I Tesalonika 1:4 - O Mikanda Ikola

⁴ Enu jiphange, a mi zola kua Nzambi, tua mʼijiia kioso kia mi tungula Nzambi, iú ua mi solo.

I Tesalonika 1:4 ပူးပေါင်းရင်းမြစ်များ

Loma 1:7

Uila kiki, nga mi sonekena enu oso muala ku Loma, enu a mi zola kuala Nzambi, iú ua mʼ ixana phala kukala mu mundu uê. Ku kale kiadi ku mualʼ oko, ni paze i tunda kua Nzambi Tata ietu, ni Ngana Jezú Kristu.

Loma 9:25

Kala kia tange ue mu Ozeia, uixi: Nga kà exana: Mundu uami, oso ka kexile Mundu uami. Ngi mu ila: Kazola kami, o muiji uoso ka kexile Kazola.

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

I Tesalonika 1:3

Kuma tuene ku mi lembalala, sé ngó kufula, bhu pholo ia Nzambi ietu, Tatʼetu, o kukalakala kuenu kua kuxikana, ni kubhika kuenu kua henda, ni kukolokota kuenu mu kudielela Ngana Jezú Kristu.

II Tesalonika 2:13

Tua tokala-phe tu sakidila jinga Nzambi, mukonda dia enu, mu jiphange jozole mua Ngana. Kuma Nzambi ua mi sola tunde ku dimatekenu, phala mu bhuluke mu nguzu ni kutena kua Nzumbi Ikôla, ni mu ku mi kôlesa nzumbi moxi mu kuxikana o kidi. Muène ua ki bhange, nʼa tena ku mi kitula mu athu a ngene a Nzambi.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

II Phetele 1:10

Uila kiki, enu mu akuetu, phange jami, Sotenu izuua ioso kukala ni muẋima ua kolo mu kuijiia kuma Nzambi kidi kiene, muène ua mʼixana iú ua mi solo. Mbata se kiene ki mu bhanga, ki mua-nda kudibhala dingi.