I Tesalonika 2:12 - O Mikanda Ikola

¹² Mbebhu enu phala muende kioso kia fuama kuuabhela Nzambi ua mʼixana kuzuama ku Utuminu uê ni ku fuma iê.

I Tesalonika 2:12 ပူးပေါင်းရင်းမြစ်များ

Dimatekenu 5:22

Enoko anga uenda ni Nzambi; kia zubha kuvuala Matúzala, u laia hama jitatu ja mivu, hé u vuala anʼa mala ni anʼahatu.

II Malunda 17:4

Kota muene ua sota o Nzambi ia tatʼâ, iú uende mu ijila iê, kana mu ibhangelu ia Izalaiele.

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

Loma 8:30

Kala kiki, Nzambi oso ua a tungula ukulu, uedi ue ni ku a exana. O oso ua exana, uedi ni ku a lungisa, iú ua a xikina. Muène-phe ka a xikina ngó, maji ua a bhana ue kukala ni mbandu ku fuma iê.

I Kolindo 1:9

Nzambi uene fiiele, muéne ua mʼ ixana phala ni mu tena kuiza mu kisangela kia Monʼ ê Jezú Kristu, Ngana ietu.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Ngalásia 5:16

Ki ngambe-phe, kiki: Ehelenu o Nzumbi ia Nzambi ku endesa o mienhu ienu, ki mu kale mu kutumaka dingi o jihanji ja xitu.

Efezo 4:1

Uila kiki, eme ngi hutile, a ngi kutu mukonda dia kubhiẋila Ngana, nga mi diondo mu enda kioso kia fuama mu kixanuʼokio kia mʼixana na-kiu Nzambi.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

Efezo 5:8

Kuma enu-enu mʼ ukulu mua kexile mu kitombe, maji o kiki muala kiá mu mukengeji mua Ngana. Endenu-phe ni kuenda kala anʼa mukengeji.

Filipe 1:27

Kala kiki, hé kima, o uendelu uenu u kale uendelu ua fuama mu Njimbu Iambote ia Kristu. O ki kala ngi mi sanga koko, mba ngi kamba ku mi sanga, kimuua ngʼivua jinga kioso ki muala kubhita na-kiu, kuma mua kolokota ni muẋima umoxi, muedi ni muenhu umoxi mua suinina kubhangela o kuxikana ku tunda ku Njimbu Iambote.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

Kolose 2:6

Uila kiki, kioso ki mua tambulula Ngana, Kristu Jezú, kiene ki muenda mua muène.

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.

I Tesalonika 4:12

Phala mu ende ni athu ku kanga kioso kia fuama; enʼuenu ue, ki mu bhindame ni kima.

I Tesalonika 5:24

Muenʼió ua mʼixana, kuma uala fiiele, kienʼiki u ki kumbidila muene.

II Tesalonika 1:10

Kiki kiene kia kà bhita bhu Kizuua kiokio, bhuoso bhua kèjiia muène mu kutambula o fuma ku athuʼê angene, ni ujitu ku athu oso ió a mu xikana. Kuma enu mua xikana umbangi u tua bhana mudienu, muanda kua kà kala ue mu ʼaxaxe kâ mu kizuua kieniokio.

II Timote 1:9

Kuma muène ua tu bhulula, iú ua tu ixana ni kixanu kikôla, phala, tu kale tu mundu uê. O kiki ki kia kaiela mu imbamba i tu bhanga etu, maji kia kaiela mu kikanenu kiê-Muène, ni mu kiadi kiê. Muène o kiadi kiki ua tu muesa-kiu mua Kristu Jezú, tundé xahulu, ku dimatekenu.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

I Phetele 3:9

Kana kuvutula phulu mu phulu, kana kuvutula ndaka mu ndaka. Bhu kididi kia ndaka ki kale-phe mu vutula dibesá, kuma Nzambi kiene kia mʼixanena, ni mu lundule dibesá.

I Phetele 5:10

O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.

II Phetele 1:3

Kuma o kutena kua Nzambi kua tu bhana o ima ioso i tua bhindamena, phala tu kale ni muenhu, ni uendelu uambote; a tu bhana-iu mu ku dʼijiia ni muène, ió ua tu ixana phala tu kale ni mbandu ku fuma iê ni mbote iê.

I Nzuá 2:6

Uoso-phe u amba uixi: Ngala mu kisangela kumoxi ni Nzambi, u fuama kuenda ma tu sukula o ituxi ioso.

III Nzuá 1:6

Asonhi enʼ ió, ene muène ene ku ku bhela umbangi ua henda ié bhu pholo ia Ngeleja kunu. Ki uabha ue o ku a kuatekesa ku njila iâ, kala kia fuama o muthu ua Nzambi, nga ku diondo.