, hé a kala mu vunza o mundu ni ku a tatesa.

Jipoxolo 19:9

Maji amoxi-mu-phe a kola muẋima ni kuxibhaka, o Njila ia Ngana a kala mu ku i tobhesa bhu pholo ia mundu. Phaulu-phe ua di batuka-nâ, anga u di kalela, hé uambata kumoxi-nê o jixibulu jala jikidistá. Anga izuua ioso u kala mu jingununa o Maka mu xikola ia Tilanu.

Jipoxolo 21:21

Eie-phe a ku ivu fuma kuma o Jijudé ja muanganena mu matumbu, eie uene ku a longesa kuxa o Kitumu kia Mozé. Evu ue kuila eie uene ku a longesa kukamba kusaia anʼ â, ni kukamba kukuata o ijila ia Jijudé.

Jipoxolo 23:12

Ki kuakie-phe, Jijudé ja di kase, anga a ta kikutu kia kudilokela ni mázui, exi: Ki tudi, ki tunu, katé tua jibha Phaulu.

Jipoxolo 24:9

Jijudé anga ji mu kuatekesa mu kufunda exi imʼ iii ia kidi.

Jipoxolo 25:2

Jinganga ja makota, ni makota mʼ athu ku Jijudé, anga a mu kana kuenioko ni kutatela Phaulu.

Jipoxolo 25:7

Muène kia zubha o kuiza, Jijudé ja tundu mu Jeluzaleme ji mu bhaka bhu ʼaxaxe ni ku mu tatela ima iavulu iaiibha, maji iene ioso-phe ki i moneka umbangi.

Jipoxolo 4:12

O kubhuluka kikale kua Muène ngó. Kuma o bhoxi dia diulu ʼabha, bhu ʼaxaxe kʼ athu, kana-bhu dingi dijina diengi dia bhana-bhu, dia tokala di kala dijina dia ku tu bhulula. Kiene kia bhekela kuila o Nzambi dijinʼidi ua di tula bhuma bhua bhingi kana muthu u lémbua kubhiẋila-bhu.

Jipoxolo 9:23

Kia zubha kubhita izuua iavulu, Jijudé ji di bhongolola ku kikutu, anga a mu kanena ku mu jibha.

I Kolindo 10:33

Bhangenu uila ki ngene mù bhanga eme-muène. Athu oso ngi sota ku a uabhesa miẋima mu ima ioso i ngi bhanga, kuma ki ngi bhindamena eme-muène ngó kubhanduluka, maji nginda ue ene oso a bhanduluke, phala nʼ a bhuluke.

Ngalásia 5:11

O ki kala, jiphange, se eme hanji ngene kulongesa o kusaia, kima kiahi-phe kia a bhekela o ku ngi zukutisa? Se kia kexile kia kidi, o dilebhu dia dikulusu di ngene mù kola hinu diabhu-ku.

Efezo 3:13

Uila kiki, nga mi bhingi kuila kana kukala ni usudi mukonda dia jihadi ji ngala ku mi talela, inda ji kale jenu ja kutambula fuma.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

I Tesalonika 1:10

A mu tanga ni kioso enu ki mualù kinga Jezú, o Monʼa Nzambi, uanda kutunda mu diulu, ió a mu fukununa mu madifundu kuala Nzambi. Muenʼió muène u tena o ku tu bhulula ku njinda ia Nzambi hinu ianda kuiza-ku.

II Tesalonika 2:10

Muène ua kà bhanga mangonha moso, phala kuxômba athu oso anda kutexika. Ene-phe anda kutexika, mukonda nguâ kutambulula o muẋima ua kubhindamena o kidi, ki tena ku a bhulula.

I Timote 2:4

Muène mukua kumesena kuila athu oso a bhuluke, eze mu kuijiia o kidi.

Jihebeleu 6:8

O ki kala-phe ma bhana ngó minha ni holokoso, ma kuata usudi; kua kambe ngó a ma ta mazui kuala Nzambi, o hinu kua suka a ma ta mu tubhia.

Dijingunuinu 22:11

Uoso ua bukumuka, a jijile o kubhanga kiaiibha; uoso uala kifusa, a jijile o kubhanga ufusa; uoso uaiuka, a jijile o kubhanga ima ia kuiuka; o uoso uazele, a jijile o kukala ni kuzela.