3 Kuma tuene ku mi lembalala, sé ngó kufula, bhu pholo ia Nzambi ietu, Tatʼetu, o kukalakala kuenu kua kuxikana, ni kubhika kuenu kua henda, ni kukolokota kuenu mu kudielela Ngana Jezú Kristu.
Kienhokio Jakobo anga u bhika sambuadi dia muvu mu kilembu, mukonda dia kuzola Lakele; anga u i fika kala tu izuua ngó mukonda dia ku mu zola kua mu zolele kiavulu.
Kuma o muthu ua iuka, Nzambi u mu bhana o unjimu ni kuijiia, hé u mu tela-ku o kusanguluka; maji o mukua ituxi-phe, Nzambi u mu bhana kukalakala mbé a bhongolole, a lunjijiké ima ia-nda kubhana kua ió a muindi kuala Jihova. Maji kienhiki ue ukumbu ngoho ni ʼlamba dia muẋima.
Menha né-mbe a vula, ka tena kujimuna o henda iii, né-mbe jingiji ja menha ji kunguluka, ka tena ku i bobesa. Né-mbe bhu kala muthu u bhana jimbongo jê joso jala na-ju monzo mu henda iii, nga fika, u lémbua muene toko-toko!
O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.
Kuma ima ioso iósokene mʼ ukulu mu Mikanda Ikôla, a i sonekena phala etu ku di longa, phala mu kinhenge, ni mu kutula o muẋima mu kutanga o Mikanda, tu kale ni kudielela.
Maji mu kindalʼ iki, o kijinganuʼ okio kiòtukulule mu Mikanda ia soneka o Jipolofeta. O Nzambi ua kaiela-ku, iú ua tumu kuila a kʼijidise mu miji ioso, phala athu oso a xikane, nʼ a ki tumake.
Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.
Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.
Kristu ió ua di bhakuile ku kalunga phala ku tu bhulula ku ituxi ietu, nʼa tene ku tu kudila ku mundu iú uaiibha, kala Nzambi ietu, Tata, kia mu kala mu vondadi iê.
Kuma enu, jiphange, a mʼ ixanena kukala mu jifôlo. Maji o ku ofôlo uenu ki mu katule-ku maditatu ma kuehela o jihanji ja xitu ku mi tumina, maji muenda ni ku di bhikila mudienu ni henda.
Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.
Timote-phe kia tu sange kunu kindalʼ iki, ua tundu ku mualʼ oko, ua tu bhekela hundu iambote ia kuxikana kuenu ni henda ienu, kuma hanji mua tu lembalala kiambote, mua tu indi ku tu mona mesu, kala etu ue ki tua mʼindi enu.
Kienʼ iki, kiene ki tuene ku mi sambela jinga phala Nzambi ietu a mi kite mu athu mua fuama o kixanu kia muenhu uobhe ua mʼixanena. Tua mu bhinga ue phala muène, mu nguzu iê a tenese o jivondadi jenu joso ja kubhanga o ima iambote, ni a mi zubhile o kikalakalu ki mualù bhanga mu kuxikana.
Etu tua tokala tu sakidila jinga Nzambi mukonda dienu, enu jiphange! Mukonda kia tu fuama muene ku ki bhanga, kuma o kuxikana kuenu kua mu kula dingi kiengi, ni henda ienu i mua di kuatela mudienu iavulu dingi.
O Ngana ietu, iú ua lundulula o jinzungule ja kiadi kiê ku thandu diami, iú ua ngi bhana o kuxikana ni henda i tuene na-iu mu kisangela ni Kristu Jezú.
Kiejila mu kuxikana, Mbalahamu kia mu lola, anga u bhakula Izake kala sata. Muène Mbalahamu a mu bhele o polomesa kuala Nzambi, ia ku di sokolola ndumba ia miji, sumbala kiene, muène ua bhakuile monʼê umoxi-eléle mu ku mu vuala.
O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.
Uila kiki, tu kuatienu-phe muanu mu kubhanga ioso phala tu tene kubokona ni Nzambi mu dinhohenu diê. Ki bhu kale muthu mudietu u di bhala mu kuxibhaka Nzambi, kala ene kia xibhakele ia a tokokele kobokona.
Ku kale-phe kukemba kua muthu ua suama moxi, kuene o kuzuata ki ku kasana dingi, kua kubelesela ni kutululuka kua muẋima, kua te kiavulu bhu pholo ia Nzambi.
Enu, tata, tuana tuami! O henda ietu i tu di zola na-iu, ki i kale ia maka ngó mu kuzuela mba izuelu ia hatu i tunga ngó bhu dimi. Maji ia fuama i kala henda ia kidi, i di londekeza jinga mu ima ioso i tu bhanga.
Eme nga ku ijiia o ima ioso i ua mu bhanga kindala. Ngejiia ni henda ié, ni kuxikana, ni kukalakala kué ni muanu. Ngejiia ue kuila o ima i ua sukidila kubhanga iala kota, ia diangele-ku ndenge.
Mukonda eie ua bhake o maka mami, kioso ki nga ku ambela kukala ni muanu, eme uami ngi ku bhaka mu kithangana kia phaxi, hinu ki tukulukila mundu uoso, mu kulola ene oso a tungu mu ngongo.