I Tesalonika 2:10 - O Mikanda Ikola

¹⁰ Enu mu jimbangi, Nzambi ue mbangi, kuma tu athu a ujitu, tu athu aiuka, tu athu ki tu moneka kikuma, mu kuenda kuetu mu ʼaxaxe kenu oso mua xikana.

I Tesalonika 2:10 ပူးပေါင်းရင်းမြစ်များ

Jelemiia 18:20

Manhi mbote a i futa ni phulu? Oko a kande o diela phala o muenhu uami! Lembalala kuma eme ngemana bhu pholo ié-eie, phala ku a zuela mbote ia ene, phala njinda ié ki ia a tule, i ile kuengi.

Dialuilu 16:15

Kienhókio Mozé o njinda i mu kuata kiavulu, anga uambela Jihova, uixi; Kana kusuua ku ujitu uâ; eme né ngó bulu imoxi ki ngi i tambula kokuâ, mba nga bhange kiaiibha ku muthu mudiâ.

Luka 23:41

Etu mu kidi, o hadi ietu ia tu tokala muene, mukonda a tu bhange kia fuama mu ikuma ietu, muthu iú-phe, ka bha nge kima kiaiibha!

Jipoxolo 20:18

Ene kia zubha kuiza, Phaulu ua ambela, uixi: Enʼuenu mua kʼijiia, tunde kizuua ki nga dianga kudiota mu Azia, kioso ki ene o uendelu uami mu ʼaxaxe kenu.

Jipoxolo 20:26

Kiene ki nga mi bhela-phe umbangi kizuua kia lelu, kuma nga zele, kana muthu mudienu u texika, o manhinga mê ni ma ngi kala ko-kuami.

Jipoxolo 24:16

Mukonda dia kiki, nga kuata muanu ua kukala ni muẋima ua kambe o kuêla, ni kua Nzambi ni ku athu, izuua ioso.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

II Kolindo 11:11

Mukonda diahi? Manhi mukonda ki ngi mi zolo? Nzambi ua kʼijiia kuila nga mi zola!

II Kolindo 11:31

Nzambi Tata ia Ngana ietu Jezú, a mu ximana katé ku hadia ni hadia, ua kʼijiia kuila ki ngi tange makutu.

II Kolindo 4:2

Imbamba ioso-phe ia kubhanga ni kusueka ni ioio ia jisonhi, tua i dila hunji. Ki tu bhange kudimuka, o maka ma Nzambi ki tu a lungulule mu mangonha. Inda tu bhanga jinga ima ia fuama o kidi, kiene kia bhekela o ku tu tumbula kuala enhoso, bhu pholo ia Nzambi.

II Kolindo 5:11

Ki tualʼiki, tuejiia kioso ki kala o uôma ua Ngana, kienhiki athu tu sota ku a ejidisa o kidi. Maji o Nzambi ua tu ijiia muene kiambote, tamanu enu ue mu tu ijiia muene kiambote mu miẋima ienu.

II Kolindo 7:2

Iudikenu kididi phala etu mu miẋima ienu. Kana-ku muthu tua mu bhange phulu, kana-ku muthu tua mu di mangonha, kana-ku muthu tua sota ku mu bhanga kudimuka.

I Tesalonika 1:5

Kuma o Njimbu Iambote ki tu mi tudila-iu mu kuzuela ngó, maji ni nguzu, ni Nzumbi Ikôla, ni kujimbuluka kuila ia kidi. Enʼuenu mua kʼijiia, se tua kexile tu athu ahi mu ʼaxaxe kenu, mukonda dia mbote ienu-enu.

I Tesalonika 2:5

Tundietu, kiluua tu kala ni maka ma kuhanza athu, enʼuenu mua kʼ ijiia, kiluua tu kala ni maditatu ma luimbi lua kutambujula itadi. Nzambi mbangi ia ima ienʼiii.

II Tesalonika 3:7

Mukonda enʼuenu mua kʼijiia kioso ki mua tokala o ku tu fikisa etu. Kuma athu etu ka tu muene ni usonde ua ku kamba kukalakala ki tua kexile muʼaxaxi kenu.

I Timote 4:12

Kana kuehela kuila bhu kala muthu u ku tènda mukonda dia undenge. Oso-phe a xikana, eie-muène a bhane phangu, ni mu kuzuela, ni mu kudituma, ni mu henda, ni mu kuxikana ni mu kuzela.

II Timote 3:10

Eie-phe ua kaiela jinga ulongelu uami, ni uendelu, ni ukanenu ua muenhu uami. Uene mu kaiela ue ni kuxikana kuami ni kuxididika, ni henda, ni kinhenge, ni mu malebhu, ni mu jiphaxi.

I Phetele 5:3

Ki mu kale mu jingana ja kutumina ió ene a mi bhana-nâ ku a enga, maji mu kala mù atuameneni mua bhana phangu ku kilunga.