I Tesalonika 1:6 - O Mikanda Ikola

⁶ Enu anga mu kala mu afikixi etʼuetu, mu afikixi ue a Ngana. Kuma o maka mua ma tambula ni hadi iavulu, ni ngalasa ioio i tunda kua Nzumbi Ikôla.

I Tesalonika 1:6 ပူးပေါင်းရင်းမြစ်များ

Hozeia 2:14

Talesa, eme-phe nga-nda ku mu sunga, anga ngiia-nê ku mukáu mu kikangalakata, o kuenhoko anga ngi mu tela maka ma mu sungisa kilunji, a mu tula mu muẋima.

Matesu 16:24

Kienhókio Jezú u ambela jixibulu jê, uixi: Se muthu ua mesena ku ngi kaiela eme, a di fule o kudibanza muène-muene, a zangule dikulusu diê, a ngi kaiele.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Jipoxolo 13:52

Maji o jixibulu-phe mu Andiioka jezala ni ngalasa iavulu ni Nzumbi Ikôla.

Jipoxolo 5:41

Ene kieniokio, a tunda bhu pholo ia Kionge kia Jitata ni kusanguluka kuavulu, kuma Nzambi ua a kiti athu a fuama kutambula malebhu mukonda dia dijina didi dia Jezú.

Jipoxolo 9:31

Uila kiki o Ngeleja mu Judeia, ni mu Ngalileia, ni mu Samádia, anga i kala ku paze, i di tunga; i enda mu uôma ua Ngana, ni mu kutululuka kua Nzumbi Ikôla, anga i sokoloka.

Loma 15:13

O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.

I Kolindo 11:1

Kalenu-phe mu afikixi ami eme, kala eme ki ngala ngi mufikixi a Kristu.

I Kolindo 11:2

Kiki nga mi ximana kuma mua ngi lembalala mu ima ioso, mua jijila ue o ilekelelu iami i nga mi xila.

I Kolindo 4:16

Uila kiki, nga mi diondo-phe, kalenu mu afikixi ami eme.

II Kolindo 6:10

Sai ni bhabha a tu vunzila malamba, maji etu tua sanguluka jinga. Tuedi kala tu jingadiama, maji athu avulu tuala ku a muesa jimbongo. Tuedi kala ki tu moneka kima, maji ima ioso tua i vu.

II Kolindo 8:5

Ki kiene ngó. Ene a beta dingi kubhanga, o ki tua fikile etu ndenge. Kima kia dianga ene a tuamene ku di bhana ene-muène kua Ngana. O kia kaiadi kua etu-ene, mu vondadi ia Nzambi.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Efezo 5:1

Endenu-phe ni kufikisa Nzambi, kala mu anʼ ê a muẋima.

Filipe 3:17

Enu jiphange, suinenu mu kukala mu afikixi ami eme, mu tongolole ue oso akua kuenda kienkiki, kala etu ki tua mi bhana o phangu.

II Tesalonika 1:4

Katé etu tua mi tela thathe mu Jingeleja ja Nzambi, mukonda dia kukolokota kuenu, ni kuxikana mu ʼaxaxe ka izudidiku ni jihadi joso ji mua bhiti na-ju.

II Tesalonika 3:7

Mukonda enʼuenu mua kʼijiia kioso ki mua tokala o ku tu fikisa etu. Kuma athu etu ka tu muene ni usonde ua ku kamba kukalakala ki tua kexile muʼaxaxi kenu.

II Tesalonika 3:9

Ki tua ki bhangela-phe mukonda tua kambe ukota ua kutambula ujitu uoso-uoso bhu maku enu, ni mu tu kuatekese, maji tua ki bhangela o ku mi bhana phangu, phala mu tu fikise.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.

Jihebeleu 10:34

Enu mua tale o hadi kumoxi ni ene oso a kexile ku malubhambu mu jikaleia. O kia mi bhundu o imbamba ioso i mua kexile na-iu, mua xididika ni ngalasa mu ima ioso íii, mukonda mu ejiia kuma mu avu jimbongo ja beta ujitu, ja kà xalela-ku, ku diulu.

I Phetele 1:6

Mukonda dia kiki, mua fuama mu sanguluka, sumbala kiosuʼiki kua bhingi mu di kuata mukondo, mukonda dia malamba ma vudila-ku, u muala kubhita na-u.

I Phetele 1:8

Sumbala Kristu muene kiluua mu mu mona, maji mua mu zola. Sumbala kiki ki mua mu mono, maji mua mu xikana. Kienʼ iki, enu mua sanguluka kiavulu ni ngalasa ki i ẋikina ku tanga, ngalasa iavulu o uuabhelu.

I Phetele 3:13

Nanhi-phe u tena ku mi kuama, se enu mua suina kubhanga mbote?

III Nzuá 1:11

Kamba diami, mukuetu, kana kufikisa phulu, inda o kufikisa mbote. Uoso u bhanga mbote, muène mukua Nzambi; o uoso u bhanga phulu, ió kala kumona Nzambi.