I Tesalonika 1:7 - O Mikanda Ikola

⁷ Sumbala katé kia bhangesa kuila enʼuenu mua bhana phangu kua ene oso a xikana ku Masedonia ni ku Akaia.

I Tesalonika 1:7 ပူးပေါင်းရင်းမြစ်များ

Jipoxolo 1:13

O kia zibha kubhiẋila, mu mbonge, a bokona ku onzo ia thandu, kuma o muenhumu muene mua nanga jinga, ni Phetele, ni Tiiaku, Nzuá ni Mandele, Felipe ni Tomé, Matulu ni Matesu, Tiiaku monʼ a Lufeu ni Ximá Zeloto, ni Juda dia Tiiaku.

Jipoxolo 16:12

Kutunda bhobho tu bhixila mu Felipo, mbonge ia dianga ku jimbandu ja Masedonha, o iene ue pelezidio, kolonia ia Roma. Mu mbongeʼumu anga tu nanga-mu izuua.

Jipoxolo 18:1

Kia bhiti imʼ iii, Phaulu ua tundu mu Atena, hé u bhixila mu Korindo.

Jipoxolo 18:12

Kia kala-phe Ngalio nguvulu ia Akasia, Jijudé ji balukila Phaulu kumoxi, anga a mu bheka katé bhu kibhuna kia milonga,

Jipoxolo 19:21

Kia bhiti imʼ iii, Phaulu u kana ku muẋima uê kubhita ku Masedonia ni ku Akaia, ni kuia ku Jeluzaleme, uixi: Se nga zubha kubhita kuenioko, nga kàia ku Loma.

Loma 15:26

Kuma o jingeleja ja akua Masedonia ni akua Akaia kia a uabhela kubhanga mukungu ua kubhindumuna jingadiama ku mundu ua akua Ngana ala mu Jeluzaleme.

II Kolindo 1:1

Eme Phaulu, Poxolo ia Kristu Jezú mu vondadi ia Nzambi, ni phange ietu Timote, tua soneka o mukanda iú phala o Ngeleja ia Nzambi iala mu mbonge ia Kolindo, ni akua Ngana oso mʼ oxi ia Ngelésia.

II Kolindo 9:2

Kuma nga kʼijiia kuila enu mu andala ku a bindumuna, kiene muene ki nga mu mi ximanena ku jiphange ja akua Masedonia. Eme ngʼambe ngixi: O jiphange ku Ngelésia, a di iudika phala ku kuatekesa tunde kiá mu muvu ua tundu-mu. Avulu muene mudiâ a suina dingi kiengi mukonda dia vodadi ienu.

I Tesalonika 1:8

Kuma o maka ma Ngana ma tundu ko kuenu, ia a fumana, kana ngó ku Masedonia ni ku Akaia, maji katé ni ku ididi ioso, o kuxikana kuenu ku muala na-ku kua Nzambi, kua fumana; o kiki etu ki tu bhingi dingi kuzuela kima.

I Tesalonika 4:10

Kiene ki mua mu londekesa ku mbandu joso kuila mua di zolo muene ni jiphange joso ku Masedonia. Tua mi tangela-phe, jiphange, phala mu vule ku ki bhanga jinga.

I Timote 4:12

Kana kuehela kuila bhu kala muthu u ku tènda mukonda dia undenge. Oso-phe a xikana, eie-muène a bhane phangu, ni mu kuzuela, ni mu kudituma, ni mu henda, ni mu kuxikana ni mu kuzela.

Tito 2:7

Eie-muène, mu ima ioso, u a bhana phangu mu kubhanga ima ia mbote. Mu ulongelu ué ua kambe mangonha, u kala u mujitu, u mukua kidi.

I Phetele 5:3

Ki mu kale mu jingana ja kutumina ió ene a mi bhana-nâ ku a enga, maji mu kala mù atuameneni mua bhana phangu ku kilunga.