I Tesalonika 1:1 - O Mikanda Ikola

¹ Eme Phaulu, ni Sidivanu, ni Timote, tua sonekena o jiphange jala mu Ngeleja iala mu mbanza ia Tesalonika. Enu mua tokala Nzambi, Tata, ni Ngana Jezú Kristu. Ku kale kiadi ku mualʼ oko, ni kutululuka kua soko.

I Tesalonika 1:1 ပူးပေါင်းရင်းမြစ်များ

Jipoxolo 15:22

Kieniókio Jipoxolo ni adiakime ni Ngeleja ioso, a ki mono kiauabha kusola athu mu dianda diâ, ni ku a tuma ku Andiioka kumoxi ni Phaulu ni Barnabé. Anga a nona Juda a mu ixana Barsaba, ni Sila, athu ala ku pholo mu jiphange ja Ngeleja, ene ue ku a xila kuala oso.

Jipoxolo 15:27

Tua katula-phe Juda ni Sila, ene ue ki tua mu sonekʼ iki, a ka mi kunda-kiu ni lekalu ia dikanu.

Jipoxolo 15:40

Phaulu-phe u sola Sila, hé u katuka, kia mu sulula o jiphange ni ku mu bhakula mu kiadi kia Ngana.

Jipoxolo 16:19

Jingana jê-phe, kia mono kuma o nganhu iâ ia dielela ia di boto, a kuata Phaulu ni Sila, aia ni ku a sunga-sunga katé bhu kitanda, bhu pholo ia afundixi.

Jipoxolo 16:25

Mu kaxi ka usuku-phe, Phaulu ni Sila a kala mu kusamba ni kuimbila Nzambi, o jipelezu ni akuâ ji kala mu kuividila.

Jipoxolo 16:29

Kasalelu anga u ixana kuila eze ni jikandeia, hé u bokona lusolo, ua bhuuama ni uôma, anga u di bhala bhu pholo ia Phaulu ni Sila.

Jipoxolo 17:11

Enʼiâ a beta ujitu, ka soko ni akua Tesalonika, kuma a tambulula o maka ni kutetuluka kuoso. Izuua ioso anga a kala mù tekula mu Madivulu ma Nzambi se o ima iii kia mu i tanga Phaulu, kiene ki ia tokala.

Jipoxolo 18:5

Kia mu sange-phe Sila ni Timote, a tundu ku Masedonia, Phaulu u jijila ngo kutanga o maka. U kala mu kuambela o Jijudé kuma Jezú muène Kristu.

Jipoxolo 19:22

Anga u tuamekesa ku Masedonia kiiadi kua iá ala ku mu kuatekesa, Timote ni Erastu, muène-phe ua xala hanji mu Azia.

Jipoxolo 20:4

Enʼiâ anga a mu xinjikila katé ku Azia, Sopata mukua Beleia monʼ a Pilu; ku akua Tesalonika, Aristarko ni Sekundo; ni Ngaio mukua Derbe, ni Timote; o ku akua Azia, Tixiko ni Tolofimo.

Loma 1:7

Uila kiki, nga mi sonekena enu oso muala ku Loma, enu a mi zola kuala Nzambi, iú ua mʼ ixana phala kukala mu mundu uê. Ku kale kiadi ku mualʼ oko, ni paze i tunda kua Nzambi Tata ietu, ni Ngana Jezú Kristu.

I Kolindo 1:2

tua soneka o mukanda iú phala Ngeleja ia Nzambi iala mu Kolindo, kiene-phe, oso kiá a a kôlesa mua Kristu Jezú, a exana phala kukala mundu ua Nzambi. Mukanda iú uosoneke ue phala oso kiá akua kuhingila mu dijina dia Ngana ietu Jezú Kristu mu ididi ioso, Ngana iâ ene, Ngana ietu-etu.

II Kolindo 1:1

Eme Phaulu, Poxolo ia Kristu Jezú mu vondadi ia Nzambi, ni phange ietu Timote, tua soneka o mukanda iú phala o Ngeleja ia Nzambi iala mu mbonge ia Kolindo, ni akua Ngana oso mʼ oxi ia Ngelésia.

II Kolindo 1:19

Kuma Monʼa Nzambi, Jezú Kristu, tua mu kola muʼaxaxi kenu, eme ni Sidivanu ni Timote, kene kuila kindala kiene, kindala kana, maji mukua kiene mu kiene.

Ngalásia 1:2

O jiphange joso u ngala-nâ kunu, a tumu kumenekena o Jingeleja ku Ngalásia.

Ngalásia 1:22

O thembu iosuʼ oio-phe, o Jingeleja ku Judeia mua Kristu, ki ja ngʼ ijidile luua o pholo.

Efezo 1:2

Ku kale kiadi ku mualʼoko, ni kutululuka ku tunda kua Nzambi, Tata ietu, ni kua Ngana Jezú Kristu. Tu ximane Nzambi, Tata ia Ngana ietu Jezú Kristu!

Filipe 1:1

Eme Phaulu, ni Timote, abhika a Kristu Jezú, tua tumikisa o mukanda iú ku mundu uoso ua Nzambi mua Kristu Jezú, a tungu mu mbanza ia Filipe. Mukanda uia ue ku adiakime a Ngeleja, ni kua ió a mu kalakala-mu, o Jibispo ni Madiiakono.

Kolose 1:1

Eme Phaulu, Poxolo ia Kristu Jezú mu vondadi ia Nzambi, kumoxi ni phange ietu Timote.

II Tesalonika 1:1

Eme Phaulu, ni Sidivano, ni Timote, tua sonekana o jiphange ja Ngeleja ia akua Tesalonika, enu mua tokala Nzambi, Tata ietu, ni mua Ngana Jezú Kristu.

I Timote 1:2

nga sonekena Timote, monʼami ua kidi mu kuxikana. Nga ku indila kiadi, ni henda, ni paze, i tunda kua Nzambi Tata ietu, ni kua Kristu Jezú, Ngana ietu.

II Timote 1:2

Nga sonekena Timote, monʼamiʼa kazola mu kuxikana. Nga ku indila kiadi ni henda ni kubatama ku tunda kua Nzambi Tata, ni kua Kristu Jezú, Ngana ietu.

Jihebeleu 13:23

Ijiienu-kiu kuila o phange ietu Timote ua jituka kiá muʼaleia. Se muene nʼeza kindala kunu, ngʼila-nê kumoxi mu ku mi kunda.

I Phetele 5:12

Nga mi sonekena kamukanda kofediʼaka kua Sila, phangeʼietu ia fiiele, kala ki nga mu mono eme. Tumaka ki tua vulu, mukonda ngandala ku mi longesa, ni ku mi bhana umbangi kuma o kiadʼiki kiene kia kidi kia Nzambi, kolokotenunu muenhumu.

I Nzuá 1:3

O kima ki tua mono, ki tuevu, kiene ki tua mi tudila o Njimbu iê, phala enu uenu mu kale ku ukamba kumoxi ni etu, uila etu ki tuala mu kidi kiene ku ukamba kumoxi ni Tata ni Monʼê Jezú Kristu.

Juda 1:1

Eme Juda, mubhika ua Jezú Kristu, phange ia Tiiaku, nga sonekena ió oso a exana kuata Nzambi, ata mu henda ia Nzambi Tata, ia ata ku a tanga kuata Jezú Kristu.